रोमी 14:10 - परमेश्‍वरए ताँ तमु क्युइर

¹⁰ छतसि क्‍हि से आचब्‍मैंइ बिश्‍वासी अलिमैंलाइ तले छ्याब् ल्‍हैदिमुँ? झाइले क्‍हि ताँन् सै चब्‍मैंइ से आचबै बिश्‍वासी अलिलाइ तले च्‍योंब मैंमुँ? ङ्यो ताँन् परमेश्‍वरए उँइँर्न निसाफ लबै ल्हागिर राल् त्‍हुम्।

रोमी 14:10 ပူးပေါင်းရင်းမြစ်များ

मत्ती 7:1

“क्‍हेमैंलाइ छ्याब् आल्‍हैदिरिगे बिसि आगुए फिर छ्याब् आल्हैदिद्।

लूका 18:9

ङ ठिक के लबै म्हि ग बिब् प्हैंसि अरूमैंलाइ तो धोंइ आङ्हाँबै को-कोइ म्हिमैंलाइ येशूजी चु अहान् बिइ,

लूका 23:11

च लिउँइँ हेरोद नेरो चए सिपाइमैंइ येशूए आब्रु वासि बेल्‍ले बिल्‍लि लइ। च लिउँइँ म्रुँइ खिब् धों तबै क्‍वें येशूलाइ खिमिंसि पिलातस ङाँर एमिंइ।

यूहन्‍ना 5:22

तलेबिस्याँ आबाजी खाबलै या निसाफ आल। दिलेया खीजी ताँन् निसाफ लबै के च्हने पिंइँमुँ।

चेला चिब्मैंए केमैं 10:42

‘म्हिमैंने सैं तोंबै ताँ बिमिंबर’ धै ‘सोगोंमैं नेरो सियाब्मैंए निसाफ लबर परमेश्‍वरजी त्हाँबै म्हि येशून् ग,’ बिसि ङिलाइ ग्वाइ पिंबर परमेशजी ल्हैदिइमुँ।

चेला चिब्मैंए केमैं 17:31

तलेबिस्याँ खीजी ह्‍युलर्बै ताँन् म्हिमैंए निसाफ लबै त्हिंइ तोक्दिमिंइँमुँ। च त्हिंइर खीजी त्हाँबै म्हि घ्रिउँइँले ह्‍युलर्बै ताँन् म्हिमैंए निसाफ लब्मुँ। च म्हिने निसाफ लबै हग मुँ बिसि प्रमाण ताँनने उँइमिंबर परमेश्‍वरजी च म्हि सिबउँइँले सोगों लमिंइ।”

चेला चिब्मैंए केमैं 4:11

क्‍हेमैं गारा झोंब्‍मैंइ केर आत्हु बिबै युँमा चुन् येशू ग, दिलेया खी तोगो ताँन् भन्दा केर त्हुबै जगर्बै युँमा तखइमुँ।

रोमी 2:16

छतमा निसाफ लबै त्हिंइर परमेश्‍वरजी येशू ख्रीष्‍टउँइँले म्‍हिमैंए सैं न्‍होंर्बै ताँमैंए निसाफ लब्‍मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

२ कोरिन्थी 5:10

तलेबिस्याँ ख्रीष्‍टजी निसाफ लमा ङ्यो ताँन् खीए उँइँर राल् त्‍हुम्। ङ्यो सोगों मुँमा छ्याँबै के ललेया, आछ्याँबै के ललेया ह्रोंसइ लबै केए नों ङ्योइ योंब्‍मुँ।