रोमी 16:20 - परमेश्‍वरए ताँ तमु क्युइर

²⁰ ङ्योलाइ शान्‍ति पिंबै परमेश्‍वरजी युनन् दुष्‍टलाइ क्‍हेमैंए प्‍हलेइ प्‍लेल् पिंब्‍मुँ। ङ्योए प्रभु येशूए थेबै दयाम्हाँया क्‍हेमैंने बालु तरिगे।

रोमी 16:20 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

लूका 10:19

ङ‍ए ताँ थेद्! ङइ क्‍हेमैंलाइ प्‍हुरिमैं, बिच्‍छिमैं प्लेल् खाँब नेरो शत्तुरमैंए ताँन् शक्‍तिए फिर ट्होल् खाँबै हग पिंइमुँ। छतसि तोइ सैज्यै या क्‍हेमैंलाइ न्होह्रों लल् खाँरिब् आरे।

रोमी 15:33

शान्‍ति पिंबै परमेश्‍वर क्‍हेमैं ताँनने तरिगे। आमेन, छान तरिगे।

रोमी 16:23

ङ नेरो ताँन् बिश्‍वासीमैंलाइ मान लबै गायसज्यै या क्‍हेमैंलाइ जय मसीह मुँ बिमिंइमुँ। झाइले चु धिंर मुँबै बिश्‍वासीमैंइ क्‍हेमैंलाइ जय मसीह बिमिंइमुँ। छलेन चु सहरर्बै कोशाध्‍यक्ष इरास्‍तस नेरो ङ्योए अलि क्‍वार्टसज्‍यै या क्‍हेमैंलाइ जय मसीह बिमिंइमुँ।

रोमी 16:24

ङ्योए प्रभु येशू ख्रीष्‍टए दयाम्हाँया क्‍हेमैं ताँनने तरिगे। आमेन। छान् तरिगे।

रोमी 8:37

दिलेया चु ताँन्दुःख ङ्योए फिर तनाबिलेया ङ्योलाइ म्हाँया लबै ख्रीष्‍टउँइँलेन् ङ्यो चु ताँन् सैए फिर ट्होगों तइमुँ।

१ कोरिन्थी 16:23

प्रभु येशू ख्रीष्‍टए दयाम्हाँया क्हेमैंए फिर तरिगे।

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

गलाती 6:18

ओ अलि-अङाँमैं, ङ्योए प्रभु येशू ख्रीष्‍टए दयाम्हाँया क्‍हेमैं तानने खोंयोंन् बिलै तरिगे। आमेन, छान तरिगे।

फिलिप्पी 4:23

प्रभु येशू ख्रीष्‍टए दयाम्हाँया क्‍हेमैंए सैं न्‍होंर तरिगे।

१ थेसलोनिकी 5:28

ङ्योए प्रभु येशू ख्रीष्‍टए दयाम्हाँया क्‍हेमैंने तरिगे।

२ थेसलोनिकी 3:18

ङ्योए प्रभु येशू ख्रीष्‍टए दयाम्हाँया क्‍हेमैं ताँनने प्रे तरिगे।

२ तिमोथी 4:22

प्रभु खोंयोंन् बिलै क्‍हिने प्रे तरिगे। धै खीए दयाम्हाँया क्हेमैंइ योंरिगे।

फिलेमोन 1:25

ङ्योए प्रभु येशू ख्रीष्‍टए दयाम्हाँया क्‍हेमैंए सैंर तरिगे।

१ यूहन्‍ना 3:8

दुष्‍टइ ओंसों ओनोंन् पाप लइमुँ, छतसि पाप लरिबै म्हि दुष्‍टए म्हि ग। दुष्‍टइ लबै पाप केमैं नास लवाबर परमेश्‍वरए च्‍ह ह्‍युलर युब् ग।

दर्शन 12:10

झाइले स्‍वर्गर छ बिबै थेबै कै ङइ थेइ, “तारे ङ्योए परमेश्‍वरजी ह्रोंसए म्हिमैं जोगेमिंइमुँ! खीजी ह्रोंसए ग्याल्स लबै भों उँइँमुँ! तारे परमेश्‍वरजी कुल्मिंबै म्रुँ ख्रीष्‍टजी ह्रोंसए ग्याल्स लबै हग उँइँमुँ! तलेबिस्याँ ङ्योए अलि-अङाँमैंलाइ परमेश्‍वरए उँइँर त्‍हिंयाँ म्‍हुँइँस छ्याब् ल्‍हैदिबै दुष्‍ट स्‍वर्गउँइँले मिखाएलइ भ्‍योंवाइमुँ।

दर्शन 22:21

प्रभु येशूए दयाम्हाँया परमेश्‍वरए ताँन् म्‍हिमैंने तरिगे। छान् तरिगे!