रोमी 4:16 - परमेश्‍वरए ताँ तमु क्युइर

¹⁶ परमेश्‍वरजी पिंम् बिसि फैबै बाछा अब्राहामए सन्‍तानमैंइ योंरिगे बिसि म्‍हिमैंइ बिश्‍वास लबइले परमेश्‍वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्‍तानए ल्हागिर मत्‍त्रे आङिं, अब्राहामइ धोंले बिश्‍वास लब्‍मैंए ल्हागिरै ग। तलेबिस्याँ ङ्यो ताँनए खे अब्राहाम ग।

रोमी 4:16 ပူးပေါင်းရင်းမြစ်များ

लूका 19:9

येशूजी चने बिइ, “तिंयाँ चु धिंर्बै म्हिमैंइ मुक्‍ति योंइमुँ, तलेबिस्याँ चु या अब्राहामए सन्तान ग।

रोमी 15:8

तलेबिस्याँ ङ क्हेमैंने बिमुँ, यहूदीमैंए खेमैंने परमेश्‍वरजी फैबै बाछा पूरा लबै ल्हागिर परमेश्‍वर क्ह्रोंसेंन्ले भर लल् खाँब मुँ बिसि उँइँबर येशू ख्रीष्‍टजी यहूदीमैंलाइ ल्होमिंइ।

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

रोमी 3:30

तलेबिस्याँ परमेश्‍वर घ्रि मत्‍त्रे मुँ। छतसि ज्युर चिनु लबै यहूदी मुँलेया, ज्युर चिनु आलबै अरू ह्रेंमैं मुँलेया, ताँन् म्‍हिमैंइ येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम्।

रोमी 4:11

अब्राहामइ ज्युर चिनु लब् भन्दा ओंसोंन् परमेश्‍वरए फिर बिश्‍वास लबइले परमेश्‍वरजी चलाइ च त्हेर्न ठिक ठर्दिइ। च लिउँइँ परमेश्‍वरजी चलाइ ठिक ठर्दिबै चिनु तरिगे बिसि ज्युर चिनु लल् पिंइ। ज्युर चिनु लब् भन्दा ओंसोंन् अब्राहाम ठिक ठर्दिबइले ज्युर चिनु आललैया बिश्‍वास लब्‍मैंए खे अब्राहाम तइ, तलेबिस्याँ ज्युर चिनु आललैया म्‍हिमैंइ बिश्‍वास लसिन् परमेश्‍वरए उँइँर ठिक ठर्दिम्।

रोमी 5:1

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ।

रोमी 9:8

चुए अर्थ, से कोउँइँले फिब्मैं परमेश्‍वरए च्ह-च्हमिमैं आङिं। बरु परमेश्‍वरजी बाछा फैसि पिंम् बिसि योंबै च्ह-च्हमिमैं मत्‍त्रे अब्राहामए सन्‍तान ठर्दिम्।

गलाती 3:14

परमेश्‍वरजी अब्राहामने पिंबै आशिक येशू ख्रीष्‍टउँइँले अरू ह्रेंमैंज्यै या योंरिगे धै खीजी बाछा फैसि पिंम् बिबै पबित्र प्ल्ह ङ्योए बिश्‍वासउँइँले ङ्योइ योंरिगे बिसि ख्रीष्‍टजी सै फोसि ङ्योलाइ खामिंइ।

गलाती 3:16

छलेन अब्राहाम नेरो चए सन्‍तान न्होंर्बै म्हि घ्रिने परमेश्‍वरजी बाछा फैइमुँ। छ्वेर “ल्हें म्हिने बाछा फैइमुँ” आबि, बरु “क्‍हिए सन्‍तान न्होंर्बै म्हि घ्रि” बिसि म्‍हि घ्रिने मत्‍त्रे बाछा फैमुँ। च म्‍हि ख्रीष्‍ट ग।

गलाती 3:22

दिलेया “ताँन् म्‍हिमैं पापए न्होंर मुँ” बिसि छ्वेइ बिइमुँ। छतसि परमेश्‍वरजी बाछा फैसि पिंम् बिबै खोंयोंइ आनुबै छ्ह येशू ख्रीष्‍टए फिर बिश्‍वास लबइले मत्‍त्रेन् योंइमुँ।

एफिसी 2:5

छतसि ङ्योइ पाप लसि सिल् त्हुलेया खीजी ङ्योलाइ ख्रीष्‍टने बालुन् सोगों लमिंइ। परमेश्‍वरए थेबै दयाम्हाँयाजी क्‍हेमैंलाइ जोगेमिंइमुँ।

एफिसी 2:8

छतसि परमेश्‍वरए दयाम्हाँयाइ लमन् क्‍हेमैंए बिश्‍वासउँइँले क्हेमैंइ मुक्‍ति योंइमुँ। क्हेमैंइ छ्याँबै केमैं लसि चु मुक्‍ति योंब आङिं, चुम् परमेश्‍वरजी छलेन् पिंब् ग।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

२ पत्रुस 1:10

छतसि ओ ङए अलि-अङाँमैं, परमेश्‍वरजी क्‍हेमैंलाइ त्हाँसि हुइमुँ बिबै ताँ क्ह्रोंसेंन् ग बिसि उँइँबै ल्हागिर क्हेमैं छेनले छ्ह थोद्। छ लस्‍याँ क्‍हेमैं परमेश्‍वरउँइँले खोंयोंइ ह्रेंगो तरिब् आरे।