रोमी 2:21 - परमेश्‍वरए ताँ तमु क्युइर

²¹ छले अरूलाइ छ्याँबै घ्याँर डोरेल् खाँम् बिबै म्हि ह्रोंसन् आछ्याँबै घ्याँर प्रब् वा? अरूने “ह्‍योल् आत” बिसि लोमिंबै म्हि ह्रोंसन् ह्‍योब् आ?

रोमी 2:21 ပူးပေါင်းရင်းမြစ်များ

मत्ती 21:13

येशूजी चमैंलाइ हौदिसि बिइ, “‘ङए धिं प्राथना लबै धिं बिब्मुँ,’ बिसि परमेश्‍वरए छ्वेर प्‍ह्रिइमुँ। दिलेया क्‍हेमैंइमि चु ह्‍योमैं टिबै क्ल्ह्‍यो ग लना।”

लूका 11:46

येशूजी बिइ, “क्हेमैं शास्‍त्रिमैंलाज्यै या धिक्‍कार मुँ! सैं क्रोल् त्‍हुम्! म्हिमैंइ नोल् आखाँबै ते क्‍हेमैंइ नोद् बिमुँ, दिलेया क्हेमैं बिस्याँ यो च्याफै टिरिम्।

लूका 12:47

“ह्रोंसए क्ल्हेए सैंर्बै ताँ क्होसेया खीए सैंर मैंब् धों आलब्मैंइ बेल्‍ले दुःख योंब्मुँ।

लूका 19:22

“क्ल्हेइ च के लबै म्हिने बिइ, ‘ओ, केर आफेबै म्हि! क्‍हिइ पोंबै ताँउँइँलेन् ङइ क्हिए निसाफ लब्मुँ। ङए सैं सारो मुँ, ङइ थेंइ आथेंबै सैन् किंमुँ, धै प्लुइ आप्‍लुबै सैन् खैंम् बिब क्‍हिइ सेना।

लूका 4:23

येशूजी चमैंने बिइ, “ओ बैद्य, क्‍हि ह्रोंसलाइन सल् लद्‍। क्हिजी कफर्नहुमर तो-तो केमैं ल‍इमुँ बिब ङिंइ थेल। छतसि चर लब् धों तबै केमैं ह्रोंसए नाँसरै या लद्‍ बिबै चु अहान् क्ह्रोसेंन क्‍हेमैंइ ङने बिब्मुँ आङिं वा।”

१ कोरिन्थी 9:27

ङइ ह्रोंसए ज्यु भोंब् लबै ल्हागिर तालिम पिंब् धोंले ह्रोंसए न्होंर थेंम्। तले छ लम् बिस्‍याँ ङइ अरूमैंलाइ “खेलर भों लद्” बिसेरो ङ फेल आतरिगे बिसि छ लब् ग।

गलाती 6:13

बिलन् त्हुमा च ज्युर चिनु लब्‍मैंज्‍यै या यहूदी ठिम आम्हाँदि। दिलेया क्‍हेमैंए ज्युर्बै चिनुए बारेर ह्रोंस थेब् प्‍हैंल् योंरिगे बिसि चमैंइ क्‍हेमैंलाइ ज्युर चिनु लल् त्‍हुम् बिसि कर ल्‍हैदिम्।