रोमी 5:11 - परमेश्‍वरए ताँ तमु क्युइर

¹¹ च्‍हौ मत्‍त्रे आङिं, येशू ख्रीष्‍टउँइँले ङ्यो परमेश्‍वरर सैं तोंरिइमुँ, तलेबिस्याँ येशू ख्रीष्‍टउँइँले ङ्यो परमेश्‍वरए म्हिमैं तल् योंइमुँ।

रोमी 5:11 ပူးပေါင်းရင်းမြစ်များ

भजनमैं 104:34

ङइ खीए बारेर मैंबै ताँमैं खीजी खोरिगे, तलेबिस्याँ ङ याहवेहर सैं तोंरिम्।

भजनमैं 149:2

ह्रोंसलाइ बनेबै परमेश्‍वरर्न इस्राएल सैं तोंरिगे; सियोनर्बै म्हिमैं ह्रोंसए म्रुँने सैं तोंरिगे!

भजनमैं 32:11

ओ ठिक के लब्मैं, याहवेहजी लबै केमै मैंसि सैं तोंसि कै तेद्, ओ छ्याँबै सैं प्ह्‍याब्मैं, सैं तोंदै खीए जयजय लद्।

भजनमैं 43:4

ओ परमेश्‍वर, ङए परमेश्‍वर, छलस्याँ क्हिए मिंर ख्रो पिंबै क्ल्ह्‍योर ङ फेनेब्मुँ, धै ङए सैं तोंन् लबै परमेश्‍वरए मिंर ङइ बीणा ह्रादै क्हिए क्वे प्रिंब्मुँ।

लूका 1:46

झाइले मरियमइ बिइ, “ङए सैं न्होंउँइँले परमेश्‍वरए मिं क्‍वेमुँ।

यूहन्‍ना 1:12

दिलेया खा-खाबइ खीए ताँ थेसि खीए फिर बिश्‍वास लइ, खीजी चमैंलाइ परमेश्‍वरए सन्तान तबै हग पिंइ।

रोमी 11:15

तलेबिस्याँ परमेश्‍वरजी चमैंलाइ त्‍याग्‍दिवामा ताँन् ह्‍युलर्बै म्‍हिमैं परमेश्‍वरए म्‍हि तइबिस्‍याँ परमेश्‍वरजी चमैंलाइ खी ङाँइ एपमा तो तब्‍मुँ? चमैं सिसि धबै सोगों तब् धोंन् तब्‍मुँ।

रोमी 2:17

दिलेया क्‍हेमैंए म्‍हाँजोरि खाब् मुँलेया “ङ यहूदी ग, ङइ परमेश्‍वरलाइ ङो सेम्,

रोमी 5:1

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ।

रोमी 5:10

तलेबिस्याँ ङ्यो परमेश्‍वरए शत्तुर मुँमन् खीए च्‍ह येशू ख्रीष्‍ट सिमिंबइले परमेश्‍वरजी ङ्यो खीए म्हिमैं तल् पिंइमुँ बिस्याँ, खीए म्हिमैं तबइले झन् ख्रीष्‍टए कोजी ङ्योलाइ खैलेबिलेन् जोगेमिंब्मुँ।

रोमी 5:3

च्‍हौ मत्‍त्रे आङिं, दुःख तलेया ङ्यो सैं तोंम्, तलेबिस्याँ दुःख तस्‍याँ ङ्योइ दुःख सैदिबै भों योंम् बिब ङ्योइ सेम्।

रोमी 8:23

सृष्‍टि मत्‍त्रे आङिं, ङ्योज्‍यै या दुःखए सो सेंसिन् परमेश्‍वरए घ्‍याँ ङ्‌ह्‍योरिइमुँ। परमेश्‍वरजी लिउँइँ पिंबै ताँन् आशिकए फुइ तोगोइन खीए पबित्र प्ल्ह ङ्योए ल्हागिर पिंइमुँ। छतमा खीजी ङ्योलाइ खीए च्‍ह-च्हमिमैं लमिंसि जोगेमिंब्मुँ बिसि ङ्योइ घ्‍याँ ङ्‌ह्‍योरिइमुँ।

रोमी 9:10

च च्ह ङ्योए खे इसहाक मुँल, लिउँइँ इसहाकए प्‍ह्रेंस्‍यो रिबेकाइ जौंले च्‍हमैं फिइ।

१ कोरिन्थी 10:16

ङ्योइ प्रभु भोजरि परमेश्‍वरलाइ धन्‍यबाद पिंसि प्‍हेलाउँइँले थुँम्। छले थुँमा ङ्योइ ख्रीष्‍टए कोए भाग योंम्। छलेन क्‍हें चमा ङ्योइ ख्रीष्‍टए ज्युए भाग योंम्।

२ कोरिन्थी 8:19

च्हौ मत्‍त्रे आङिं, प्रभुए मिं थेब् तबै के लबै ल्हागिर नेरो ङिलाइ ल्होबर ताँन् क्‍ल्‍ह्‍योर्बै बिश्‍वासीमैंइ ङिने ह्‍यारिगे बिसि चलाइ त्‍हाँइ।

गलाती 4:9

दिलेया तोगो क्‍हेमैंइ परमेश्‍वरलाइ ङो सेइमुँ - बिलन् त्हुमा: परमेश्‍वरजी क्‍हेमैंलाइ ङो सेइमुँ। परमेश्‍वर ङो सेसेया क्‍हेमैं तले ओंसोंन् म्हाँदिबै केर आफेबै सैमैंन् म्हाँदिसि धबै चु ह्‍युलर्बै छ्यामैंए न्होंर तदा ङ्हाँमुँ?

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

फिलिप्पी 3:1

ओ अलि-अङाँमैं, आखिरि बिलन् त्हुबै ताँ चु मुँ: प्रभुने घ्रिन् तसि खोंयोंन् बिलै सैं तोंन्। क्हेमैंने ओंसोंन् बिल् खाँबै ताँमैं धबै प्‍ह्रिबर ङ छोरों आङ्हाँ, तलेबिस्याँ चु ताँमैंइ क्‍हेमैंलाइ आछ्याँबै घ्याँर प्रबउँइँले जोगेमिंमुँ।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

फिलिप्पी 4:4

छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।

कलस्सी 2:6

छतसि क्हेमैंइ ख्रीष्‍ट येशूलाइ प्रभु बिसि म्हाँदिब् धोंले खीनेन् घ्रि तसि छ्ह थोद्।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,