रोमी 3:28 - परमेश्‍वरए ताँ तमु क्युइर

²⁸ छतसि ठिमइ बिब् म्हाँदिसि परमेश्‍वरए उँइँर ठिक ठर्दिल् आखाँ, दिलेया येशू ख्रीष्‍टए फिर बिश्‍वास लसि मत्‍त्रेन् परमेश्‍वरए उँइँरि म्‍हिमैं ठिक ठर्दिम्।

रोमी 3:28 ပူးပေါင်းရင်းမြစ်များ

यूहन्‍ना 5:24

“क्ह्रोंसेंन ङ क्हेमैंने बिमुँ, खाबइ ङए ताँ थेसि ङ कुल्मिंबै आबाए फिर बिश्‍वास लमुँ, चइ खोंयोंइ आनुबै छ्ह योंम्। चए निसाफ आत, चइ सजैं योंल् आत्हु, बरु च म्हि सिबउँइँले धबै सोसि खोंयोंइ आखाँबै छ्ह योंइमुँ।

यूहन्‍ना 6:40

खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

रोमी 3:26

तलेबिस्याँ खीजी चमैं ङ्योने बालु खागु लइ, धै च ताँन् पापए सजैं येशूजी नोमिंइ। परमेश्‍वरजी ठिक निसाफ लमुँ धै येशूए फिर बिश्‍वास लब्मैं ताँनलाइ खीजी ठिक ठर्दिमिंम् बिसि उँइँमिंबै ल्हागिर्न खीजी छान् लइ।

रोमी 4:5

धर्म-कर्म आलन बिलेया ठिक ठर्दिमिंबै परमेश्‍वरए फिर बिश्‍वास लस्याँ, चइ बिश्‍वास लबइले परमेश्‍वरजी चलाइ छ्याब् आरेबन् ठर्दिमिंम्।

रोमी 5:1

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ।

रोमी 8:3

म्‍हिए आछ्याँबै इच्‍छाए भोंलाइ ट्होरिगे बिसि परमेश्‍वरजी खीए च्ह येशूलाइ ख्रो तबर चु ह्‍युलर कुल्‍मिंइ। परमेश्‍वरए च्‍ह येशूजी म्‍हिए कमजोरि आछ्याँबै बानि मुँबै रुप किंसि ख्रो तसि म्हिमैंए आछ्याँबै इच्‍छाए भोंलाइ नास लवाइ। छले ठिमइ लल् आखाँबै के परमेश्‍वरजी लमिंइ।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

गलाती 2:16

दिलेया ‘यहूदीमैंए ठिम म्‍हाँदिसि म्हि ठिक आठर्दि, येशू ख्रीष्‍टए फिर बिश्‍वास लसि मत्‍त्रे म्हिमैं परमेश्‍वरए उँइँर ठिक ठर्दिम्,’ बिसि ङ्योइ था सेइमुँ। ठिमइ लद् बिबै के लबर्न परमेश्‍वरए उँइँर खाबै या ठिक ठर्दिल् आखाँ। छतसि ख्रीष्‍टए फिर बिश्‍वास लसि मत्‍त्रे ङ्यो परमेश्‍वरए उँइँर ठिक ठर्दिरिगे बिसि ङ्योज्यै या ख्रीष्‍ट येशूए फिर बिश्‍वास लइ।

गलाती 3:24

खीए फिर बिश्‍वास लबै त्हे आखन् समा परमेश्‍वरए उँइँर ठिक ठर्दिबै ल्हागिर ङ्योलाइ लोदा-सैंदा लसि ख्रीष्‍ट समा डोरेबर खीजी ङ्योलाइ ठिम पिंइ।

गलाती 3:8

परमेश्‍वरजी अरू ह्रेंमैंलासेया खीए फिर्बै बिश्‍वासर्न ठिक ठर्दिमिंब्‍मुँ बिबै ताँ ओंसोंन् छ्वेर प्ह्रिथेंल। छतसि परमेश्‍वरजी अब्राहामलाइ “क्‍हिउँइँलेन् ताँन् ह्रेंमैंइ आशिक योंब्‍मुँ” बिसि सैं तोंबै ताँ बिल।

एफिसी 2:9

छ्याँबै केमैं लसि म्हिमैंइ मुक्‍ति योंल् आखाँ। छतसि छ्याँबै के लइ बिसि खाबै या थेब् प्हैंल् आत्हु।

फिलिप्पी 3:9

छतसि तारे ङ खीने बालुन् तदा ङ्हाँइमुँ। ह्रोंसइ लबै धर्मउँइँले, नेरो मोशाइ प्ह्रिबै ठिममैं म्हाँदिबइले ङ धर्मि तब आङि, बरु येशू ख्रीष्‍टए फिर बिश्‍वास लबइले ङ परमेश्‍वरए उँइँर ठिक ठर्दिइमुँ। छले ङ परमेश्‍वरउँइँले ठिक ठर्दिब् ग।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

याकूब 2:18

दिलेया कोइ म्‍हिइ बिलै, “क्हिने प्रे बिश्‍वास मुँ, ङने प्रे केमैं। ल्हु, छबिस्याँ के आलल्‍ले क्‍हिइ लबै बिश्‍वास ङने उँइँन्दि! धै ङइ के लसि ङइ लबै बिश्‍वास क्‍हिने प्रे उँइँब्मुँ।”

याकूब 2:20

ओ ताँ आक्होबै म्‍हि! छ्याँबै के आलब्मैंए बिश्‍वास केर आफेब तम् बिसि ङइ क्‍हिने चिनु उँइँरिगे ङ्हाँइमुँ वा?

याकूब 2:24

छतमा खीए फिर बिश्‍वास लब्मैंइ बिश्‍वास मत्‍त्रे आङिं, छ्याँबै केमैं या लल् त्हुमन। छलस्याँ परमेश्‍वरए उँइँर ठिक के लबै म्हिमैं तब् मुँन।