रोमी 13:1 - परमेश्‍वरए ताँ तमु क्युइर

¹ ताँन् म्हिमैं सरकारए ठिमए न्होंर टिल् त्‍हुम्, तलेबिस्याँ परमेश्‍वरए इच्छा आरेस्याँ सरकार तल् आखाँ। ताँन् सरकारलाइ परमेश्‍वरजीन् खटिदिब् ग।

रोमी 13:1 ပူးပေါင်းရင်းမြစ်များ

भजनमैं 62:11

परमेश्‍वरजी ताँ घ्रि पोंइमुँ, ङइ ल्हें खे च ताँ थेइमुँ: ओ परमेश्‍वर, क्हि बेल्‍ले भोंब मुँ,

हितोपदेश 24:21

ओ ङए च्ह, याहवेहए मान् लद्, धै म्रुँ बिब् ङिंन्, धै याहवेह नेरो म्रुँए बिरोध लब्मैंने आक्ह्रिद्,

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

यूहन्‍ना 19:11

येशूजी बिइ, “परमेश्‍वरजी आपिंस्याँ क्हिला ङए फिर तोइ हग आतमल। छतसि ङलाइ क्हिए योर पिंवाबै म्हिए फिर पापए छ्याब् झन् ल्हें तब्मुँ।”

चेला चिब्मैंए केमैं 2:41

झाइले पत्रुसए ताँ क्वेंबै म्हिमैंइ बप्‍तिस्मा किंइ। च त्हिंइर्न योदा आयोदा हजार सोंदे म्हिमैं चमैंए फिर थब्दिइ।

रोमी 12:21

छतसि अरूमैंए आछ्याँबै केइ ह्रोंसलाइ ट्होल् आपिंन्, बरु क्हेमैंइ छ्याँबै के लसिन् आछ्याँबै के ट्होवाद्।

रोमी 13:2

छतसि खाबइ सरकारए बिरोध लमुँ चइ परमेश्‍वरजी खटिदिबै म्हिलाइ बिरोध लम्। छ लब्‍मैंइ सजैं योंब्‍मुँ,

एफिसी 5:21

ख्रीष्‍टलाइ म्हाँदिबइले क्‍हेमैं ताँन् घ्रि घ्रिए न्होंर टिल् त्‍हुम्।

१ तिमोथी 2:2

छलेन ङ्योइ ढुक्‍कले परमेश्‍वरए केमैं छेनाले लल् योंरिगे बिसि म्रुँमैं नेरो थे-थेबै पदर मुँब्मैंए ल्हागिरै या प्राथनार परमेश्‍वरने आशिक ह्रिमिंन्।

तीतस 3:1

“सरकार नेरो अधिकार मुँबै म्हिमैंए न्होंर टिद्, चमैंइ बिबै ताँ ङिंन्, झाइले छ्याँबै के लबर खोंयोंइ बिलै तयार तद्,” बिसि क्‍हिने मुँबै येशूए फिर बिश्‍वास लबै म्‍हिमैंलाइ चु ताँमैं मैंमिंन्।

यहूदाइ प्‍ह्रिबै प्ह्रिछ्या 1:8

च धोंलेन् चु स्‍योलिबै ताँमैं लोमिंबै म्‍हिमैंज्‍यै या पाप लम्। फाक्‍कर्बै दर्शन म्रोंसि चुमैंइ ह्रोंसए ज्युलाइन पापर च्होवाम्। झाइले प्रभु येशूए हगलाइ तो धोंइ आङ्हाँ, धै थेबै मान योंबै स्‍वर्गदूतमैंलाइ स्यारसि छ्याब् ल्हैदिम्।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 17:14

चमैंइ क्‍यु च्हजए बिरोधर ल्हडें लब्‍मुँ। दिलेया क्‍यु च्हज नेरो खीजी हुइसि त्‍हाँबै बिश्‍वास लबै म्‍हिमैंइ चमैंलाइ ट्होवाब्‍मुँ, तलेबिस्याँ खी प्रभुमैंए फिर्बै प्रभु नेरो म्रुँमैंए फिर्बै म्रुँ ग।”

दर्शन 19:16

खीए क्‍वें नेरो प्‍हाँर “प्रभुमैंए फिर्बै प्रभु, झाइले म्रुँमैंए फिर्बै म्रुँ,” बिबै मिं प्‍ह्रिल।