रोमी 2:10 - परमेश्‍वरए ताँ तमु क्युइर

¹⁰ छलेन छ्याँबै के लब्‍मैंलाइ परमेश्‍वरजी स्‍याबासि, इजेत नेरो शान्‍ति पिंब्‍मुँ, ओंसों यहूदीमैंलाइ झाइले अरू ह्रेंमैंलाइ।

रोमी 2:10 ပူးပေါင်းရင်းမြစ်များ

भजनमैं 15:2

क्हिजी प्रद् बिबै घ्याँर प्रब, धै ठिक केमैं लब, खों न्होउँइँलेन् क्ह्रोंसेंन्बै ताँ पोंब,

भजनमैं 29:11

तोंन् तलेया याहवेहजी ह्रोंसए म्हिमैंए सैं ढुक्‍का लमिंम्। तलेबिस्याँ याहवेहजी ह्रोंसए म्हिमैंलाइ भों पिंम्।

भजनमैं 37:37

छ्याब् आरेबै म्हिमैंलाइ मैंन्, सोजो म्हिमैंलाइ ङ्ह्‍योद्; तलेबिस्याँ छाबै म्हिमैंल सन्‍तानमैं तब्मुँ।

हितोपदेश 11:18

दुष्‍ट म्हिइ छलु म्हिलुए के लम्; दिलेया छलु म्हिलु आलल्‍ले ठिक के लबै म्हिइ खैलसे या इनाम योंम्।

हितोपदेश 8:18

मान, इजेत सै न्होर नेरो ठिक के ङने मुँ।

मत्ती 10:13

च धिंर्बै म्‍हिमैंए सैं छ्याँब मुँस्‍याँ क्‍हेमैंइ पिंबै आशिक चमैंइ योंरिगे, दिलेया चमैंए सैं छ्याँब आरेस्‍याँ क्‍हेमैंए छिं ङ्हाँब क्हेमैंनेन् एखरिगे।

लूका 1:79

झाइले मिछु खैबर टिब्मैं नेरो कालए सुँर फेल् म्हैब्मैंइ चारबै ह्‍वे योंब्मुँ, धै च ह्‍वेइ ङ्यो शान्तिए घ्याँर डोरेब्मुँ।”

लूका 12:37

धिं क्‍ल्‍हे एखमा केब्छैंमैं तयार तसि न्ह क्रों मि क्रोंले टिरिब स्यास्‍याँ क्ल्हे सैं तोंसि केब्छैंमैंइ स्‍याबासि योंब्‍मुँ। क्ह्रोंसेंन ङ क्‍हेमैंने बिमुँ, धिं क्‍ल्‍हेइ ह्रोंसए केब्छैंमैं प्‍ह्रेंमैं धोंले टिबै सै तिमिंसि चबै सैं चल् पिंम्।

लूका 19:42

चर्बै म्‍हिमैंए बारेर खीजी छले बिइ, “शान्‍ति तो ताँइ पखम् बिसि क्‍हेमैंइ तिंयाँ सेस्‍याँ तमल! दिलेया तारे क्‍हेमैंए मिइ म्रोंल् आयों।

लूका 22:14

लिउँइँ चब् चबै त्‍हे तमा येशू कुल्मिंबै चेला चिब्मैंने बालु चब् चबर क्हुँइ।

लूका 9:48

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

चेला चिब्मैंए केमैं 10:35

ताँन् म्हिमैं खाब ह्रेंर्बै मुँलेया परमेश्‍वरने ङ्हिंसि छ्याँबै के लमुँ च म्हिमैंलाइ खीजी खोमुँ।

रोमी 14:17

तलेबिस्याँ ङ्योइ परमेश्‍वरलाइ म्रुँलाइ धोंले म्हाँदिइ बिस्‍याँ खीजी ङ्योलाइ थेबै आशिक पिंम्। च आशिक तो जा बिस्‍याँ तोन्‍दोंरि सै चब् थुँब् योंब मत्‍त्रे आङिं, दिलेया पबित्र प्ल्हजी ठिक ठर्दिमिंसि पिंबै शान्‍ति नेरो आनन्‍द ग।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

रोमी 2:9

आछ्याँबै के लबै ताँन् म्‍हिमैंए फिर दुःख कष्‍ट तब्‍मुँ, ओंसों यहूदी ह्रेंए फिर झाइले अरू ह्रेंमैंए फिर।

रोमी 5:1

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ।

रोमी 8:6

ओंसोंबै बानिए इच्‍छार सैं ह्‍यास्याँ म्‍हि सिम्, परमेश्‍वरए प्ल्हए इच्‍छार सैं ह्‍यास्याँ म्‍हिइ छारा छ्ह नेरो शान्‍ति योंम्।

रोमी 9:21

कुमालेइ ह्रोंसइ चेंबै सउँइँले ह्रोंसए सैंर मैंब् धों तबै भाँडो लबै हग मुँ। छतसि चइ चेंबै सउँइँले कोइ छ्याँबै केए ल्हागिर मत्‍त्रे ओलेबै भाँडो बनेम्, कोइ खोंयोंन् बिलै ओलेबै भाँडो बनेम्। कुमालेइ मैंब् धोंले बनेम्।

रोमी 9:23

चमैंलाइ तले सैदिइ बिस्‍याँ परमेश्‍वरजी खीए बेल्‍ले थेबै मान तबै चारबै ह्‍वे ताँनलाइ उँइँबै सैं लइ। च ह्‍वे ङ्योज्‍यै या योंरिगे बिसि ङ्योलाइ थेबै केर फेबै भाँडो धों तब् लमिंइ,

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

फिलिप्पी 4:7

झाइले सैंज्यै आमैंबै परमेश्‍वरए शान्‍तिजी क्हेमैंए नरिबै सैं नेरो प्ल्होंरिबै खोंलाइ येशूउँइँले छिं ङ्हाँन् लमिंब्मुँ।

१ तिमोथी 1:17

छतसि खोंयोंन् बिलै तरिबै म्रुँ, खोंयोंइ नास आतब, नेरो म्रोंल आखाँबै घ्रि मत्‍त्रे परमेश्‍वर खीलाइन खोंयोंन् बिलै मान, इजेत नेरो महिमा तरिगे। आमेन, छान् तरिगे!

हिब्रू 2:7

क्‍हिजी खीलाइ दे त्हेए ल्हागिर स्‍वर्गदूतमैं भन्दा च्योंब लमिंइ। क्हिजी खीलाइ धबै थेब लमिंसि थेबै मान योंबै मुकुट कुमिंइमुँ।

याकूब 2:22

अब्राहामइ बिश्‍वासउँइँलेन् छाबै के लइ। छले चइ लबै केउँइँलेन् चए बिश्‍वास क्ह्रोंसेंन्बै मुँन बिब् सेइ।

याकूब 3:13

क्हेमैं न्होंर ह्रब्-सेब नेरो ताँ क्‍होबै म्‍हि खाब मुँ? च म्‍हिइ थेब् आप्‍हैंन्‍ले छ्याँबै बानिउँइँले छ्याँबै केमैं लसि उँइँरिगे।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।

१ पत्रुस 5:4

छलस्याँ ताँन् भन्दा मूलि प्‍ह्रोंछैं युबै त्हेर क्‍हेमैंइ खोंयोंइ आङ्योंलोंब नास आतबै छ्याँबै मुकुट योंब्‍मुँ।