रोमी 3:31 - परमेश्‍वरए ताँ तमु क्युइर

³¹ येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम् बिस्याँ खीए ठिम केर आफेब तइ वा? कत्ति आत! बरु ङ्योइ खीए ठिम छेनाले म्हाँदिम्।

रोमी 3:31 ပူးပေါင်းရင်းမြစ်များ

भजनमैं 119:126

ओ याहवेह, म्हिमैंइ क्हिए ठिमए बिरोध लइमुँ! चमैंलाइ तो लल् त्हुब् जा क्हिजीन् लद्।

भजनमैं 40:8

ओ ङए परमेश्‍वर, क्हिजी ङने ल्हैदिबै के ङइ सैं तोंन्ले लम्, तलेबिस्याँ क्हिए ठिम ङए सैंर मुँ।”

मत्ती 15:6

छतसि क्हेमैंइ ह्रोंसए छ्या म्हाँदिबै ल्हागिरि परमेश्‍वरजी बिबै ताँ आम्हाँदिइमुँ।

मत्ती 3:15

दिलेया येशूजी यूहन्‍नाने बिइ, “तोगो छान् तरिगे। छले ङ्योइ परमेश्‍वरजी बिब् धोंले लब् छ्याँब मुँ।” छबिमा यूहन्‍नाइ येशूलाइ बप्‍तिस्‍मा पिंइ।

मत्ती 5:17

“ङ मोशाइ प्‍ह्रिबै ठिमर्बै ताँमैं नेरो अगमबक्‍तामैंए ताँमैं थोबर युब बिसि क्हेमैंइ आमैंन्। च ताँमैं पूरा लबर ङ युब् ग।

मत्ती 5:20

“तलेबिस्याँ ङ क्‍हेमैंने बिमुँ, शास्‍त्रिमैंइ नेरो फरिसीमैंइ लबै केमैं भन्दा क्हेमैंइ लबै केमैं छ्याँब आतइ बिस्याँ क्हेमैं खैलसेया स्वर्गर्बै ग्याल्सरि होंल् योंरिब आरे।

लूका 20:16

च खसि च आधे लब्‍मैं सैवाब्मुँ, धै म्रों अरू म्हिमैंलाइन पिंवाब्मुँ।” चु ताँ थेसि म्हिमैंइ बिइ, “छाबम् खोंयोंइ आतरिगे!”

रोमी 10:4

तलेबिस्याँ खीए फिर बिश्‍वास लब्मैं ताँन् परमेश्‍वरए उँइँर ठिक ठर्दिरिगे बिसि ङ्योए ल्हागिर ख्रीष्‍टजीन् ठिमइ बिब् धोंबै के लमिंइ।

रोमी 2:20

बुद्धि आरेब्‍मैंलाइ ङइ छ्याँबै ताँ लोमिंल् खाँम्, आक्होब्‍मैंलाइ ङइ छेनाले क्होमिंल् खाँम्। झाइले परमेश्‍वरए ठिम ङिने बालुन् मुँबइले क्होल् त्‍हुबै ताँन् ताँ ङइ सेइमुँ,” बिसि क्हि प्हैंसि पोंम्।

रोमी 3:4

ताँन् म्‍हिमैं स्‍योर्गु मुँलेया परमेश्‍वर क्ह्रोंसेंन्बै मुँ, खीजी स्योर आते। “क्‍हिजी क्ह्रोंसेंन्बै ताँ पोंमुँ, निसाफ तबै त्हेर क्‍हि ट्होगों तब्‍मुँ,” बिसि परमेश्‍वरए छ्वेर प्ह्रिइमुँ।

रोमी 3:6

छाबै ताँ कत्ति मैंल् आत! खी ठिक निसाफ लबै परमेश्‍वर ग! आस्याँ खीजी खैले ह्‍युलर्बै म्हिमैंए निसाफ छेनाले लल् खाँम्?

रोमी 4:14

ठिमर प्ह्रिबै ताँ म्हँदिब्‍मैं मत्‍त्रे ह्‍युलर्बै हाकवालमैं तम् बिस्याँ बिश्‍वास लसि फायदा आरे। छ तस्याँ बाछा फाक्‍कर्न तमल।

रोमी 7:22

तलेबिस्याँ ङए सैं घ्रिइ परमेश्‍वरए ठिम म्हाँदिबर बेल्‍ले सैं तोंम्,

रोमी 7:25

परमेश्‍वरलाइ धन्‍यबाद तरिगे, तलेबिस्याँ प्रभु येशू ख्रीष्‍टजीन् ङ्योलाइ जोगेमिंइमुँ! छतमा ङए हालत छाबन् ग। ङइ ह्रोंसए सैंइ मत्‍त्रे परमेश्‍वरए ठिम म्हाँदिम्, दिलेया ङए ओंसोंबै बानिइ पापए सेवा लम्।

रोमी 8:4

ङ्योए ओंसोंबै बानिइ बिब् ङिंसि आङिं, बरु परमेश्‍वरए पबित्र प्ल्हजी बिब् ङिंबइले ङ्योइ ठिमइ बिबै ठिक ताँमैं ङिंल् खाँरिगे बिसि परमेश्‍वरजी छ लइ।

१ कोरिन्थी 9:21

छलेन ठिम आम्हाँदिबै अरू ह्रेंमैंए म्हाँजोर ङइ के लमा चमैंइ येशू ख्रीष्‍टए फिर बिश्‍वास लरिगे बिसि ङ मोशाइ पिंबै ठिम आम्हाँदिबै म्हि धोंन् तइ। (दिलेया ङ परमेश्‍वरए ठिमए न्होंर टिसि ख्रीष्‍टजीन् बिबै ताँ ङिंम्।)

गलाती 2:19

तलेबिस्याँ ङ परमेश्‍वरए ल्हागिर सोरिगे बिसि ओंसोंबै ङइ म्हाँदिबै ठिमइ लमा ठिमए ल्हागिर ङ सिब् धोंन् तइमुँ।

गलाती 2:21

छतसि ङइ खोंयोंइ बिलै परमेश्‍वरए दयाम्हाँयाए फिर भर लम्, तलेबिस्याँ ठिम म्‍हाँदिसि म्हिमैं परमेश्‍वरए उँइँर ठिक ठर्दिल् खाँम् बिस्‍याँ ख्रीष्‍ट फाक्‍कर्न सिइ!”