रोमी 15:13 - परमेश्‍वरए ताँ तमु क्युइर

¹³ छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

रोमी 15:13 ပူးပေါင်းရင်းမြစ်များ

यूहन्‍ना 14:1

“क्‍हेमैंए सैं खैता-खैता आङ्हाँन्। क्हेमैंइ परमेश्‍वरए फिर बिश्‍वास लमुँ, छलेन ङए फिरै या बिश्‍वास लद।

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

रोमी 12:12

क्‍हेमैंइ थेंबै आशार सैं तोंन्ले टिरिद्। दुःख तमा सैं भोंब लद्। झाइले खोंयोंन् बिलै प्राथना लरिद्।

रोमी 14:17

तलेबिस्याँ ङ्योइ परमेश्‍वरलाइ म्रुँलाइ धोंले म्हाँदिइ बिस्‍याँ खीजी ङ्योलाइ थेबै आशिक पिंम्। च आशिक तो जा बिस्‍याँ तोन्‍दोंरि सै चब् थुँब् योंब मत्‍त्रे आङिं, दिलेया पबित्र प्ल्हजी ठिक ठर्दिमिंसि पिंबै शान्‍ति नेरो आनन्‍द ग।

रोमी 15:19

झाइले बेल्‍ले थेबै औदिबै चिनुमैं नेरो पबित्र प्ल्हजी पिंबै भोंउँइँले येशू ख्रीष्‍टजी अरू ह्रेंमैंलाइ परमेश्‍वरलाइ म्हाँदिल् पिंइ। चु ताँर मत्‍त्रे ङ क्‍हेमैंने बिमुँ। ङइ यरूशलेम सहरउँइँले इल्‍लुरिकन बिबै ह्‍युल समा ह्‍यासि खन्तोंदोंन् येशू ख्रीष्‍टए बारेर सैं तोंबै ताँ बिप्रइमुँ। सैं तोंबै ताँउँइँलेन् अरू ह्रेंमैंए म्हाँजोरि औदिबै (थेब्-थेबै) केमैं लमिंबइले ङ सैं तोंइमुँ।

रोमी 15:5

सैदिबै भों पिंबै परमेश्‍वरउँइँलेन् क्‍हेमैं ख्रीष्‍टए घ्याँर प्रसि सैं घ्रिन् तबै भों योंरिगे।

१ कोरिन्थी 2:4

क्‍हेमैंए बिश्‍वास म्‍हिमैंए बुद्धिर आङिं, परमेश्‍वरए शक्‍तिए फिर तरिगे बिसि ङइ क्हेमैंने बिबै ताँमैं बुद्धि मुँब्मैंइ पोंबै ताँ धोंले क्हेमैंए सैं छुइबै ताँ आरेल। दिलेया ङइ पोंबै ताँमैंइ पबित्र प्ल्हए शक्‍तिए प्रमाण उँइँल।

२ कोरिन्थी 9:8

क्हेमैंने बालु खोंयोंन् बिलै तोन्दोंरि सै छ्येज्याल्हुल्हुले तरिगे, धै छ्याँबै केए ल्हागिर क्हेमैंइ ल्हें ल्हें पिंल् खाँरिगे बिसि परमेश्‍वरजी क्‍हेमैं ताँनलाइ आशिक् पिंल् खाँम्।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 1:2

ङ्योए परमेश्‍वर आबा नेरो प्रभु येशू ख्रीष्‍टउँइँले क्हेमैंइ दयाम्हाँया नेरो छिं ङ्हाँल् योंरिगे।

१ थेसलोनिकी 1:5

तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्‍त्रे पोंब आङिं, परमेश्‍वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्‍होंर था सेसि ङि क्‍हेमैं ङाँर युइ। क्‍हेमैंए म्‍हाँजोर टिमा क्‍हेमैंए ल्हागिर्न ङिइ खैले त्हिंइ थोल बिसि क्‍हेमैंज्यै सेइमुँ।

१ तिमोथी 1:1

ङ पावलउँइँले तिमोथीलाइ जय मसीह मुँ। ङ्योलाइ मुक्‍ति पिंबै परमेश्‍वर नेरो ङ्योलाइ क्ह्रोंसेंन्बै आशा पिंबै ख्रीष्‍ट येशूजी बिबइले ङ येशू ख्रीष्‍टजी कुल्मिंबै चेला चिब तइमुँ।

हिब्रू 6:11

क्‍हेमैं ताँनइ ह्रोंसइ थेंबै आशा योंबै ल्हागिर लिउँइँ समा छलेन् छ्याँबै के लरिब्मुँ बिब ङिइ मैंमुँ।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,