रोमी 12:15 - परमेश्‍वरए ताँ तमु क्युइर

¹⁵ सैं तोंब्‍मैंने बालु सैं तोंन्, क्रोब्‍मैंने बालु क्रोद्।

रोमी 12:15 ပူးပေါင်းရင်းမြစ်များ

लूका 1:58

परमेश्‍वरजी इलिशिबाए फिर च्हौ थेबै ल्हयो खसि बेल्‍ले थेबै के लइमुँ बिबै ताँ थेसि इलिशिबाए ङ्‌हेब्-ट्हुब्मैं नेरो ह्रजे-म्‍हजेमैं चने बालुन् सैं तोंइ।

यूहन्‍ना 11:19

छतसि ल्‍हें यहूदीमैं मार्था नेरो मरियम ङाँर चमैंए अलि सियाबै दुःखरि सैं क्‍होमिंबर खल।

चेला चिब्मैंए केमैं 11:23

झाइले बारनाबास चर खमा परमेश्‍वरए आशिक नेरो दयाम्हाँया चमैंए फिर तब् म्रोंसि सैं तोंइ, धै चमैं ताँनने “खों न्होंउँइँलेन् प्रभुए फिर क्ह्रोंसेंन्ले बिश्‍वास लसि खी आपिल्‍ले टिरिल् त्हुम्,” बिसि चमैंए सैं भोंमिंइ।

१ कोरिन्थी 12:26

छतसि भाग घ्रिइ दुःख योंस्‍याँ ताँन् भागज्‍यैया दुःख योंम्, छलेन भाग घ्रिइ छ्याँबै बयन योंस्‍याँ अरू भागमैं या सैं तोंम्।

२ कोरिन्थी 11:29

तलेबिस्याँ दुःख योंब्मैं मुँस्‍याँ ङै या दुःख योंब् धोंन् तमल। खाबै या पापर च्होयास्याँ ङए सैंर बेल्‍ले न्हुँ खमल।

२ कोरिन्थी 2:3

छतसि ङ क्‍हेमैं ङाँर खमा ङए सैं तोंन् लमिंब्मैं ङाँइलेन् ङए सैं च्योंब् तल् आत्हुरिगे बिसि ओंसोंबै प्ह्रिछ्यार क्‍हेमैंलाइ छ छ लद् बिसि प्‍ह्रिब् ग। ङए सैं तोंमा क्‍हेमैं या सैं तोंम् बिब ङइ सेइमुँ।

फिलिप्पी 2:26

तलेबिस्याँ क्‍हेमैंइ च नइ बिबै ताँ थेसि चइ न्हुँ लइमुँ। छतसि चइ क्‍हेमैंए साँ खसि त्होबै सैं लइमुँ।

फिलिप्पी 2:28

छतसि क्‍हेमैंइ चलाइ धबै म्रोंसि क्‍हेमैंए सैं तोंरिगे, धै क्हेमैंए फिर ङइ ल्हें न्हुँ लल् आत्हुरिगे बिसि ङ क्‍हेमैं ङाँर च एमिंदा ङ्हाँइमुँ।

हिब्रू 13:3

कोइ म्हिमैं झेलर मुँस्याँ ह्रोंसै या चमैंने झेलर मुँब् धों ङ्हाँसि चमैंए वास्था लद्। छलेन दुःख योंब्मैं म्रोंमा ह्रोंसइन दुःख योंब् धों ङ्हाँन्। तलेबिस्याँ क्हेमैं फिरै या छ तल् खाँम्।