रोमी 13:2 - परमेश्‍वरए ताँ तमु क्युइर

² छतसि खाबइ सरकारए बिरोध लमुँ चइ परमेश्‍वरजी खटिदिबै म्हिलाइ बिरोध लम्। छ लब्‍मैंइ सजैं योंब्‍मुँ,

रोमी 13:2 ပူးပေါင်းရင်းမြစ်များ

प्रस्थान 16:8

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

मर्कूस 12:40

चमैंइ ङ्हाँदु म्हरेस्योमैंए क्‍ल्‍ह्‍यो न्‍हें लुडिम्, दिलेया फिब्लो पार्दिसि ह्रिंग्‍यो ह्रिंग्‍यो प्राथना लम्। छाबै म्हिमैंइ परमेश्‍वरउँइँले झन् ल्‍हें दण्‍ड योंब्‍मुँ।”

लूका 20:47

चमैंइ म्हरेस्‍योमैंए धिं नाँ लुडिमुँ। दिलेया म्‍हिमैंए उँइँरि बिस्याँ बेल्‍ले प्राथना लब् प्हैंम्। छाब्‍मैंइ झन् थेबै सजैं योंब्‍मुँ।”

रोमी 13:1

ताँन् म्हिमैं सरकारए ठिमए न्होंर टिल् त्‍हुम्, तलेबिस्याँ परमेश्‍वरए इच्छा आरेस्याँ सरकार तल् आखाँ। ताँन् सरकारलाइ परमेश्‍वरजीन् खटिदिब् ग।

रोमी 13:3

तलेबिस्याँ थेब-थेबै पद मुँब्मैं म्रोंसि ठिक के लब्‍मैं ङ्हिंल् आत्‍हु, दिलेया आछ्याँबै के लब्‍मैं बिस्याँ ङ्हिंल् त्‍हुम्। क्‍हेमैं सरकारने आङ्हिंल्‍ले टिदा ङ्हाँइमुँ वा? छ बिस्‍याँ ठिक के लद्, झाइले क्‍हेमैंइ सरकारउँइँले स्‍याबासि योंम्,

रोमी 13:5

छतसि खीउँइँले सजैं आयोंरिगे बिसि मत्‍त्रे आङिं, दिलेया ह्रोंसए सैंज्यै या “छ लब ठिक मुँ” बिब् मैंसि सरकारए ठिमए न्होंर टिलन् त्‍हुम्।

रोमी 9:19

क्‍हेमैं न्‍होंरि को-कोइइ बिमुँ, “छ बिस्‍याँ परमेश्‍वरजी तले म्‍हिमैं छ्याब् मुँबन् ठर्दिमुँ? तलेबिस्याँ खीए इच्छाए बिरोधर खाब् राल् खाँम्?”

तीतस 3:1

“सरकार नेरो अधिकार मुँबै म्हिमैंए न्होंर टिद्, चमैंइ बिबै ताँ ङिंन्, झाइले छ्याँबै के लबर खोंयोंइ बिलै तयार तद्,” बिसि क्‍हिने मुँबै येशूए फिर बिश्‍वास लबै म्‍हिमैंलाइ चु ताँमैं मैंमिंन्।

याकूब 3:1

ओ अलि-अङाँमैं, क्‍हेमैंए न्होंरि ल्‍हें म्‍हिमैं लोमिंबै चिब तल् आम्‍हैद्, तलेबिस्याँ परमेश्‍वरजी निसाफ लमा लोमिंबै चिब्मैंलाइ कडा निसाफ लब्मुँ बिसि क्‍हेमैंइ था सेइमुँ।

१ पत्रुस 2:13

छतसि प्रभुए मिं आह्‍यारिगे बिसि म्हिमैंइ थेंबै शासकमैं नेरो म्रुँए न्होंर टिद्।