रोमी 4:19 - परमेश्‍वरए ताँ तमु क्युइर

¹⁹ च त्हेर अब्राहाम प्र बर्ष तबर होंल च सिबै त्हे तयालैया, ह्रोंसए प्ह्रेंस्यो सारा या माँब् तसि प्‍हसे तल् आखाँ बिब् सेलैया अब्राहामइ परमेश्‍वरए ताँर कत्ति संका आल।

रोमी 4:19 ပူးပေါင်းရင်းမြစ်များ

उत्पत्ति 17:17

छबिमा अब्राहाम पत्खु तसि सैं न्हों-न्हों निस्योसि बिइ, “प्र बर्ष तयाबै म्हिलैया प्हसे तम् रो वा? धै कुच्यु बर्ष तयाबै साराई प्हसे फिलै रो वा?

मत्ती 14:29

खीजी “तम्, खो,” बिमा पत्रुस डुँङ्गाउँइँले तसि येशू ङाँर ह्‍याबर क्यु फि फि प्रबर होंइ।

मत्ती 14:31

चइ कै तेबै तोदोंन् येशूजी चए योर क्‍हासि “ओ बिश्‍वास आरेबै म्हि, तले संका लल?” बिइ।

मत्ती 6:30

तिरो ङ्हिरोदे प्‍हारबै ट या परमेश्‍वरजी छले पैरिदिमिंम् बिस्याँ ओ बिश्‍वास आरेबै म्हिमैं, खीजी झन् क्‍हेमैंलाइ चमैं भन्दा ल्हें आपैरिदिमिं रो वा?

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

रोमी 14:21

छतसि खास ताँ, से चब, प्हा थुँब मत्‍त्रे आङिं, क्हिइ तो के ललेया अलिलाइ पापर आच्होवारिगे।