रोमी 16:18 - परमेश्‍वरए ताँ तमु क्युइर

¹⁸ तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।

रोमी 16:18 ပူးပေါင်းရင်းမြစ်များ

भजनमैं 119:130

क्हिए ताँए अर्थ खोल्दिमिंमा ज्ञान बुद्धि योंमुँ, धै आह्र आसेब्मैं या ह्रब् सेब् तम्।

भजनमैं 12:2

ताँनइ ह्रोंसए ङ्‍हेब् ट्हुब्मैंने स्योर तेसि पोंम्, चमैं फिब्लो पार्दिसि स्योर ताँमैं पोंम्।

भजनमैं 19:7

याहवेहए ठिम खोट आरेब मुँ, च ठिमइ सैं सिब्मैंलाइ भों पिंम्। खीजी बिबै ताँमैं भर लल् खाँब मुँ, आह्र आसेब्मैंलाइ च ताँइ बुद्धि पिंम्।

हितोपदेश 14:15

आमादुमैंइ खैतबै ताँ मुँलेया क्वेंम्, दिलेया बुद्धि मुँबै म्हि न्हक्रों मिक्रोंले प्रम्।

हितोपदेश 22:3

बुद्धि मुँबै म्हिइ ह्रोंसए फिर दुःख खब ओंसोंन् म्रोंसि लोबै क्‍ल्‍ह्‍यो म्हैम्, दिलेया आमादु म्हि छाइन ह्‍याम् धै दुःख योंबर फेम्।

हितोपदेश 8:5

ओ बुद्धि आरेब्मैं, बुद्धि म्हैद्; ओ आमादुमैं, च्हैंब्-मैंब् लल् खाँब्मैं तद्।

मत्ती 24:11

ल्‍हें म्‍हिमैं ‘ङ अगमबक्‍ता ग’ बिसि स्योर तेसि खब्‍मुँ, धै ल्हें म्हि खेंमैं ङाँइ लवाब्मुँ।

मत्ती 24:24

तलेबिस्याँ ‘ङ परमेश्‍वरजी कुल्मिंबै म्रुँ ख्रीष्‍ट ग’ बिसि स्‍योर तेब्मैं खब्मुँ। चमैंइ थे-थेबै चिनुमैं नेरो प्लेटोयान् तबै केमैं लसि उँइँब्मुँ, धै परमेश्‍वरजी त्हाँबै म्‍हिमैं खेंमैं ङाँइ बोल् म्‍हैब्‍मुँ।

मत्ती 6:24

“खाबज्यै या क्ल्हे ङ्हिंए सेवा लल् आखाँ। तलेबिस्याँ सेवा लबै म्हिइ क्ल्हे घ्रिलाइ हेल लब्मुँ, क्ल्हे घ्रिलाइ मान लब्मुँ, अथवा घ्रिलाइ छेन्‍ले म्हाँदिमुँ, अर्कोलाइ आम्हाँदि। छलेन क्‍हेमैंज्‍यै या परमेश्‍वर नेरो मुइ ङ्हिंना ङ्हिंनाए सेवा लल् आखाँ।

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

रोमी 14:18

खाबइ छले येशू ख्रीष्‍टए सेवा लमुँ, छाबै म्हिने परमेश्‍वर सैं तोंम्, झाइले चइ म्हिमैंउँइँले या स्‍याबासि योंम्।

रोमी 16:19

दिलेया क्‍हेमैंइ सैं तोंबै ताँ छेनाले म्हाँदिसि च अनुसार प्रम् बिब ताँनइ थेइमुँ। चु ताँर ङए सैं बेल्‍ले तोंइमुँ। अझै क्‍हेमैं छ्याँबै के लबर सिपालु तरिगे, धै आछ्याँबै केमैंए छ्याब क्हेमैंए फिर आखरिगे बिब ङए सैं मुँ।

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

गलाती 1:10

ङइ म्हिमैंउँइँले स्‍याबासि म्‍हैरिइमुँ उ परमेश्‍वरउँइँले स्‍याबासि म्‍हैरिइमुँ? ङइ म्‍हिमैंए सैं तोंन् लल् म्हैरिइमुँ वा? ङइ अझै म्‍हिमैंए सैं तोंन् लल् म्‍हैरिस्‍याँ ङ ख्रीष्‍टए सेवा लल् आखाँमल।

फिलिप्पी 2:21

(चमैंइ खाबज्यै येशू ख्रीष्‍टए ताँला तोइ वास्‍ता आल, ह्रोंसए फायदा मत्‍त्रे म्हैम्।)

फिलिप्पी 3:19

चुमैं लिउँइँ नर्गर नास तब्‍मुँ, तलेबिस्याँ फोन् चुमैंए देवता ग। धै फापिल् त्‍हुबै केमैं लल् योंमा चुमैं सैं तोंम। चमैंए सैं खोंयोंइ बिले चु ह्‍युलर्बै सैमैंर फिरन् तरिम्।

कलस्सी 2:4

स्योलिबै ताँमैं पोंसि खाबज्यै क्हेमैं लुल् आखाँरिगे बिसि ङ क्‍हेमैंने बिइमुँ।

कलस्सी 3:24

छ लस्याँ क्‍हेमैंइ योंल् त्हुबै इनाम प्रभुए योउँइँले योंब्मुँ, तलेबिस्याँ क्‍हेमैंइ प्रभु ख्रीष्‍टए सेवा लरिइमुँ।

२ थेसलोनिकी 2:10

धै नास तयाब्मैंने औदिबै स्योलिबै ताँमैं पोंब्मुँ। चमैं नास तयाब्मुँ तलेबिस्याँ चमैंइ क्ह्रोंसेंन्बै ताँ आक्वें धै छ्याँबै घ्याँरै या आप्र।

१ तिमोथी 6:5

छाबै म्हिमैं मदि न्होंयाब्मैं नेरो क्ह्रोंसेंन्बै ताँ आक्वेंब्मैं ङाँर ह्‍यासि प्होंगि लल् म्हैम्, धै परमेश्‍वरए मिंर के लब् प्हैंसि ङ खैले प्लब् तब् ङ्‍हे बिसि चमैंइ मैंम्।

याकूब 1:1

परमेश्‍वर नेरो प्रभु येशू ख्रीष्‍टए के लबै म्‍हि याकूबउँइँले चु ह्‍युल तिगोंन् प्हुँइ टिबै च्युसे ङ्हिं कुललाइ जय मसीह मुँ।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।

यहूदाइ प्‍ह्रिबै प्ह्रिछ्या 1:1

येशू ख्रीष्‍टए के लबै म्हि ङ याकूबए अलि यहूदाउँइँले परमेश्‍वरजी खोसि त्‍हाँबै म्‍हिमैंलाइ जय मसीह मुँ। परमेश्‍वर आबाजी क्हेमैंलाइ म्हाँया लइमुँ, धै येशू ख्रीष्‍टजी क्हेमैंलाइ रक्षा लथेंइमुँ।

यहूदाइ प्‍ह्रिबै प्ह्रिछ्या 1:12

संगति लल् खाँसि चब् थुँब् लमा चुमैं पि आरेल्‍ले चब्मैं ग। तलेबिस्याँ चमैंइ खाबलाज्यै या वास्ता आल, अरूइ चल् योंरिगे उ आयोंरिगे चमैंलाइ न्हुँ आरे। चमैं थेबै खैंइ नोइ बोवाबै नाँ आरेबै न्‍हाँम्‍स्यो धों तब्मैं ग। झाइले रो आरोबै सर्खर्बै सिं धुँ धों तब्मैं ग, ङ्हिब्‍ले सियाबै धुँमैं धोंले चमैं जराउँइँलेन् स्‍युवाइमुँ।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।