रोमी 11:6 - परमेश्‍वरए ताँ तमु क्युइर

⁶ चमैंइ धर्म-कर्म लसि आङिं, परमेश्‍वरए दयाम्हाँयाइ लमा खीजी चमैंलाइ त्‍हाँब् ग, आस्याँ खीए दयाम्हाँया छलेन् पिंबै दयाम्हाँया आतमल।

रोमी 11:6 ပူးပေါင်းရင်းမြစ်များ

लूका 6:13

मि म्रोंल् खाँबै लिउँइँ येशूजी चेलामैं ह्रोंस ङाँर हुइसि चमैं न्‍होंर्बै च्युसे ङ्हिं कुल्मिंबै चेला चिब्मैं त्‍हाँसि चमैंलाइ “कुल्मिंबै चेला चिब्मैं” बिबै मिं थेंइ।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

गलाती 2:21

छतसि ङइ खोंयोंइ बिलै परमेश्‍वरए दयाम्हाँयाए फिर भर लम्, तलेबिस्याँ ठिम म्‍हाँदिसि म्हिमैं परमेश्‍वरए उँइँर ठिक ठर्दिल् खाँम् बिस्‍याँ ख्रीष्‍ट फाक्‍कर्न सिइ!”

गलाती 5:4

ठिमर बिब् धोंले लसि परमेश्‍वरए उँइँर ठिक ठर्दिल् म्‍हैब्मैंइ खेंमैंलाइ ख्रीष्‍टउँइँले फ्रेवाइमुँ, धै परमेश्‍वरए दयाम्हाँयाउँइँले या ह्रेंगो तयाइमुँ।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

तीतस 3:5

खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।