रोमी 16:10 - परमेश्‍वरए ताँ तमु क्युइर

¹⁰ अपेल्‍लेसलाज्यै या ङए जय मसीह मुँ। च ख्रीष्‍टए के लबै म्‍हि ग बिसि म्‍हिमैंइ छेनाले सेइमुँ। अरिस्‍तोबुलसए धिंर्बै परवालाज्यै ङए जय मसीह मुँ बिमिंन्।

रोमी 16:10 ပူးပေါင်းရင်းမြစ်များ

रोमी 14:18

खाबइ छले येशू ख्रीष्‍टए सेवा लमुँ, छाबै म्हिने परमेश्‍वर सैं तोंम्, झाइले चइ म्हिमैंउँइँले या स्‍याबासि योंम्।

रोमी 16:3

येशू ख्रीष्‍टए के लमा ङने बालुन् के लबै प्रिस्‍का नेरो चए प्युँ अकिलासने ङए जय मसीह मुँ बिमिंन्।

रोमी 16:7

झाइले ङने बालुन् झेलर च्युवाबै यहूदी थुमैं एन्‍ड्रोनिकस नेरो चए प्ह्रेंस्यो युनियाने जय मसीह मुँ बिमिंन्। चमैं येशू ख्रीष्‍टए कुल्मिंबै चेला चिब्मैं न्होंर्बै ताँनइ ङो सेब्मैं ग। झाइले ङइ बिश्‍वास लब् भन्दा ओंसों चमैंइ येशू ख्रीष्‍टए फिर बिश्‍वास लल।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

१ कोरिन्थी 11:19

(छ्याँब नेरो आछ्याँबै म्‍हि छेनाले सेबै ल्हागिर क्‍हेमैं न्‍होंर आक्ह्रिबै ताँमैं या तलन् त्हुम्।)

२ कोरिन्थी 12:2

येशूए फिर बिश्‍वास लबै ङइ ङो सेबै म्हि घ्रिलाइ च्युसे प्लिदि भन्दा ओंसों परमेश्‍वरजी तल सोंर्बै स्वर्ग समा क्‍वेबोइ। चलाइ ज्युर्न बोइ उ प्ल्ह मत्‍त्रे बोइ च ङइ आसे, च ताँ परमेश्‍वरजी सेइमुँ।

२ कोरिन्थी 2:9

क्‍हेमैंए जाँच लबै ल्हागिर नेरो ताँन् सैर क्‍हेमैंइ ङइ बिबै ताँ ङिंम् उ आङिं बिबै ताँ था सेबर ङइ च ओंसोंबै प्ह्रिछ्या प्‍ह्रिल।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

२ कोरिन्थी 8:22

चमैंने ङिए अर्को बिश्‍वासी अलि या क्‍हेमैं ङाँर कुल्मिंइमुँ। च अलिलाइ ङिइ ल्हें खे तोन्दोंरि सैर जाँच लमा चल छ्याँबै के लबै सैं मुँ बिब ङिइ सेल् खाँइमुँ। तोगो च अलिइ क्‍हेमैंए फिर बेल्‍ले भर म्हाँदिसि अझै छ्याँबै के लबै सैं लइमुँ।

गलाती 1:22

च त्हे समा यहूदीया ह्‍युलर्बै बिश्‍वासीमैंइ ङलाइ आम्रोंल,

फिलिप्पी 2:22

तिमोथी खैबै म्हि जा बिसि क्‍हेमैंज्यै सेइमुँ। खैले च्हइ ह्रोंसए आबाइ बिब् धोंले के लमुँ, छलेन तिमोथीइ येशूए सैं तोंबै ताँ बिप्रबै केर ङलाइ ल्होमिंइ।

१ तिमोथी 3:10

ओंसों चमैंए बानि खैब मुँ बिसि जाँच लल् त्हुम्, धै चमैंने तोइ छ्याब् आम्रोंस्याँ चमैंइ डिकनए पदर टिसि सेवा लरिगे।

२ तिमोथी 4:19

प्रिस्‍किला, अकिलास नेरो ओनेसिफरसए परवाने ङए जय मसीह मुँ बिमिंन्।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।