रोमी 11:31 - परमेश्‍वरए ताँ तमु क्युइर

³¹ छलेन क्‍हेमैंइ ल्हयो योंबइले परमेश्‍वरजी बिब् धोंले चमैंज्यै या ल्हयो योंरिगे बिसि तिंजोरो यहूदीमैंए सैं सारो तइ।

रोमी 11:31 ပူးပေါင်းရင်းမြစ်များ

रोमी 10:16

दिलेया सैं तोंबै ताँ थेनाबिलेया ल्हें म्हिइ वास्‍था आल। छतसि “ओ प्रभु, ङिइ बिबै ताँ खाबै क्‍वेंइमुँ?” बिसि यशैया अगमबक्‍ताइ ओंसोंन् बिइमुँ।

रोमी 11:15

तलेबिस्याँ परमेश्‍वरजी चमैंलाइ त्‍याग्‍दिवामा ताँन् ह्‍युलर्बै म्‍हिमैं परमेश्‍वरए म्‍हि तइबिस्‍याँ परमेश्‍वरजी चमैंलाइ खी ङाँइ एपमा तो तब्‍मुँ? चमैं सिसि धबै सोगों तब् धोंन् तब्‍मुँ।

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

रोमी 11:30

स्‍योंम क्‍हेमैं अरू ह्रेंर्बै म्‍हिमैंइ परमेश्‍वरए ताँ आक्वेंमल, दिलेया यहूदीमैंइ परमेश्‍वरजी बिब् आङिंबइले क्‍हेमैंइ परमेश्‍वरए ल्हयो योंबै मौका योंइमुँ।

रोमी 11:32

तलेबिस्याँ खीए दयाम्हाँया ताँन् म्‍हिमैंइ योंरिगे बिसि परमेश्‍वरजी चमैं ताँनए सैं सारो लवासि बिब् आङिंब्मैं तल् पिंइ।