रोमी 5:13 - परमेश्‍वरए ताँ तमु क्युइर

¹³ परमेश्‍वरजी ठिम पिंब् भन्दा ओंसों या ह्‍युलर म्‍हिमैंइ पाप लमल, दिलेया ठिम आरेबइले पापए हिसाब आत।

रोमी 5:13 ပူးပေါင်းရင်းမြစ်များ

उत्पत्ति 13:13

सदोमर्बै म्हिमैं दुष्‍टमैं मुँल। चमैंइ याहवेहजी आखोबै पाप केमैं लमल।

उत्पत्ति 18:20

धबै याहवेहजी बिइ, “सदोम नेरो गमोराए बिरोधर ल्हें ताँ रेइमुँ। तलेबिस्याँ चमैंइ ल्हें पाप लइमुँ।

उत्पत्ति 19:32

छतसि ङ्योइ तारे ङ्योए आबा प्हाइ म्हेरन् लसि चने रोले, धै आबाउँइँले ङ्योइ प्हसेमैं योंले।”

उत्पत्ति 19:36

छले लोतए च्हमि ङ्हिंइ खेंमैंए आबाउँइँलेन् प्हसे नोइ।

उत्पत्ति 19:4

चमैं रोब् भन्दा ओंसों सदोमर्बै फ्रेंसिमैं नेरो खेब्मैं घ्रि या आचैल्‍ले ताँन् म्हिमैं खसि लोतए धिंर कारग्यु लइ।

उत्पत्ति 38:10

चइ छले आछ्याँबै सैंले चु के लब् म्रोंसि याहवेहजी चलाज्यै या सैवाइ।

उत्पत्ति 38:7

दिलेया यहूदए च्ह थेब एरइ याहवेहए उँइँर आछ्याँबै के लमल छतसि याहवेहजी च सैवाइ।

उत्पत्ति 6:11

दिलेया पृथ्‍बीर खन्तोंदोंन् सैब् म्‍लोब् लब नेरो आछ्याँबै सैइ प्लिंब परमेश्‍वरजी म्रोंइ।

उत्पत्ति 8:21

याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 4:15

तलेबिस्याँ ठिमर्बै ताँ आम्हाँदिब्मैं म्रोंसि परमेश्‍वर ह्रिस खम्, दिलेया ठिमन् आरेस्याँ पाप तो जा बिसेया आसेमल।

१ कोरिन्थी 15:56

कालए भों पाप ग, झाइले पापए भों ठिम ग।

१ यूहन्‍ना 3:14

ङ्यो कालउँइँले जोगेसि छ्ह योंबै क्‍ल्‍ह्‍योर तर्दिल् खाँइमुँ बिसि ङ्योइ सेइमुँ। ङ्योइ बिश्‍वासी अलि-अङाँमैंलाइ सैं न्होंउँइँलेन् म्हाँयाँ लबइले ङ्योइ चु ताँ सेइमुँ। दिलेया ह्रोंसए अलि-अङाँमैंलाइ म्हाँया आलब्मैं कालए न्होंर टिरिमुँ।

१ यूहन्‍ना 3:4

पाप लब्मैंइ परमेश्‍वरए ठिमर्बै ताँ आङिं, तलेबिस्याँ ठिमए बिरोध लब पाप ग।