रोमी 2:3 - परमेश्‍वरए ताँ तमु क्युइर

³ छाबै आछ्याँबै के लइ बिसि क्हिइ अरूलाइ दोष ल्हैदिमुँ, दिलेया ह्रोंसज्यै च केन् लप्रम् बिस्याँ परमेश्‍वरजी निसाफ लमा क्‍हि स्योल् खाँम्‍मा? आखाँ!

रोमी 2:3 ပူးပေါင်းရင်းမြစ်များ

भजनमैं 50:21

क्हिइ चु ताँन् आछ्याँबै केमैं लइमुँ दिलेया ङ तोइ आपोंन्ले टिइ; छतसि ङै या क्हि धोंन् तब्मुँ बिब क्हिए सैंर ङ्हाँमै। छ आङिं! ङइ क्हि हौदिब्मुँ धै क्हिइ खैबै केमैं लइमुँ बिब क्हिए ओंसोंन् ताँन् उँइँमिंब्मुँ।

भजनमैं 56:7

ओ परमेश्‍वर, चमैंइ लबै आछ्याँबै केमैंए दण्ड चमैंलाइ पिंन्; क्हिए ह्रिसर चमैंलाइ क्हुरवाद्!

हितोपदेश 11:21

दुष्‍ट म्हिमैं दण्ड आयोंन् समा स्योरल् योंरिब् आरे, दिलेया ठिक के लब्मैं जोगेल् योंब्मुँ बिबै ताँ क्ह्रोंसेंन ग।

हितोपदेश 16:5

याहवेहजी थेब् प्हैंब्मैं तिफुँइ आखो; चमैंइ खैले बिलैया दण्ड योंब्मुँ।

मत्ती 23:33

प्‍हुरिमैं, ओ साँबे प्‍हुरिए प्हसेमैं! क्‍हेमैं नर्गर्बै मिउँइँले खैले स्योल् खाँमुँ?

मत्ती 26:53

ङ ह्रोंसए आबाने बालु ल्होमिंन् बिसि यो छ्युँ लल् आखाँ ङ्हाँल् वा? ङइ बिस्याँ आबाइ तोगोंन् ङ जोगेमिंबर च्युसे ङ्हिं पल्टन भन्दा ल्हें स्‍वर्गदूतमैं आकुल रो वा?

लूका 12:14

दिलेया खीजी चने बिइ, “ओ थु, क्‍हेमैंए फिर निसाफ लब् नेरो क्हेमैंए सै न्होर चुमिंन् बिसि ङलाइ खाबइ ल्हैदिइ?”

लूका 22:58

तिस्याँदे लिउँइँ अर्को म्‍हि घ्रिइ चलाइ म्रोंसि बिइ, “क्‍हि या चमैं न्होंर्बै आङिं वा?” दिलेया पत्रुसइ चने या “अहँ, ङ चए थु आङिं,” बिइ।

लूका 22:60

दिलेया पत्रुसइ बिइ, “अबुइ, तो ताँ लल? क्‍हिइ बिबै ताँ ङइ तोइ आक्‍हो!” पत्रुसइ छ बिरिबै तोंर्न नग भाले ओरइ।

रोमी 1:32

छाबै म्‍हिमैं ताँन् सिल् त्हुम् बिसि परमेश्‍वरए छ्वेर प्ह्रिबै ताँ चमैंइ सेना बिलेया चमैंइ च केन् लम्। च्‍हौ मत्‍त्रे आङिं, अझै उल्‍टो च आछ्याँबै के लब्‍मैंने या क्ह्रिम्।

रोमी 2:1

ओ अरूए फिर छ्याब् ल्‍हैदिबै म्हि, क्‍हि खाब् मुँलेया निउँ लबै घ्याँ तोइ आरे, तलेबिस्याँ क्‍हिइ अरूए फिर खैले छ्याब् ल्‍हैदिमुँ छाबन् के क्हिज्यै लम्। छतसि खाबइ आगुए फिर छ्याब् ल्हैदिमुँ च ह्रोंसन् दोषि ठर्दिम्।

रोमी 2:2

परमेश्‍वरजी निसाफ लमा छाबै के लबै म्हिमैं दोषि ठर्दिम् बिबै ताँ ङ्योइ सेइमुँ।

रोमी 9:20

छतसि म्‍हिमैंइ परमेश्‍वरए बिरोध लसि पोंबै घ्याँ आरे। सए भाँडोइ कुमालेलाइ “क्हिइ तले ङलाइ छाब् लल?” बिम्‌ रो वा? आबि!

१ थेसलोनिकी 5:3

च त्हेर म्‍हिमैंइ “शान्‍ति ने सुरक्षा तइमुँ, ङ्योए फिर आछ्याँबै ताँ तोइ तल् आखाँ,” बिरिमा सुत्‍केरि बेथा ल्हैदिब् धोंले तिखेर्न चमैंए फिर दुःख तब्‍मुँ। च दुःखउँइँले खाबै या स्योरल् आखाँ।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।