रोमी 5:6 - परमेश्‍वरए ताँ तमु क्युइर

⁶ तलेबिस्याँ मुक्‍ति योंबर ङ्योइ तोइ लल् आखाँमै या ख्रीष्‍ट ह्रोंसन् युसि पापिमैंए पाप त्होमिंबर ठिक त्हेर सिमिंइ।

रोमी 5:6 ပူးပေါင်းရင်းမြစ်များ

भजनमैं 1:1

दुष्‍टमैंए सल्‍लार आप्रब, नेरो पापिमैंइ लब् धोंले आलब, धै परमेश्‍वर स्यारब्मैंने बालु आटिबै म्हिइ आशिक योंम्।

रोमी 11:26

च लिउँइँ ताँन् यहूदी ह्रेंमैंइ मुक्‍ति योंब्‍मुँ। परमेश्‍वरए छ्वेर छले प्ह्रिइमुँ: “सियोनउँइँले जोगेमिंबै म्‍हि युब्‍मुँ, याकूबए सन्तानलाइ दुष्‍ट के लबउँइँले खीजी जोगेमिंब्‍मुँ।

रोमी 4:25

ङ्योइ लबै पाप त्होमिंबै ल्हागिर येशू ख्रो तसि सिमिंइ, धै ङ्योलाइ ठिक ठर्दिबै ल्हागिर परमेश्‍वरजी येशूलाइ धबै सोगों लमिंइ।

रोमी 4:5

धर्म-कर्म आलन बिलेया ठिक ठर्दिमिंबै परमेश्‍वरए फिर बिश्‍वास लस्याँ, चइ बिश्‍वास लबइले परमेश्‍वरजी चलाइ छ्याब् आरेबन् ठर्दिमिंम्।

रोमी 5:10

तलेबिस्याँ ङ्यो परमेश्‍वरए शत्तुर मुँमन् खीए च्‍ह येशू ख्रीष्‍ट सिमिंबइले परमेश्‍वरजी ङ्यो खीए म्हिमैं तल् पिंइमुँ बिस्याँ, खीए म्हिमैं तबइले झन् ख्रीष्‍टए कोजी ङ्योलाइ खैलेबिलेन् जोगेमिंब्मुँ।

रोमी 5:7

ठिक के लबै म्‍हिए ल्हागिर बेल्‍ले गारोले को-कोइ सिलै, छ्याँबै के लबै म्‍हिए ल्हागिरै या को-कोइ सिबै आँट ललै।

रोमी 5:8

दिलेया परमेश्‍वरजी खीए म्हाँया ङ्योए फिर कति ल्हें मुँ बिसि छले उँइँइँमुँ, ङ्यो पापि मुँमन् ङ्योए पाप त्होमिंबर येशू ख्रीष्‍ट सिमिंइ!

रोमी 8:32

परमेश्‍वरजी ह्रोंसए घ्रिदे मुँबै च्‍हलाइ जोगेसि आथें, बरु ङ्यो ताँनए ल्हागिर ख्रो तबर पिंवाइ। ङ्योए ल्हागिर ह्रोंसए च्‍हलाइ पिंल् खाँबै परमेश्‍वरजी झन् अरू तोन्दोंरि सैमैं ङ्योलाइ आपिं रो वा?

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

गलाती 4:4

दिलेया तोक्दिबै त्हे पूरा तमा परमेश्‍वरजी ह्रोंसए च्‍ह कुल्‍मिंइ। खी म्‍हि तसि च्हमिरिए कोखाउँइँले ठिमए न्होंर फिइ।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

कलस्सी 2:13

ओंसों क्‍हेमैं ह्रोंसए पाप नेरो ज्युर चिनु आलबइले सिरिल, दिलेया परमेश्‍वरजी ङ्योए ताँन् पाप क्षमा लमिंसि ख्रीष्‍टने बालुन् सोगों लमिंइ।

१ थेसलोनिकी 5:9

तलेबिस्याँ परमेश्‍वरजी ङ्योलाइ दण्ड पिंबै ल्हागिर त्‍हाँब आङिं, दिलेया ङ्योए प्रभु येशू ख्रीष्‍टउँइँले जोगेबर ओंसों ओंनोंन् खीजी ङ्योलाइ त्‍हाँब् ग।

१ तिमोथी 1:9

मोशाइ च ठिममैं छ्याँबै के लब्‍मैंए ल्हागिर आपिं, ठिम आङिंब्मैं नेरो आछ्याँबै के लप्रब्मैंए ल्हागिर पिंइ बिसि क्हेमैंइ क्होल् त्हुम्। आबा आमा सैब्मैं, परमेश्‍वरलाइ आम्हाँदिब्मैं, आबा-आमा सैब्मैं, म्हि सैब्मैं,

तीतस 2:12

खीए दयाम्हाँयाउँइँले खीजी ङ्योलाइ पाप केमैं नेरो चु ह्‍युलर्बै सैमैं पिवासि, आछ्याँबै केमैंउँइँले सैं फैसि, भक्‍ति लसि छ्याँबै छ्ह थोब लोमिंम्।

हिब्रू 8:3

ताँन् खेगि क्रथे भेटि नेरो ख्रो पिंबर त्‍हाँम्। छतसि ङ्योए खेगि क्रथे येशूने ख्रो पिंबै सै तल् त्हुम्।

हिब्रू 9:26

ख्रो पिंबर ह्‍याब्रे लल् त्हुस्याँम् खी ह्‍युल बनेबै त्हे ओंनोंन् ल्हें खे दुःख नोब्रें लल् त्‍हुमल। दिलेया म्हिमैंए पाप क्षमा लमिंबर खोंयोंइ बिलैए ल्हागिर ख्रीष्‍ट तिब्‍ले मत्‍त्रे खीए ज्युलाइ ख्रों पिंबर चु जुग नुबै त्हेर युइमुँ।

१ पत्रुस 1:20

परमेश्‍वरजी ह्‍युल बनेब् भन्दा ओंसोंन् ख्रीष्‍टलाइ त्‍हाँल, दिलेया क्हेमैं जोगेबै ल्हागिर चु नुखबै त्हेर खी युइ।

२ पत्रुस 3:7

दिलेया परमेश्‍वरए च ताँउँइँलेन् तिंजरोबै मु नेरो ह्‍युल लिउँइँ मिइ ख्रोंसि नास लबै ल्हागिर तोगो समा नास आतल्‍ले खीजी थेंइमुँ। छले खीलाइ आम्हाँदिब्मैंलाइ दोषि ठर्दिसि निसाफ लबै त्हिंइर मु नेरो ह्‍युलै या खीजी नास लवाब्मुँ।

यहूदाइ प्‍ह्रिबै प्ह्रिछ्या 1:15

ताँन् म्‍हिए निसाफ लबर युब्‍मुँ। चमैंइ खीलाइ आम्हाँदिल्‍ले आछ्याँबै केमैं लइ, धै खीलाइ आम्हाँदिब्मैंइ खीए बिरोधर आछ्याँबै ताँ पोंइ, छतसि चमैंलाइ निसाफ लसि दण्ड पिंबर खी युब्मुँ।”

यहूदाइ प्‍ह्रिबै प्ह्रिछ्या 1:18

“आखिरि त्हिंइर क्‍हेमैंलाइ बिल्‍लि लब्‍मैं त्होंब्मुँ। चमैं परमेश्‍वरलाइ आम्हाँदिल्‍ले ह्रोंसए सैंउँइँले खबै आछ्याँबै ताँमैंए लिलिन् प्रब्‍मुँ,” बिसि चमैंइ क्‍हेमैंने बिब्रें लमल।

यहूदाइ प्‍ह्रिबै प्ह्रिछ्या 1:4

तलेबिस्याँ को-कोइ म्‍हिमैं स्योलिबै ताँ बिबर क्हेमैंए म्हाँजोर था आसेल्‍ले होंयाल् खाँइमुँ। चुमैंइ परमेश्‍वरलाइ आम्हाँदि, धै चुमैंए आछ्याँबै केमैं लबै ल्हागिर ङ्योए परमेश्‍वरए दयाम्हाँयालाइ तो धोंइ आङ्हाँन्ल्‍ले छाइ खैने माइ खै लवाम्। धै ङ्योए घ्रि मत्‍त्रे क्ल्हे प्रभु येशू ख्रीष्‍टए फिर चमैंइ बिश्‍वास आल। छतसि ओंसों ओंनोंन् चमैं दण्ड योंबर ठर्दिल् खाँइमुँ।