रोमी 11:33 - परमेश्‍वरए ताँ तमु क्युइर

³³ ओहो, परमेश्‍वरजी ताँनए फिर लबै दयाम्हाँया बेल्‍ले थेब नेरो छ्याँब मुँ। खीए ज्ञान बुद्धिए ताँमैं गैरु मुँ। खाबइ खीए ताँमैंए बयन लल् खाँम्? खाबइ खीजी लबै के क्‍होल् खाँम्?

रोमी 11:33 ပူးပေါင်းရင်းမြစ်များ

एस्तर 2:22

चु ताँ थेसि मोर्दकैइ म्रुँस्यो एस्तरने बिइ, धै एस्तरइ मोर्दकैइ बिबै ताँ म्रुँने बिइ।

भजनमैं 139:6

क्हिए छाबै ज्ञान म्रोंसि ङ प्लेटोयाइमुँ, क्हिए ज्ञान क्होबर ङए ल्हागिर बेल्‍ले गारो मुँ।

भजनमैं 145:3

याहवेह थेब मुँ, धै थेब् लसि म्हाँदिल् त्हुब मुँ, खी कति थेब मुँ बिसि खाबज्यै क्होल् आखाँ।

भजनमैं 36:6

ओ याहवेह, क्हिजी लबै ठिक के बेल्‍ले थेबै कोंमैं धों तब् मुँ; क्हिजी लबै निसाफमैं तो सैज्यै या लाल् आखाँबै मा ङ्युँइए गैरु धों तब मुँ; क्हिजी म्हिलाइ मत्‍त्रे आङिं, ताँन् सो प्ह्‍याबै सैंमैंलाइ वास्ता लम्।

भजनमैं 40:5

ओ याहवेह, ङए परमेश्‍वर, क्हिजी लबै औदिबै केमैं नेरो क्हिजी ङिए ल्हागिर लबै चाँजोमैं ल्हेंन् मुँ। क्हिजी लबै औदिबै केमैं ल्हेंन् मुँ, छतसि ङइ च केमैंए बयन लल् आखाँ। क्हि धों तब अरू खाबै आरे!

भजनमैं 77:19

क्हिजी डोरेबै घ्याँ मा ङ्युँइए महाँजोर मुँल, क्हि प्रबै घ्याँ थेबै क्युए महाँजोर मुँल; दिलेया क्हिए प्हलेए म्है आम्रोंल।

भजनमैं 92:5

ओ याहवेह, क्हिजी लबै केमैं कति थेब मुँ! क्हिए बिचारमैं कति गैरु मुँ!

भजनमैं 97:2

खीए कारर्ग्युले न्हाँम्स्यो नेरो मिछु खैब मुँ; राजगद्दिर टिसि खीजी ठिक केमैं नेरो ठिक निसाफ लम्।

हितोपदेश 25:2

म्हिमैंइ क्होसे क्होल् आखाँबै ताँमैंउँइँले या परमेश्‍वरए मिं थेब् तम्; छाबै ताँमैं क्होमिंबै म्रुँलाइ ताँनइ म्हाँदिम्।

हितोपदेश 25:3

खैले स्वर्गमैं बेल्‍ले नुल्‍ले मुँ, धै पृथ्बी गैरु मुँ, छलेन म्रुँमैंए सैंर तो मुँ बिब खाबज्यै सेल् आखाँ।

रोमी 2:4

परमेश्‍वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्‍हिइ खीलाइ अझै म्‍हि आल! क्‍हिए सैं खी ङाँइ एरिगे बिसि परमेश्‍वरजी क्हिए फिर ल्हयो लम् बिब क्‍हिइ आसे वा?

रोमी 9:23

चमैंलाइ तले सैदिइ बिस्‍याँ परमेश्‍वरजी खीए बेल्‍ले थेबै मान तबै चारबै ह्‍वे ताँनलाइ उँइँबै सैं लइ। च ह्‍वे ङ्योज्‍यै या योंरिगे बिसि ङ्योलाइ थेबै केर फेबै भाँडो धों तब् लमिंइ,

१ कोरिन्थी 2:10

चुन् क्होल् आखाँबै ताँमैं परमेश्‍वरजी खीए पबित्र प्ल्हउँइँले ङ्योलाइ क्होल् लमिंइ। तलेबिस्याँ पबित्र प्ल्हजी परमेश्‍वरए ताँन् सै म्हैमुँ, तिफुँइ क्होल् आखाँबै परमेश्‍वरए गैरु-गैरु ताँमैं या खीजी म्हैमुँ।

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

एफिसी 2:7

छाबै के तले लइ बिस्याँ तारे खबै जुगरि झन् खीए बेल्‍ले थेबै दयाम्हाँया उँइँब्‍मुँ। तलेबिस्‍याँ येशू ख्रीष्‍टजी ङ्योए ल्हागिर लबै केमैंइ लमा ङ्योइ च दयाम्हाँया योंइमुँ।

एफिसी 3:10

दिलेया तिंजोरो खीए फिर बिश्‍वास लब्मैंउँइँले स्‍वर्गर्बै म्रुँमैं नेरो अधिकारिमैंइ परमेश्‍वरए औदिबै ज्ञान बुद्धिए ताँमै सेरिगे बिसि खीजी चु चाँजो उँइँमिंइ।

एफिसी 3:16

क्हेमैंए ल्हागिर ङइ छ बिसि प्राथना लइमुँ: परमेश्‍वरए बेल्‍ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्‍हेमैंए सैं भोंब् लमिंरिगे।

एफिसी 3:18

धै ख्रीष्‍टए फिर बिश्‍वास लबै ताँन् म्हिमैंने बालुन् तमा खीजी ङ्योए फिर लबै म्हाँया कति प्ल्हाब, कति ह्रिंब, कति नुब, कति गैरु मुँन बिबै ताँ क्हेमैंइ क्होल् खाँरिगे।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।