रोमी 16:25 - परमेश्‍वरए ताँ तमु क्युइर

²⁵ ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

रोमी 16:25 ပူးပေါင်းရင်းမြစ်များ

भजनमैं 78:2

ङइ आहनउँइँले पोंब्मुँ, था आसेबै स्योंम्बै ताँमैं ङइ बिमिंब्मुँ।

मत्ती 13:17

क्ह्रोंसेंन ङ क्हेमैंने बिमुँ, क्‍हेमैंइ म्रोंबै के नेरो थेबै ताँ स्‍योंम्‍बै अगमबक्‍तामैं नेरो ठिक के लब्मैंइ म्रोंदा ङ्हाँलेया म्रोंल् आयोंल। थेदा ङ्हाँलेया थेल् आयोंल।

मत्ती 13:35

अगमबक्‍ताइ बिबै ताँ पूरा तबर येशूजी छले पोंइ। स्योंमन् च म्हिइ छले प्ह्रिल, “ङ चमैंने अहानउँइँले पोंब्‍मुँ। ह्‍युल केब् ओंनोंबै लोथेंबै ताँमैं ङइ बिमिंब्‍मुँ।”

मत्ती 20:7

“चमैंइ बिइ, ‘खोइ, खाबज्यै या केर आल्‍हैदि। तो लब?’ “चइ चमैंने बिइ, ‘छ बिस्‍याँ क्‍हेमैं या ङए म्रोंर के लबर ह्‍याद्।’

चेला चिब्मैंए केमैं 20:32

“तारे ङइ क्‍हेमैंलाइ परमेश्‍वरए जिम्‍मार सुम्‍पिदिइमुँ। खीए दयाम्हाँयाए बारेर्बै ताँइ क्‍हेमैंए सैं भोंब् लमिंल् खाँम्, झाइले खीए म्‍हिमैंए फिर पूरा आशिक पिंब्‍मुँ।

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

रोमी 14:4

प्रभुए के लबै म्हिए फिर छ्याब् ल्‍हैदिब क्‍हिल तोइ हग आरे। चइ लबै के ठिक मुँ उ आरे बिसि चए क्ल्हेजीन् निसाफ लब्‍मुँ। झाइले च के लबै म्हिए बिश्‍वास आभोंब मुँनबिलेया निसाफ लबै त्हिंइर च ठिक ठर्दिब्‍मुँ, तलेबिस्याँ के लबै म्हिलाइ ठिक ठर्दिबै शक्‍ति प्रभु येशूने मुँ।

रोमी 16:24

ङ्योए प्रभु येशू ख्रीष्‍टए दयाम्हाँया क्‍हेमैं ताँनने तरिगे। आमेन। छान् तरिगे।

रोमी 2:16

छतमा निसाफ लबै त्हिंइर परमेश्‍वरजी येशू ख्रीष्‍टउँइँले म्‍हिमैंए सैं न्‍होंर्बै ताँमैंए निसाफ लब्‍मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।

१ कोरिन्थी 1:23

दिलेया ङ्योइ बिस्याँ क्रूसर च्योवाबै येशू ख्रीष्‍टउँइँले खबै सैं तोंबै ताँ बिप्रम्। चु ताँ यहूदीमैंइ तिफुँइ आखो, छलेन अरू ह्रेंमैंए ल्हागिर चु ताँ बुद्धि आरेब्मैंइ पोंबै ताँ धों ङ्हाँम्।

१ कोरिन्थी 2:7

दिलेया ङ्योइमि परमेश्‍वरउँइँले खबै बुद्धिए ताँमैं बिप्रम्। च बुद्धिए ताँ म्हिमैंइ तिफुँइ क्होल् आखाँब् मुँल। दिलेया ङ्योइ खीउँइँले आशिक योंरिगे बिसि स्योंम् ओंनोंन् परमेश्‍वरजी चु बुद्धि ङ्योए ल्हागिर साँथेंल।

१ कोरिन्थी 4:1

छतसि ङिलाइ येशू ख्रीष्‍टए के लब्मैं नेरो परमेश्‍वरउँइँले खबै बुद्धिए ताँमैं ङिए जिम्‍मार थेंइमुँ बिसि म्हिमैंइ मैंल् त्‍हुम्।

२ कोरिन्थी 4:3

छतसि ङिइ बिबै सैं तोंबै ताँ नास तब्मैंए ल्हागिर मत्‍त्रे हुथेंब् धों तइमुँ।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

गलाती 2:2

परमेश्‍वरजी ङने चर ह्‍याद् बिबइले ङ ह्‍याइ। ङइ लरिबै के खेरो आह्‍यारिगे बिसि खाबज्यै आसेल्‍ले चर्बै चिब्मैंने मत्‍त्रे ङइ अरू ह्रेंमैंलाज्यै बिमिंबै सैं तोंबै ताँमैंए बारेर बिइ।

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।

एफिसी 3:11

च चाँजो ह्‍युल बनेब् भन्दा ओंसों ओंनोंन् परमेश्‍वरजी मैंसि ङ्योए प्रभु येशू ख्रीष्‍टउँइँले पूरा लइ।

एफिसी 3:9

धै खीए चाँजो खीजी खैले पूरा लम् बिबै ताँ म्‍हिमैंलाइ था पिंबर परमेश्‍वरजी चु शक्‍तिए बरदान ङलाइ पिंइ। खीजी तोन्दोंरि सै बनेइ, धै खीए चाँजो खीजी स्योंम् ओंनोंन् खाबलाज्यै या सेल् आलल।

एफिसी 6:19

सैं तोंबै ताँ बिप्रबै लमा ङ झेलर तनाबिलेया ङ ख्रीष्‍टए ताँ बिमिंबै स्यार्बो ग। छतसि ङ पोंबर होंमा परमेश्‍वरजी ङए सैंर खीए ताँमैं झोंमिंरिगे, धै सैं तोंबै ताँए बारेर था आसेबै चाँजो ङइ छेनाले था पिंल् खाँरिगे,

कलस्सी 2:2

क्‍हेमैं ह्रों-ह्रोंसए न्होंर म्हाँयार सैं घ्रि तसि क्हेमैंए सैं भोंब् तरिगे, धै परमेश्‍वरउँइँले खबै क्ह्रोंसेंन्बै बुद्धिइ प्लिंसि परमेश्‍वरइ लोथेंबै ताँ क्‍हेमैंइ सेरिगे। च ताँ तो जा बिस्याँ, येशू ख्रीष्‍ट ङो सेल् योंब् ग।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

२ थेसलोनिकी 2:14

ङिइ क्हेमैंने बिबै सैं तोंबै ताँउँइँले ङ्योए प्रभु येशू ख्रीष्‍टए मान क्हेमैंज्यै या योंरिगे बिसि परमेश्‍वरजी क्हेमैं हुइब् ग।

२ थेसलोनिकी 3:3

दिलेया प्रभु येशू भर पर्दिब् मुँ। खीजी क्‍हेमैंए सैं भोंब् लमिंब्मुँ धै दुष्‍टउँइँले जोगेमिंब्‍मुँ।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

२ तिमोथी 2:8

सिबउँइँले सोगों तइ खबै दाऊदए खलकर्बै प्रभु येशू ख्रीष्‍टलाइ मैंन्। ङइ बिबै सैं तोंबै ताँ खीए बारेर्न ग।

तीतस 1:2

खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

१ पत्रुस 1:20

परमेश्‍वरजी ह्‍युल बनेब् भन्दा ओंसोंन् ख्रीष्‍टलाइ त्‍हाँल, दिलेया क्हेमैं जोगेबै ल्हागिर चु नुखबै त्हेर खी युइ।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।

दर्शन 10:7

छतसि तारे अर्को स्‍वर्गदूतइ चए थुतुरु ह्राबै लिउँइँ परमेश्‍वरजी खीए सेवा लबै अगमबक्‍तामैंने बिब् धोंले खाबज्यै आसेल्‍ले थेंबै खीए ताँमैं खीजी पूरा लब्‍मुँ।”