रोमी 11:2 - परमेश्‍वरए ताँ तमु क्युइर

² परमेश्‍वरजी ओंसोंन् त्हाँबै म्‍हिमैंलाइ आत्‍याग्‍दिइमुँ। परमेश्‍वरए छ्वेर एलिया अगमबक्‍ताइ लबै प्राथनाए बारेर क्‍हेमैंइ सेइमुँ। एलियाइ यहूदीमैंए बिरोधर परमेश्‍वरने छले बिल,

रोमी 11:2 ပူးပေါင်းရင်းမြစ်များ

उत्पत्ति 44:15

योसेफइ चमैंने बिइ, “क्हेमैंइ छाबै के तले लल? आसेल्‍ले लबै के ङ धों तबै म्हिइ सेम् बिसि क्हेमैंइ आसेल् वा?”

भजनमैं 94:14

तलेबिस्याँ याहवेहजी ह्रोंसए म्हिमैंलाइ भ्योंरिब् आरे; खीजी ह्रोंसजी त्हाँबै म्हिमैं पिरिब् आरे।

प्रस्थान 32:1

मोशा कोंउँइँले युब क्हैन् लब म्रोंसि इस्राएलीमैं हारून ङाँर खागु तसि “ङिलाइ मिश्र ह्‍युलउँइँले तेइ पखबै मोशालाइ तो तइ ङिइ आसे। छतसि रेद्, ङिए ओंसों-ओंसों घ्याँ तेंबर देवता घ्रि बनेमिंन्,” बिबर होंइ।

मर्कूस 12:26

अर्को ताँ, सियाबै म्हिमैं धबै सोगों तबै बारेर क्‍हेमैंइ मोशाइ प्‍ह्रिबै ठिमरि लुँरिबै झाढिए ताँ आखेइमुँ वा? च त्हेर परमेश्‍वरजी मोशाने ‘अब्राहाम, इसहाक नेरो याकूबए परमेश्‍वर ङन् ग,’ बिल।

लूका 4:1

येशू क्युर प्ल्हुँसि बप्‍तिस्मा किंबै लिउँइँ परमेश्‍वरए पबित्र प्ल्हजी प्लिंसि यर्दन स्‍योंउँइँले एखमा पबित्रए प्ल्हजी खीलाइ क्यु आयोंबै क्ल्ह्‍योर बोइ।

यूहन्‍ना 4:11

च च्हमिरिइ खीने बिइ, “क्हिने क्यु ख्योबै सै आरे, क्यउदु या ल्हें गैरु मुँ। छतसि क्हिजी खनिउँइँले च सोल् लमिंबै क्यु पखमुँ?

चेला चिब्मैंए केमैं 13:48

पावलइ बिबै ताँ थेसि अरू ह्रेंमैं सैं तोंइ, धै परमेश्‍वरए ताँ बेल्‍ले छ्याँब मुँ बिसि थेब् लइ, धै खोंयोंन् बिलै आखाँबै छ्ह योंबर परमेश्‍वरजी ओंसों ओंनोंन् त्हाँब्मैंइ येशूए फिर बिश्‍वास लइ।

चेला चिब्मैंए केमैं 15:18

बिसि याहवेहजी बिइमुँ। खीजी चु ताँ स्योंम् ओंनोंन् था सेल् पिंइँमुँ।’

चेला चिब्मैंए केमैं 3:17

“ओ आघें अलिमैं, क्‍हेमैं नेरो क्‍हेमैंए चिबनाँब्मैंइ येशू खाब् जा बिब् आसेसि खीलाइ सैइ बिब ङइ सेइमुँ।

चेला चिब्मैंए केमैं 7:40

चमैंइ हारूनने छ बिइ, ‘मिश्रउँइँले ङिलाइ तेपखबै मोशा तो तगे बिसि ङिइ आसे। छतसि ङिए घ्याँ उँइँबै ल्हागिर देवतामैं बनेमिंन्।’

रोमी 6:16

क्हेमैंइ ह्रोंसलाइ खाबै योर पिंवाँमुँ? चए केब्छैंन् क्हेमैं तल् त्‍हुम्। पापए केब्छैं तसि चइ बिब ङिंइ बिस्याँ क्हि सिल् त्हुब्मुँ, दिलेया परमेश्‍वरजी बिब ङिंइ बिस्याँ खीए उँइँर क्‍हेमैं ठिक ठर्दिब्मुँ।

रोमी 9:23

चमैंलाइ तले सैदिइ बिस्‍याँ परमेश्‍वरजी खीए बेल्‍ले थेबै मान तबै चारबै ह्‍वे ताँनलाइ उँइँबै सैं लइ। च ह्‍वे ङ्योज्‍यै या योंरिगे बिसि ङ्योलाइ थेबै केर फेबै भाँडो धों तब् लमिंइ,

रोमी 9:6

ल्हें यहूदीमैं ख्रीष्‍टए लिलि आप्र बिबर्न परमेश्‍वरजी चमैंए खेमैंने फैबै बाछामैं फाक्‍कर्न तइ बिब् वा? आङिं, तलेबिस्याँ इस्राएली ह्रेंर फिबै ताँन् म्‍हिमैं परमेश्‍वरजी त्‍हाँबै म्‍हिमैं ग बिल् आखाँ।

१ कोरिन्थी 6:2

परमेश्‍वरए म्‍हिमैंइ ह्‍युलर्बै म्‍हिमैंए निसाफ लब्‍मुँ बिब क्‍हेमैंइ आसेइमुँ वा? ह्‍युलए निसाफ क्‍हेमैंना लल् त्‍हुम् बिस्‍याँ, च्‍युथिरि ताँमैं क्‍हेमैंना क्‍ह्रिमिंल् आखाँ वा?

१ कोरिन्थी 8:3

दिलेया परमेश्‍वरउँइँ सैं एसि खीलाइ म्हाँया लबै म्हिलाइन परमेश्‍वरजी ङो सेम्।

फिलिप्पी 1:22

दिलेया सोरिस्याँ केर फेबै के लल् योंब्मुँ। छान् तलेया ङइ खाब् घ्याँ क्हाब च ङइ बिल आखाँ।

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।

१ पत्रुस 1:2

येशू ख्रीष्‍टजी बिबै ताँ क्हेमैंइ ङिंसि खीए कोजी ख्रुमिंसि पबित्र प्ल्हउँइँले चोखो तबै ल्हागिर परमेश्‍वर आबाजी क्हेमैंलाइ स्योंमन् त्हाँल। क्हेमैं ताँनए फिर परमेश्‍वरए दयाम्हाँया नेरो शान्ति खोंयोंन् बिलै ल्हें ततै ह्‍यारिगे।