रोमी 13:9 - परमेश्‍वरए ताँ तमु क्युइर

⁹ मोशाइ प्‍ह्रिबै ठिममैं न्‍होंरि “ब्यभिचार आलदु, म्‍हि आसैदु, आह्‍योदु, लोब आलदु,” बिबै ताँमैं मुँ। दिलेया “ह्रोंसलाइ धोंले ङ्‍हेब् ट्हुब्मैंलाज्यै या म्हाँया लद्” बिबै ताँ ङिंस्याँ ठिमर बिबै ताँन् ताँ लब् धोंन् तम्।

रोमी 13:9 ပူးပေါင်းရင်းမြစ်များ

मत्ती 22:39

आलसि आतबै अर्को थेबै ताँ या छाबन् मुँ, ‘क्‍हिइ ह्रोंसए ङ्‍हेब्-ट्हुब्मैंलाज्यै या ह्रोंसने धोंले म्हाँया लद्।’

मर्कूस 10:19

अरूलाइ आसैब, ब्यभिचार आलब, आह्‍योब, स्‍योर आतेब, अरूमैंए मुइ छलेन् आचब, ह्रोंसए आबा-आमाए मान् लब बिसि ठिमर्बै ताँ क्‍हिइ सेइमुँ।”

मर्कूस 12:31

अर्को आज्ञा चुन् ग, ‘क्हिइ ह्रोंसए ङ्‍हेब्मैं ह्रोंसलाइ धोंले म्हाँया लद्।’ चु आज्ञा ङ्हिं भन्दा थेब अरू तोइ आरे।”

लूका 10:27

चइ बिइ, “‘क्‍हिइ ह्रोंसए प्रभु परमेश्‍वरलाइ ह्रोंसए खों न्होंउँइँले, सैं न्होउँइँले, ह्रोंसइ ह्रब्दे, सेब्दे, खाँब्दे म्‍हाँया लद्, धै ह्रोंसए ङ्‍हेब-ट्हुब्मैं ह्रोंस धोंलेन् म्‍हाँया लद्।’”

लूका 18:20

परमेश्‍वरए छ्वेर्बै ताँ क्‍हिइ आसे वा? ‘व्यभिचार आलदु, म्‍हि आसैदु, आह्‍योदु, स्‍योर आतेदु धै ह्रोंसए आबा-आमाइ बिब ङिंनु,’ बिसि चर प्‍ह्रिइमुँ,” आङिं वा।

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।