रोमी 16:17 - परमेश्‍वरए ताँ तमु क्युइर

¹⁷ ओ अलि-अङाँमैं, ङ क्‍हेमैंने यो छ्युँ लमुँ, भाँडिदिब्‍मैं नेरो क्हेमैंलाइ लोमिंबै परमेश्‍वरए ताँए बिरोधर पोंसि आक्ह्रिल् लब्‍मैंउँइँले न्ह क्रों मि क्रोंले स्‍योले टिद्।

रोमी 16:17 ပူးပေါင်းရင်းမြစ်များ

मत्ती 18:17

अझै या चइ क्‍हेमैंए ताँ थेल् आङिंस्‍याँ बिश्‍वासीमैं ङाँर ह्‍यासि ताँन् ताँ बिद्। धै चमैंए ताँ या च अलिइ आङिंस्‍याँ च परमेश्‍वर आम्हाँदिब्मैं अथवा रोमी म्रुँए ल्हागिर बालि रेब्‍मैं धोंबन् तरिगे।

मत्ती 18:7

धिक्‍कार चु ह्‍युललाइ! तलेबिस्याँ चु ह्‍युलर म्‍हिमैंलाइ पापर च्होवाबै सैमैं मुँ। पापर च्होवाबै परिक्षाम् खम्, दिलेया अरू म्हिलाइ पापर च्होवाबै म्हिलाइ झन धिक्‍कार मुँ।

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

लूका 17:1

येशूजी ह्रोंसए चेलामैंने बिइ, “म्हिलाइ पापर च्होवाबै सैमैं खैलेबिलेन् खब्मुँ, दिलेया आछ्याँबै पाप केमैं लबर ल्हैदिबै म्हिइ थेबै सजैं योंब्मुँ।

चेला चिब्मैंए केमैं 15:24

ङिए न्होंर्बै को-कोइ म्हिमैं चर ह्‍यासि स्योलिबै ताँमैं क्हेमैंलाइ लोमिंसि क्हेमैंए सैं ङ्हिरि लवासि दुःख पिंइ बिब ङिइ थेइमुँ। च म्हिमैं ङिंइ कुलब आङिं।

१ कोरिन्थी 11:18

ओंसों बिलन् त्हुमा, क्‍हेमैं परमेश्‍वरए सेवार खागु तमा ह्रों-ह्रोंसए न्‍होंर्न सैं फो आक्ह्रि रो बिबै ताँ ङइ थेइमुँ। चु ताँए बारेर ङए सैंरै या दे दे छान् ङ्हाँइमुँ।

१ कोरिन्थी 3:3

क्‍हेमैं अझै परमेश्‍वरए फिर बिश्‍वास आलब्मैं धोंबन् मुँ। तलेबिस्याँ क्‍हेमैं ह्रों-ह्रोंसए न्होंर्न ह्रिस लब, प्होंगि कैगि लब तसेरो क्हेमैं परमेश्‍वरए फिर बिश्‍वास आलब्मैं धोंन् तइ, आङिं वा?

गलाती 2:4

दिलेया स्योलिबै ताँ लोमिंब्मैं ट्हुबि क्ह्‍याल् त्हुम् बिसि खाबज्यै आसेल्‍ले खसि बिश्‍वास लब्मैंए म्‍हाँजोर होंइ। धै ख्रीष्‍टउँइँले मुक्‍ति योंब्मैंलाइ छैं लसि स्योंम्बै ठिममैं म्हाँदिबर कर ल्हैदिमल।

फिलिप्पी 3:17

ओ अलि-अङाँमैं, ङइ लब् धोंले लरिद्। ङिइ लबै केमैं क्हेमैंइ म्रोंइमुँ, क्हेमैंज्यै या छान् लद्। छतसि ङिइ लब् धोंले लबै म्हिमैंलाइ ङ्ह्‍योसि चमैंए लिलि प्रद्।

कलस्सी 2:8

छतसि न्ह क्रों मि क्रोंले टिद्! म्‍हिउँइँले खबै केर आफेबै स्योलिबै ताँइ क्‍हेमैं परमेश्‍वरए क्ह्रोंसेंन्बै घ्‍याँउँइँले फ्रेल् आखाँरिगे। छाबै स्योलिबै ताँमैं ख्रीष्‍टउँइँले खब आङिं, ह्‌युल ग्याल्स ओलेबै मोंमैंउँइँले नेरो म्‍हिमैंइ लबै रोसमैंउँइँले खब् ग।

२ थेसलोनिकी 3:6

ओ अलि-अङाँमैं, ङ्योए प्रभु येशू ख्रीष्‍टए मिंर ङिइ क्हेमैंने बिमुँ: ङिइ क्हेमैंने लोमिंबै ताँर आप्रबै प्ल्हेउ अलि-अङाँमैंउँइँले स्‍योले टिद्।

१ तिमोथी 1:3

ङ माकेडोनिया ह्‍युलर ह्‍यामा क्हिलाइ “एफिससर्न टिसि स्योलिबै ताँमैं लोमिंबै म्हिमैंने छाबै स्योलिबै ताँ लोमिंल् आयों बिद्!” बिसि चर्न टिद् बिल।

२ तिमोथी 3:5

चमैंइ सुँइ परमेश्‍वरलाइ म्‍हाँदिम् बिम्, दिलेया चमैंए सैंइ परमेश्‍वरए क्‍ह्रोंसेंन्‍बै शक्‍तिलाइ आक्‍वें। छाबै म्‍हिमैंउँइँले स्‍यो तद्।

तीतस 3:10

म्‍हिमैंए न्होंरि आक्ह्रिसि फ्रेवाबै म्हिलाइ तिखे ङ्हिखे समा “छाबै के आलद्” बिद्, च्‍हौ बिसेया आङिं बिस्‍याँ चने तोइ केरै या बालु आप्रद्।

१ यूहन्‍ना 2:19

च म्हिमैं ङ्योए संगतिउँइँले त्‍होंइ ह्‍याइ, तलेबिस्याँ चमैं ङ्योल आङिंल। चमैं ङ्योल ङिंस्‍याँम् ङ्योनेन् टिमल। दिलेया चमैं ताँन् ङ्योल आङिं बिसि उँइँबर चमैं त्होंसि ह्‍याब् ग।

यहूदाइ प्‍ह्रिबै प्ह्रिछ्या 1:19

परमेश्‍वरलाइ ङो आसेबै म्हिमैं, फोट झोंसि क्हेंमैंए न्होंर आक्ह्रिल् लवाब्मैं नेरो पबित्र प्ल्ह आरेब्मैं चमैंन् ग।