रोमी 13:8 - परमेश्‍वरए ताँ तमु क्युइर

⁸ घ्रिइ घ्रिने म्हाँया लब बाहेक अरू तो सैरै या भारा आनोद्। तलेबिस्याँ ह्रोंसए ङ्‍हेब् ट्हुब्मैंए फिर म्हाँया लब्‍मैंइ परमेश्‍वरजी पिंबै ठिम पूरा लम्।

रोमी 13:8 ပူးပေါင်းရင်းမြစ်များ

मत्ती 7:12

“म्‍हिमैंइ क्‍हेमैंलाइ छ्याँब् लरिगे ङ्हाँब् धोंले क्‍हेमैंज्‍यै या चमैंलाइ छान् लद्। स्‍योंम्‍बै मोशा नेरो अगमबक्‍तामैंइ बिल् म्हैबै ताँ चुन् ग।”

यूहन्‍ना 13:34

लद् बिबै छारा ताँ घ्रि ङइ क्हेमैंने बिमुँ: क्हेमैंइ घ्रिइ-घ्रिने म्हाँया लद्। ङइ क्हेमैंने म्हाँया लब् धोंले क्हेमैंज्यै या घ्रिइ-घ्रिने म्हाँया लद्।

रोमी 13:10

ह्रोंसए ङ्‍हेब् ट्हुब्मैं म्हाँया लबै म्हिइ चमैंए फिर तोइ न्होह्रों आल। छतसि म्हाँया लब्मैंइ मोशाइ पिंबै ठिम पूराले म्हाँदिम्।

रोमी 13:7

छतसि क्हेमैंइ सरकारलाइ फोल् त्‍हुबै सैमैं ताँन् फोद्। धै मान लल् त्‍हुब्‍मैंलाइ मान लद्।

गलाती 5:14

तलेबिस्याँ ताँन् ठिमर्बै ताँमैं चु ताँ घ्रिर्न पूरा तइमुँ: “क्हिइ ह्रोंसलाइ म्हाँया लब् धोंले ङ्‍हेब् ट्हुब्मैंए फिरै या म्हाँया लद्।”

कलस्सी 3:14

चु ताँन् सै भन्दा अरूलाइ ल्हें म्हाँया लबै सैं प्‍ह्‍याद्। म्हाँयाइ लमा आक्ह्रिब्मैं ताँन् क्ह्रिल् खाँम्।

१ तिमोथी 1:5

चर्बै ताँन् प्रभुए फिर बिश्‍वास लब्मैंइ क्ह्रोंसेंन्बै बिश्‍वासउँइँले, छ्याँबै खों प्ह्‍यासि छ्याँबै सैंउँइँले, ताँनने म्हाँया लरिगे बिसि ङइ चु ताँ बिइ।

याकूब 2:8

बरु क्‍हेमैंइ परमेश्‍वरए छ्वेर प्ह्रिबै खीए ग्याल्सर्बै ताँमैं छेनाले म्हाँदिसि क्हेमैंइ “ह्रोंसए ङ्‍हेब् ट्हुब्मैंने ह्रोंसलाइन धोंले म्हाँया लद्!” बिबै ताँ ङिंस्याँ क्हेमैंइ छ्याँबै के लब्मुँ।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।