रोमी 14:6 - परमेश्‍वरए ताँ तमु क्युइर

⁶ कोइ त्हिंइ छ्याँब कोइ त्हिंइ आछ्याँब बिबै म्हिइ परमेश्‍वरए मान तरिगे बिसिन् छ बिब् ग। झाइले से चबै म्हिज्यै या परमेश्‍वरए मान तरिगे बिसिन् चब् ग, छलेन से आचबै म्हिज्‍यै या परमेश्‍वरए मान तरिगे बिसिन् आचब् ग, तलेबिस्याँ परमेश्‍वरए म्हिमैंइ तोन् ललेया खीलाइ धन्‍यबाद पिंम्।

रोमी 14:6 ပူးပေါင်းရင်းမြစ်များ

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 12:42

मिश्रउँइँले चमैं तेइ पखबर च म्हुँइँसर याहवेह न्हरु आच्हुइल्‍ले चमैं म्रोंइ। छतसि इस्राएलीमैं या च म्हुँइँसर न्हरु आच्हुइल्‍ले पुस्ता पुस्ता समा याहवेहए मान लरिगे।

प्रस्थान 16:25

धै मोशाइ बिइ, “च तिंयाँ चद्, तलेबिस्याँ तिंयाँ याहवेहए ल्हागिर प्रिबै त्हे ग। तिंयाँ क्हेमैंइ च चबै सै सर योंरिब् आरे।

मत्ती 14:19

झाइले खीजी म्‍हिए हुल चउरर क्हुँबर ल्‍हैदिइ। धै च क्‍हें ङ्‌हबो नेरो ताँग ङ्हिं योर छेसि स्‍वर्गउँइँ ङ्‌ह्‍योसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ। चेलामैंइ म्‍हिए हुलमैं चुमिंइ।

मत्ती 15:36

येशूजी क्‍हें ङिबो नेरो ताँग योर छेसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ, झाइले चेलामैंइ च म्‍हिमैंलाइ चुमिंइ।

यूहन्‍ना 6:28

चमैंइ खीने “छ बिस्‍याँ परमेश्‍वरजी खोबै के लबर ङिइ तो लल् त्हुम्?” बिसि ङ्योएइ।

गलाती 4:10

क्‍हेमैंइ अझै दिनमैं ङ्ह्‍योसि, बारमैं बार्दिसि, छ्याँब आछ्याँब म्हैंन ङ्‍ह्‍योसि, ल्हो क्ह्रिम् उ आक्ह्रि बिसि स्योंम्बै छ्यान् म्हाँदिम्!