रोमी 5:5 - परमेश्‍वरए ताँ तमु क्युइर

⁵ ङ्योइ थेंबै आशार ङ्यो सैं च्योंब तल् आपिं, तलेबिस्याँ परमेश्‍वरजी खीए पबित्र प्ल्ह ङ्योलाइ पिंइमुँ, छतसि परमेश्‍वरजी ङ्योए फिर बेल्‍ले म्हाँया लइमुँ बिसि पबित्र प्ल्हजी ङ्योए सैं न्‍होंर छेनाले सेल् पिंम्।

रोमी 5:5 ပူးပေါင်းရင်းမြစ်များ

भजनमैं 119:116

ङ सोरिबै ल्हागिर क्हिजी फैबै बाछा अनुसार ङलाइ भोंब लमिंन्। ङइ थेंबै आशा फुल् आपिंन्।

चेला चिब्मैंए केमैं 10:45

अरू ह्रेंमैंए फिरै या पबित्र प्ल्ह युब् म्रोंसि पत्रुसने बालु खबै प्रभुए फिर बिश्‍वास लबै यहूदीमैं बेल्‍ले प्लेटोयाइ।

चेला चिब्मैंए केमैं 2:17

‘नुखबै त्हिंइजरे छ तब्मुँ बिसि परमेश्‍वरजी बिइमुँ, ङइ ताँन् म्हिमैंए फिर ङए पबित्र प्ल्ह कुल्मिंब्मुँ। धै क्‍हेमैंए च्‍ह-च्हमिमैंइ अगमवाणि पोंब्मुँ, क्‍हेमैंए फ्रेंसिंमैंइ दर्शनमैं म्रोंब्मुँ, धै क्‍हेमैंए खेब्मैंइ म्‍होंडा म्होंब्मुँ।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।

रोमी 1:7

परमेश्‍वरजी क्‍हेमैंए फिर म्हाँया लसि खीए म्‍हिमैं तरिगे बिसि त्‍हाँइमुँ। छतसि क्‍हेमैं रोमर टिब्‍मैंलाइ ङइ चु ताँमैं प्‍ह्रिसिन् मुँ: ङ्योए परमेश्‍वर आबा नेरो प्रभु येशू ख्रीष्‍टउँइँले क्‍हेमैंए फिर दयाम्हाँया नेरो शान्‍ति तरिगे।

रोमी 8:28

परमेश्‍वरलाइ म्हाँया लब्मैं नेरो खीए सैंर मैंब् धोंले लरिगे बिसि त्हाँब्मैंए ल्हागिर खीए पबित्र प्ल्हजी तोन्दोंरि सैर छ्याँबन् लमिंम् बिब ङ्योइ सेइमुँ।

रोमी 9:33

येशू ख्रीष्‍टए बारेर परमेश्‍वरए छ्वेर छले प्ह्रिइमुँ, “ङ्‌ह्‍योद्, ङइ यहूदीमैंए म्‍हाँजोरि प्हले थुरबै युँमा थेंम्, च युँमार ल्हें म्‍हि थुरसि क्‍हुरयाब्‍मुँ, दिलेया खीए फिर बिश्‍वास लब्मैं खाबै या सैं च्योंब तल् त्हुरिब् आरे।”

१ कोरिन्थी 8:3

दिलेया परमेश्‍वरउँइँ सैं एसि खीलाइ म्हाँया लबै म्हिलाइन परमेश्‍वरजी ङो सेम्।

२ कोरिन्थी 1:22

खीजीन् ङ्योलाइ खीए म्‍हिमैं लबै ल्हागिर छाप झोंमिंसि बैनाए रुपर खीए पबित्र प्ल्ह ङ्योए सैंर पिंसि ङ्यो खीए म्हिमैं ग बिबै ताँ पक्‍का लमिंइ।

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

२ कोरिन्थी 3:18

छतमा तारे ङ्यो ताँनइ मोंड आउल्‍लेन् प्रभुए चारबै ह्‍वे ङ्योए मोंडउँइँले चारल् पिंम्। झाइले खीउँइँले योंबै ह्‍वेइ लमा प्रभुजी अथवा पबित्र प्ल्हजी ङ्योलाइ झन् झन् खी धोंले चारब लदै बोम्।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

गलाती 4:6

क्‍हेमैं खीए प्हसेमैं तबइले परमेश्‍वरजी ह्रोंसए च्‍हए प्ल्ह ङ्योए सैंर कुल्‍मिंइमुँ। छतसि च प्ल्हउँइँले ङ्योइ परमेश्‍वरने “आबा, ओ ङए आबा” बिम्।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 1:13

छलेन क्‍हेमैं अरू ह्रेंमैंज्यै या परमेश्‍वरउँइँले योंबै मुक्‍तिए बारर्बै क्ह्रोंसेंन्बै सैं तोंबै ताँ थेसि येशू ख्रीष्‍टए फिर बिश्‍वास लइ। छतसि क्‍हेमैं या परमेश्‍वरए म्‍हिमैं तइ, धै क्‍हेमैंलाइ खीए म्हिमैं लबै ल्हागिर परमेश्‍वरजी ओंसोंन् बाछा फैबइले क्हेमैंए फिर पबित्र प्ल्हए छाप ल्हैदिइमुँ।

एफिसी 4:30

परमेश्‍वरए पबित्र प्ल्हलाइ सैं नल् आलद्। परमेश्‍वरजी आखिरि त्हिंइर स्‍वर्गर बोबै ल्हागिर खीजी क्हेमैंए फिर ह्रोंसए पबित्र प्ल्हजी छाप ल्हैदिइमुँ।

फिलिप्पी 1:20

ङए थेबै इच्छा नेरो आशा चु मुँ: ङ खोंयोंइ फापिल् त्हुरिब् आरे। ङ बेल्‍ले भोंसि तब्मुँ, सिल् त्हुलेया, सोल् योंलेया ओंसोंबै धोंले तोगो या ङउँइँले येशू ख्रीष्‍टए मान तरिगे।

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।

२ थेसलोनिकी 2:16

परमेश्‍वरजी ङ्योलाइ म्हाँया लइमुँ धै खीए दयाम्हाँयाउँइँले ङ्योलाइ थेबै आशा नेरो सैं क्होल् लबै भों पिंइमुँ। धै ङ्योए प्रभु येशू ख्रीष्‍ट नेरो ङ्योए परमेश्‍वर आबाजी

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।

१ यूहन्‍ना 4:19

परमेश्‍वरजी ओंसोंन् ङ्योए फिर म्हाँया लबइले ङ्योज्यै (खी नेरो ङ्योए बिश्‍वासी अलि-अङाँमैंलाइ) म्हाँया लम्।