रोमी 5:12 - परमेश्‍वरए ताँ तमु क्युइर

¹² ताँन् भन्दा ओंसोंबै म्‍हि आदमइ परमेश्‍वरजी बिब् आङिंबइले ह्‍युलर पाप तखइ, च पापइ लमा म्हिमैं सिल् त्‍हुइ। ताँन् म्‍हिमैंइ पाप लबइले म्‍हिमैं ताँन् सिल् त्हुइ।

रोमी 5:12 ပူးပေါင်းရင်းမြစ်များ

उत्पत्ति 2:17

दिलेया छ्याँब नेरो आछ्याँब सेल् लमिंबै ज्ञान पिंबै रो बिस्याँ क्हिइ आचद्। तलेबिस्याँ च रो चबै तोदोंन् क्हि सियाब्मुँ।”

उत्पत्ति 3:19

क्हि सर आकोंन् समा क्हिए ङ्‍होर्बै छैब प्ह्‍युरसि दुःखले कमैंबै कमैं चल् त्हुब्मुँ। क्हि सउँइँलेन् बनेल, क्हि सन् ग, क्हि सिसि सर्न कोंयाब्मुँ।”

उत्पत्ति 3:6

झाइले च सिंधुँर्बै रो चबर लिंब, ङ्ह्‍योमा छ्याँब नेरो बुद्धि योंबै ल्हागिर च सिंधुँए रो चल् त्हुमन बिसि च्हमिरिइ मैंइ। छतसि चइ च सिंधुँए रो टोंसि चवाइ, ह्रोंसए प्युँलाज्यै पिंइ, धै प्युँज्यै या चइ।

भजनमैं 51:5

क्ह्रोंसेंन फिबै त्हे ओंनोंन् ङ पापि मुँल, ङए आमाए फो न्होंर मुँब् ओंनोंन् ङ पापि मुँल।

रोमी 3:23

तलेबिस्याँ ताँन् म्‍हिइ पाप लइमुँ, छतसि खी ङाँर फेनेल् आखाँइमुँ।

रोमी 5:18

खैले म्हि घ्रिए पापइ लमा ताँन् म्हिमैंइ पापए सजैं योंल् त्‍हुइ, छलेन म्हि घ्रिए छ्याँबै केइ लमा ताँन् म्‍हिमैं परमेश्‍वरए उँइँर ठिक ठर्दिसि खोंयोंइ आखाँबै छ्ह योंब् तइ।

रोमी 5:19

खैले म्हि घ्रिइ परमेश्‍वरए ताँ आङिंसि ताँन् म्‍हिमैं पापि तइ, छलेन येशू ख्रीष्‍टजी परमेश्‍वरजी बिब् ङिंबइले ल्हें म्‍हिमैं परमेश्‍वरए उँइँरि ठिक ठर्दिल् योंब्‍मुँ।

रोमी 5:21

पापइ लमा खैले म्हिमैं सिल् त्हुइ, छलेन परमेश्‍वरए दयाम्हाँयाजी लमा खीजी ङ्योलाइ ठिक ठर्दिमिंइमुँ, धै प्रभु येशू ख्रीष्‍टउँइँले ङ्योइ खोंयोंइ आखाँबै छ्ह योंइमुँ।

रोमी 6:21

ओंसों लबै आछ्याँबै केमैं मैंसि क्हेमैं तिंजोरो फापिम्। च केमैं लसि क्‍हेमैंइ तो योंइ? च केमैं लइरिम् क्हेमैं सिल् त्हुम्।

रोमी 6:23

तलेबिस्याँ पाप लब्मैंइ योंबै नों सिब ग! दिलेया परमेश्‍वरजी छलेन् पिंबै दान ङ्योए प्रभु येशू ख्रीष्‍टउँइँले खोंयोंइ आखाँबै छ्ह योंब् ग।

१ कोरिन्थी 15:56

कालए भों पाप ग, झाइले पापए भों ठिम ग।

एफिसी 2:3

च म्हिमैं धोंलेन् ङ्यो ताँनइ ओंसों ङ्योए सैंउँइँले खबै आछ्याँबै इच्‍छा पूरा लबै ल्हागिर लोब लमल। छतसि अरूमैंने धोंले ङ्योने या परमेश्‍वर ह्रिस खल।

याकूब 1:15

छले आछ्याँबै सैंइ म्हिमैंलाइ पाप के लबर ल्हैदिम्। पाप केमैंइ लमा ङ्यो सिल् त्हुम्।

याकूब 3:2

ङ्यो ताँनइ ल्‍हें गल्तिमैं लम्, दिलेया खाबइ ह्रोंसइ पोंबै ताँर गल्ति आल, चइ ह्रोंसए ताँन् ज्युइ या तार झोंल् खाँम्, धै च क्ह्रोंसेंन्बै छ्याँबै म्हि तम्।