रोमी 12:6 - परमेश्‍वरए ताँ तमु क्युइर

⁶ छतसि परमेश्‍वरजी खीए दयाजी ङ्योलाइ पिंबै स्‍यो स्‍योबै बरदानमैं अनुसार के लले। अगमबाणि पोंबै बरदान क्हिलाइ पिंइबिस्‍याँ ह्रोंसइ येशू ख्रीष्‍टए फिर लबै बिश्‍वास अनुसार अरूने पोंन्।

रोमी 12:6 ပူးပေါင်းရင်းမြစ်များ

मत्ती 23:34

छतसि ङइ क्‍हेमैं ङाँर अगमबक्‍तामैं, बुद्धि मुँबै म्‍हिमैं नेरो छ्वेर्बै ताँ लोमिंब्मैं कुल्‍मिंब्मुँ। चमैंए न्होंरि कोइ क्हेमैंइ सैवाब्‍मुँ, कोइ क्रूसर च्‍योवासि सैवाब्‍मुँ, कोइ क्हेमैंए च्हों धिंजरे बोसि कोर्राइ प्रुब्मुँ, धै सहर-सहरजरे ‍ह्रुगुदिब्मुँ।

मत्ती 25:22

“च लिउँइँ सिक्‍का ङ्हिं योंबै केब्छैंज्यै या क्ल्हे ङाँर खसि बिइ, ‘चिब, क्हिजी ङने सिक्‍का ङ्हिं पिंल। ङइ अर्को सिक्‍का ङ्हिं कमदिसि पखइमुँ।’

लूका 11:49

छतसि ‘ङइ चमैं ङाँर अगमबक्‍तामैं नेरो स्यार्बो कुलम्,’ बिसि तोन्दोंरि ताँ सेबै परमेश्‍वरजी बिल। ‘दिलेया च कुलब्‍मैं न्‍होंरि को‍-कोइलाइ चमैंइ सैवाब्‍मुँ, कोइलाइ ह्रुगुदिब्‍मुँ।’

चेला चिब्मैंए केमैं 13:1

एन्‍टिओखियार्बै चर्चर अगमबक्‍तामैं नेरो लोमिंबै म्हिमैं मुँल। चमैं बारनाबास बिब, काला बिबै शिमियोन, कुरेनीथें लुकियस, धै हेरोद म्रुँने बालु फारबै मनेन बिब नेरो शाऊलै या मुँल।

चेला चिब्मैंए केमैं 15:32

यहूदा नेरो सिलास अगमबक्‍तामैं तबइले चर्बै अलि-अङाँमैंलाइ परमेश्‍वरए ताँउँइँले ल्हें अर्थि बुद्धिए ताँमैं लोमिंसि चमैं प्रभुए फिर बिश्‍वास लबर भोंब् लमिंइ।

चेला चिब्मैंए केमैं 2:17

‘नुखबै त्हिंइजरे छ तब्मुँ बिसि परमेश्‍वरजी बिइमुँ, ङइ ताँन् म्हिमैंए फिर ङए पबित्र प्ल्ह कुल्मिंब्मुँ। धै क्‍हेमैंए च्‍ह-च्हमिमैंइ अगमवाणि पोंब्मुँ, क्‍हेमैंए फ्रेंसिंमैंइ दर्शनमैं म्रोंब्मुँ, धै क्‍हेमैंए खेब्मैंइ म्‍होंडा म्होंब्मुँ।

चेला चिब्मैंए केमैं 21:9

चला ब्ह्‍या आलबै च्हमि प्लि मुँल। चमैं या अगमबक्‍तामैं मुँल।

रोमी 1:11

तलेबिस्याँ परमेश्‍वरए ताँमैं अझै छेनाले लोमिंसि क्हेमैंलाइ बिश्‍वासर भोंब् लमिंबै ल्हागिर ङ क्हेमैं ङाँर खदा ङ्हाँइमुँ।

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

१ कोरिन्थी 12:18

परमेश्‍वरजी भाग घ्रिउँइँले मत्‍त्रे ज्यु आल, खीजी ह्रोंसए सैंर मैंब् धोंले स्‍यो-स्‍योबै सैमैं बनेसि ज्युर क्ह्रिल्‍ले थेंमिंइँमुँ।

१ कोरिन्थी 13:2

छलेन ङइ अगमबाणि पोंबै भों योंलेया, क्होल् आखाँबै ताँमैं क्होल् खाँलेया, तोन्दोंरि सैर ह्रब-सेब तलेया, झाइले कोंमैं स्‍योवाल् खाँबै बिश्‍वास ङने मुँलेया ङइ अरूए फिर म्हाँया आलस्‍याँ ङ तोइ सैरै या केर आफेबै म्हि तम्।

१ कोरिन्थी 14:1

ताँन् भन्दा थेबै ताँ क्हेमैंइ ताँनए फिर म्हाँया लद्। झाइले पबित्र प्ल्हजी पिंबै बरदानमैं योंबै सैं लद्। चमैं न्होंरि अगमबाणि पोंबै बरदान योंबै भों लद्।

१ कोरिन्थी 14:24

दिलेया क्‍हेमैं ताँनइ अगमबाणि पोंरिमा बिश्‍वास आलब्‍मैं नेरो तोइ आह्र-आसेब्मैं चर खसि क्हेमैंइ पोंबै ताँ थेइबिस्‍याँ, च ताँन् ताँउँइँले चमैंइ खेंमैंए पापए बारेर सेब्मुँ, धै च ताँन् ताँमैंउँइँले चमैंइ ह्रोंसए जाँच लब्‍मुँ।

१ कोरिन्थी 14:29

अगमबाणि पोंबै म्हि या ङ्हिंदे सोंदेइ मत्‍त्रे पोंरिगे। धै चमैंइ पोंबै ताँ परमेश्‍वरए ताँ ङिंउ उ आङि? बिसि अरूमैंइ छेनाले जाँच लरिगे।

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

१ कोरिन्थी 7:7

ङए सैंरम् क्‍हेमैं ताँन् ङ धोंलेन् ब्ह्‍या आलल्‍ले टिरिगे ङ्हाँइमुँ। दिलेया ताँन् म्हिलाइ परमेश्‍वरजी स्‍यो-स्‍योबै बरदान पिंइमुँ। कोइलाइ घ्रि खालर्बै बरदान पिंइमुँ बिस्याँ, कोइलाइ अर्कोन् खालर्बै बरदान पिंइमुँ।

२ कोरिन्थी 8:12

तलेबिस्याँ पिंबै सैं मुँस्याँ क्‍हेमैंइ पिंल् खाँब् दे पिंबै भेटि म्रोंसि परमेश्‍वर सैं तोंम्। आरेस्याँ म्हैसि पिंल् आत्हु।

एफिसी 3:5

स्‍योंमन् परमेश्‍वरजी म्हिमैंलाइ चु चाँजो आबिल, दिलेया तिंजोरो परमेश्‍वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्‍तामैंने च चाँजो बिमिंइमुँ।

एफिसी 4:11

खीजी पिंबै बरदानमैं ल्‍हें खालर्बै मुँ। कोइलाइ कुल्मिंबै चेला चिब तबर, कोइलाइ अगमबक्‍तामैं तबर, कोइलाइ सैं तोंबै ताँ बिप्रबर, कोइलाइ खीए म्हिमैंलाइ प्‍ह्रोंछैंमैंइ धोंले छेनाले छैं लबर नेरो कोइलाइ खीए ताँ लोमिंबर खटिदिइ।

फिलिप्पी 3:15

ङ्यो येशू ख्रीष्‍टए फिर बिश्‍वास लब्मैं ताँनइ छाबन् सैं मैंल् त्‍हुम्। दिलेया क्‍हेमैं न्‍होंरि को-कोइ स्योबन् सैं मैंस्‍याँ परमेश्‍वरजी च ताँ या क्‍हेमैंलाइ क्होमिंब्‍मुँ।

१ थेसलोनिकी 5:20

अगमबक्‍तामैंइ पोंबै ताँ फाकर्बै आमैंन्,

२ पत्रुस 1:20

परमेश्‍वरए पबित्र छ्वेर्बै अगमबाणिए ताँमैं म्हिमैंइ ह्रों-ह्रोंसए सैंर मैंसि पोंबै ताँमैं आङिं बिसि क्हेमैंइ क्होल् त्हुम्।