रोमी 15:30 - परमेश्‍वरए ताँ तमु क्युइर

³⁰ ओ अलि-अङाँमैं, ङ्योए प्रभु येशू ख्रीष्‍टउँइँले नेरो खीए प्ल्हजी पिंबै म्हाँयाजी परमेश्‍वरने ङए ल्हागिरि ल्हें प्राथना लमिंन् बिसि ङ यो छ्युँ लमुँ।

रोमी 15:30 ပူးပေါင်းရင်းမြစ်များ

भजनमैं 143:10

क्हिए सैंर मैंब पूरा लबै ल्हागिर ङलाइ लोमिंनु, तलेबिस्याँ क्हि ङए परमेश्‍वर ग! क्हिए खों बेल्‍ले छ्याँब मुँ, छतसि ङलाइ छ्याँबै घ्याँर डोरेमिंनु!

२ कोरिन्थी 1:11

चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

२ कोरिन्थी 12:10

छतसि ख्रीष्‍टए मिं थेब् तरिगे बिसि ङ आखाँ आथुलेया, म्‍हिमैंइ ङलाइ प्ह्रलेया, सैदिलै आखाँबै दुःख तलेया ङ सन्‍दोक तम्, तलेबिस्याँ आभोंबै त्हेरै या ङ बेल्‍ले भोंब् तम्।

२ कोरिन्थी 4:11

सिसि ह्‍याल् त्हुबै ङिए ज्युउँइँले या अरूमैंइ येशूजी थोबै छ्ह म्रोंरिगे बिसि ङि सोगों मुँमा खोंयोंन् बिलै येशूए ल्हागिर कालए सुँर्न फेनेम्।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 6:19

सैं तोंबै ताँ बिप्रबै लमा ङ झेलर तनाबिलेया ङ ख्रीष्‍टए ताँ बिमिंबै स्यार्बो ग। छतसि ङ पोंबर होंमा परमेश्‍वरजी ङए सैंर खीए ताँमैं झोंमिंरिगे, धै सैं तोंबै ताँए बारेर था आसेबै चाँजो ङइ छेनाले था पिंल् खाँरिगे,

फिलिप्पी 2:1

क्हेमैं येशू ख्रीष्‍टने घ्रिन् तबइले सैं क्‍होल् लमिंबै भों, म्हाँया, पबित्र प्ल्हए संगति नेरो ल्हयो क्‍हेमैंने मुँ।

कलस्सी 1:8

परमेश्‍वरए पबित्र प्ल्हजी क्‍हेमैंलाइ पिंबै म्हाँयाए बारेर चइ ङिने बिइ।

कलस्सी 2:1

क्हेमैं कलस्सिथेंमैं, लाउडिकियाथेंमैं नेरो ङ खोंयोंइ या आम्रोंब्‍मैं ताँनए ल्हागिरै या ङइ बेल्‍ले दुःखले के लइमुँ बिबै ताँ क्‍हेमैंइ सेरिगे बिब ङए सैं मुँ।

कलस्सी 4:12

क्‍हेमैं न्‍होंर्बै अर्को येशू ख्रीष्‍टए के लबै म्‍हि इपाफ्रासज्यै या क्‍हेमैंने जय मसीह बिमिंइमुँ। क्‍हेमैंए सैं भोंब् तरिगे, ताँन् सैरि पक्‍का तरिगे, झाइले परमेश्‍वरजी बिब् धोंले क्‍हेमैंइ ताँन् लरिगे बिसि चइ खोंयोंइन क्‍हेमैंए ल्हागिर बेल्‍ले प्राथना लसेन्‍मुँ।

१ थेसलोनिकी 5:25

ओ अलि-अङाँमैं, ङिए ल्हागिरै या प्राथना लमिंन्।

२ थेसलोनिकी 3:1

ओ अलि-अङाँमैं, प्रभुउँइँले खबै सैं तोंबै ताँ क्हेमैंए म्हाँजोर तब् धोंले खन्तोंदोंन् बिप्रल् खाँरिगे धै म्हिमैंइ म्हाँदिरिगे बिसि ङिए ल्हागिरै या प्राथना लब्रें लद्।

२ तिमोथी 4:1

तिगें येशू ख्रीष्‍ट ग्याल्स लबर युब्‍मुँ। च त्हेर खीजी सियाब्‍मैं नेरो सोगोंमैं ताँनए निसाफ लब्‍मुँ। छतसि क्हिइ लल् त्हुबै के तो जा बिबै ताँ ङइ येशू ख्रीष्‍ट नेरो परमेश्‍वर आबाए उँइँर क्हिने बिमुँ।