रोमी 12:14 - परमेश्‍वरए ताँ तमु क्युइर

¹⁴ छलेन क्हेमैंए फिर दुःख पिंब्‍मैंलाइ सराप आपिंन्, बरु चमैंए ल्हागिर परमेश्‍वरने आशिक ह्रिमिंन्।

रोमी 12:14 ပူးပေါင်းရင်းမြစ်များ

मत्ती 5:44

दिलेया ङ क्‍हेमैंने बिमुँ, क्‍हेमैंइ ह्रोंसए शत्तुरमैं म्हाँया लद्, धै क्‍हेमैंलाइ ह्रुगुदिबै म्हिमैंए ल्हागिर प्राथना लसि परमेश्‍वरने आशिक ह्रिमिंन्।

लूका 23:34

च्हमा येशूजी बिइ, “ओ आबा, चुमैं क्षमा लमिंन्, तलेबिस्याँ चुमैंइ तो लरिइमुँ बिब था आसे।” दिलेया सिपाइमैंइ येशूए क्वें चिट्ठा झोंसि खेंमैंए न्‍होंरि चुइ।

लूका 6:28

क्‍हेमैंए फिर सराप पिंब्‍मैंलाज्यै आशिक पिंन्, धै क्‍हेमैंए फिर गाल् केब्‍मैंए ल्हागिर परमेश्‍वरने क्षमा ह्रिसि प्राथना लमिंन्।

चेला चिब्मैंए केमैं 7:60

झाइले चइ च्हि तुँसि थेबै कैले ओरसि बिइ, “ओ प्रभु, चु पापए छ्याब चुमैंए फिर आल्हैदिरिगे।” च्हौ बिसि चइ सो पिवाइ।

रोमी 12:21

छतसि अरूमैंए आछ्याँबै केइ ह्रोंसलाइ ट्होल् आपिंन्, बरु क्हेमैंइ छ्याँबै के लसिन् आछ्याँबै के ट्होवाद्।

१ थेसलोनिकी 5:15

खाबज्‍यै क्हेमैंए न्होह्रों लवालेया खि आफोद्, दिलेया बिश्‍वासीमैंए फिर नेरो अरू म्‍हिमैंए फिरै या छ्याँबै के लबै सैं मैंन्।

याकूब 3:10

च सुँउँइन परमेश्‍वरलाइ धन्यबाद पिंब नेरो म्हिमैंलाइ गाल् केब लम्। ओ ङए अलि-अङाँमैं, छ तल् आतमल।

१ पत्रुस 3:9

अरूइ क्हेमैंए न्होह्रों ललेया क्हेमैंइ चमैंए न्होह्रों आलद्, अरूइ क्‍हेमैंए फिर गाल् केलेया क्हेमैंइ गाल् आकेद्। बरु आशिक पिंन्, तलेबिस्याँ क्‍हेमैंइ आशिक योंरिगे बिसि परमेश्‍वरजी क्‍हेमैंलाइ हुइब् ग।