रोमी 16:3 - परमेश्‍वरए ताँ तमु क्युइर

³ येशू ख्रीष्‍टए के लमा ङने बालुन् के लबै प्रिस्‍का नेरो चए प्युँ अकिलासने ङए जय मसीह मुँ बिमिंन्।

रोमी 16:3 ပူးပေါင်းရင်းမြစ်များ

चेला चिब्मैंए केमैं 18:26

अपोल्‍लस च्हों धिंर आङ्हिंन्ले पोंबर होंइ। छले चइ पोंबै ताँ थेसि प्रिस्‍किला नेरो अकिलासइ च ह्रोसए धिंर पखइ, धै चमैंइ परमेश्‍वरए ताँमैं अपोल्‍लसलाइ झन् छेनाले क्होमिंइ।

रोमी 16:10

अपेल्‍लेसलाज्यै या ङए जय मसीह मुँ। च ख्रीष्‍टए के लबै म्‍हि ग बिसि म्‍हिमैंइ छेनाले सेइमुँ। अरिस्‍तोबुलसए धिंर्बै परवालाज्यै ङए जय मसीह मुँ बिमिंन्।

रोमी 16:4

ङलाइ जोगेबर चमैं सिल् त्हुलेया लिलि आस्यो ङए फिर चमैंल थेबै गुन् मुँ। ङ मत्‍त्रे आङिं, अरू ह्रेंर्बै बिश्‍वासमैंए फिरै या चमैंल थेबै गुन् मुँ।

रोमी 16:7

झाइले ङने बालुन् झेलर च्युवाबै यहूदी थुमैं एन्‍ड्रोनिकस नेरो चए प्ह्रेंस्यो युनियाने जय मसीह मुँ बिमिंन्। चमैं येशू ख्रीष्‍टए कुल्मिंबै चेला चिब्मैं न्होंर्बै ताँनइ ङो सेब्मैं ग। झाइले ङइ बिश्‍वास लब् भन्दा ओंसों चमैंइ येशू ख्रीष्‍टए फिर बिश्‍वास लल।

रोमी 16:9

छलेन ख्रीष्‍टए ल्हागिर ङने बालुन् के लबै उर्बानस नेरो ङइ खोबै थु स्‍ताकिसलाज्यै या ङए जय मसीह मुँ बिमिंन्।

रोमी 8:1

छतसि ख्रीष्‍ट येशूए फिर बिश्‍वास लब्‍मैंए ल्हागिर दण्ड आरे।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

रोमी 8:2

तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

१ कोरिन्थी 16:16

छतसि ओ अलि-अङाँमैं, क्‍हेमैं या छाबै म्‍हिमैं नेरो चमैंने क्ह्रिसि छलेन् के लब्‍मैंइ बिबै ताँमैं ङिंन् बिसि ङ क्‍हेमैंने यो छ्युँ लम्।

१ कोरिन्थी 16:19

चु एशिया ह्‍युलर्बै बिश्‍वासीमैंइ क्‍हेमैंने जय मसीह बिमिंइमुँ। अकिलास, प्रिस्‍का नेरो चमैंए धिंर खागु तबै बिश्‍वासीमैंज्यै या क्‍हेमैंलाइ प्रभुए मिंरि जय मसीह बिमिंइमुँ।

२ कोरिन्थी 12:2

येशूए फिर बिश्‍वास लबै ङइ ङो सेबै म्हि घ्रिलाइ च्युसे प्लिदि भन्दा ओंसों परमेश्‍वरजी तल सोंर्बै स्वर्ग समा क्‍वेबोइ। चलाइ ज्युर्न बोइ उ प्ल्ह मत्‍त्रे बोइ च ङइ आसे, च ताँ परमेश्‍वरजी सेइमुँ।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

गलाती 1:22

च त्हे समा यहूदीया ह्‍युलर्बै बिश्‍वासीमैंइ ङलाइ आम्रोंल,

फिलिप्पी 2:25

ङए अलि इपाफ्रोडिटस क्हेमैंए सउँसर बिबै म्‍हि ग, ङए खाँचो ल्होबर क्‍हेमैंइ च कुल्मिंल। ङइ सैं तोंबै ताँ बिप्रबै क्ल्ह्‍योजरे ङए फिर दु:ख तमा चज्यै या ङने बा-बालुन् द:ख नोइ। तारे च क्‍हेमैं ङाँर एमिंल् त्हुइ बिसि ङए सैंर ङ्हाँइ,

कलस्सी 4:11

झाइले युस्‍तस बिबै येशूज्‍यै या क्‍हेमैंने जय मसीह बिमिंइमुँ। प्रभुए फिर बिश्‍वास लबै यहूदीमैं न्‍होंर चुमैं सों मत्‍त्रेइ परमेश्‍वरए ग्याल्सर्बै ताँ बिप्रबै के ङने बालुन् लसेन्‍मुँ। चुमैंइ ङए सैं बेल्‍ले क्‍होल् लमिंइमुँ।

२ तिमोथी 4:19

प्रिस्‍किला, अकिलास नेरो ओनेसिफरसए परवाने ङए जय मसीह मुँ बिमिंन्।