रोमी 2:20 - परमेश्‍वरए ताँ तमु क्युइर

²⁰ बुद्धि आरेब्‍मैंलाइ ङइ छ्याँबै ताँ लोमिंल् खाँम्, आक्होब्‍मैंलाइ ङइ छेनाले क्होमिंल् खाँम्। झाइले परमेश्‍वरए ठिम ङिने बालुन् मुँबइले क्होल् त्‍हुबै ताँन् ताँ ङइ सेइमुँ,” बिसि क्हि प्हैंसि पोंम्।

रोमी 2:20 ပူးပေါင်းရင်းမြစ်များ

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

रोमी 2:19

“क्‍ह्रोंसेंन्बै ताँ आसेब्मैंलाइ ङइ लोल् खाँम्, झाइले मिछु खैबर प्रब्मैंलाज्यै चारबै ह्‍वे पिंल् खाँम्,

रोमी 3:31

येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम् बिस्याँ खीए ठिम केर आफेब तइ वा? कत्ति आत! बरु ङ्योइ खीए ठिम छेनाले म्हाँदिम्।

रोमी 6:17

ओंसों क्‍हेमैं पापए केब्छैं मुँल, दिलेया तोगो क्‍हेमैंए सैं न्होंउँइँले परमेश्‍वरजी बिबै ताँ ङिंब्मैं तइमुँ। छतसि परमेश्‍वरलाइ धन्‍यबाद तरिगे।

१ कोरिन्थी 3:1

ओ अलि-अङाँमैं, ङ क्‍हेमैं ङाँर खमा पबित्र प्ल्ह मुँबै म्हिमैंने पोंब् धोंले ङ क्‍हेमैंने पोंल् आखाँल, भर्खर बिश्‍वास लबै म्हिमैंने धोंले पोंल् त्हुइ।

२ तिमोथी 1:13

छतसि ङइ लोमिंबै ताँमैं छेनाले सैंर थेंसि च धोंले छ्ह थोद्। धै येशू ख्रीष्‍टउँइँले खबै बिश्‍वास नेरो म्हाँया खोंयोंन् बिलै लरिद्।

२ तिमोथी 3:5

चमैंइ सुँइ परमेश्‍वरलाइ म्‍हाँदिम् बिम्, दिलेया चमैंए सैंइ परमेश्‍वरए क्‍ह्रोंसेंन्‍बै शक्‍तिलाइ आक्‍वें। छाबै म्‍हिमैंउँइँले स्‍यो तद्।

तीतस 1:16

चमैंइ परमेश्‍वर ङो सेइमुँ बिम्, दिलेया चमैंइ परमेश्‍वरजी आखोबै केमैं लम्, तलेबिस्याँ चमैंइ छेरन् तबै बानि प्ह्‍याब्मैं, परमेश्‍वरजी बिब आङिंब्मैं, झाइले छ्याँबै केए ल्हागिर तोइ केरै आफेब्मैं तम्।

हिब्रू 5:13

ङ्‌हे मत्‍त्रे थुँसि सोब्मैं कोलोमैं धोंबन् ग, छतसि चमैंइ छ्याँबै ताँ नेरो आछ्याँबै ताँ फेलल् आखाँ, तलेबिस्याँ चमैं कोलोमैंन् तरिम्।

याकूब 3:1

ओ अलि-अङाँमैं, क्‍हेमैंए न्होंरि ल्‍हें म्‍हिमैं लोमिंबै चिब तल् आम्‍हैद्, तलेबिस्याँ परमेश्‍वरजी निसाफ लमा लोमिंबै चिब्मैंलाइ कडा निसाफ लब्मुँ बिसि क्‍हेमैंइ था सेइमुँ।

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।