रोमी 13:4 - परमेश्‍वरए ताँ तमु क्युइर

⁴ तलेबिस्याँ क्‍हेमैंए फायदाए ल्हागिर परमेश्‍वरजी सरकारलाइ ह्रोंसए सेवा लब्मैं खटिदिब् ग। दिलेया पाप लस्‍याँ सरकार म्रोंसि ङ्हिंल् त्‍हुम्, तलेबिस्याँ सरकारने सजैं पिंबै शक्‍ति नेरो हग मुँ। पाप लब्‍मैंलाइ सजैं पिंबै ल्हागिर परमेश्‍वरजी सरकारलाइ खटिदिब् ग।

रोमी 13:4 ပူးပေါင်းရင်းမြစ်များ

हितोपदेश 16:14

म्रुँलाइ ह्रिस खल् लबै म्हि सिल् त्हुब्मुँ, छतसि बुद्धि मुँबै म्हिइ ह्रिस खरिबै म्रुँलाइ सैं तोंन् लम्।

हितोपदेश 20:2

ह्रिस खसि ङ्‍हेबै सिंहने ङ्हिंब् धोंलेन् ह्रिस खबै म्रुँने ङ्हिंन्; म्रुँलाइ ह्रिस खल् लबै म्हि सिल् त्हुम्।

हितोपदेश 20:26

बुद्धि मुँबै म्रुँइ दुष्‍ट म्हिमैंलाइ प्हुँवाब्मुँ, धै म्ल्ह-नारिमैं नेबै चक्‍कामैं चमैंए फिर दल्दिब्मुँ।

हितोपदेश 20:8

ह्रोंसए राजगद्दिर टिसि निसाफ लमा म्रुँइ आछ्याँबै के लब्मैं ताँन् सेम्।

रोमी 12:19

ओ ङए खोबै अलि-अङाँमैं, ह्रोंसए न्होह्रों लब्मैंने खोंयोंइ खि आकिंन्। चमैंलाइ परमेश्‍वरए ह्रिसर्न पिवाद्, तलेबिस्याँ “खि किंबै के ङल् ग, ङजीन् खि किंब्‍मुँ,” बिसि छ्वेर प्ह्रिइमुँ।

रोमी 13:6

छतसि ङ्योइ बालि फोल् त्‍हुम् तलेबिस्याँ सरकारज्यै या लल् त्हुबै केमैं लमा परमेश्‍वरए सेवा लरिम्।

१ थेसलोनिकी 4:6

झाइले क्हेमैं खाबज्‍यै या ह्रोंसए बिश्‍वासी अलिए प्‍ह्रेंस्‍योने प्रसि आछ्याँब आलद्। तलेबिस्याँ छाबै केमैं लस्याँ परमेश्‍वरजी सजैं पिंब्‍मुँ। ङिइ ओंसोंन् चुए बारेर छेनाले लोमिंल् खाँइमुँ।

१ पत्रुस 2:14

दुष्‍ट के लब्मैंलाइ दण्ड पिंबर नेरो छ्याँबै के लब्मैंलाइ मान पिंबर परमेश्‍वरजी चमैंलाइ खटिदिइमुँ।