रोमी 11:18 - परमेश्‍वरए ताँ तमु क्युइर

¹⁸ छतसि क्‍हेमैं च चोयाबै हाँग धों तबै यहूदीमैंलाइ हेल लल् आत। चमैं भन्दा ह्रोंसन् स्‍वाब मुँ ङ्हाँस्‍याँ, चु ताँ सैंर मैंन्: क्‍हेमैं सिं धुँने प्हेरबै हाँग धों तब्मैं मत्‍त्रे ग। क्‍हेमैंइ जरा आधाँदिइमुँ, बरु जराइ क्‍हेमैंलाइ धाँदिइमुँ।

रोमी 11:18 ပူးပေါင်းရင်းမြစ်များ

हितोपदेश 16:18

तोन् तोर्न थेब् प्हैंबै म्हि नास तयाब्मुँ, अरूमैंलाइ तो धोंइ आङ्हाँबै म्हिल मि-क्ह्रन् म्हयाब्मुँ।

मत्ती 26:33

पत्रुसइ खीने बिइ, “क्हिए फिर दुःख तमा ताँनइ क्‍हि पिवालेया ङइ खोंयोंइ या क्हिलाइ पिरिब् आरे।”

यूहन्‍ना 10:16

ङला अरू क्युमैं या मुँ, चमैं चु प्ह्रोंर्बै आङिं। दिलेया ङइ चमैं या पखल् त्हुब्मुँ। चमैंइ ङए कै थेब्मुँ, धै ताँन् क्युमैं बगाल घ्रिन् तब्मुँ, छतसि प्ह्रोंछैं या घ्रिन् तब्मुँ।

यूहन्‍ना 4:22

क्हेमैंइ म्हाँदिरिबै सै क्‍हेमैंइ आसे। ङि यहूदीमैंइ बिस्‍याँ तो म्हाँदिरिइमुँ बिसि सेइमुँ। तलेबिस्याँ यहूदीमैंउँइँले ताँन् म्‍हिमैंइ मुक्‍ति योंब्मुँ।

चेला चिब्मैंए केमैं 25:7

पावल फेखबै तोंदोंन् यरूशलेमउँइँले युबै यहूदीमैं चए कारग्युले रासि चए बिरोधर बेल्‍ले आछ्याँबै छ्याब्मैं ल्हैदिइ। दिलेया चमैंइ खेंमैंइ ल्हैदिबै छ्याब्मैंला तोइ प्रमाण पिंल् आखाँल।

रोमी 11:20

च ठिक ताँ मुँ, दिलेया चु मैंन्: चमैंइ बिश्‍वास आलबइले परमेश्‍वरजी चमैंलाइ चोवाइ। छलेन क्‍हेमैंइ बिश्‍वास लसिन् मत्‍त्रे टिल् योंइमुँ। छतसि थेब् आप्हैंन्, बरु न्ह क्रों मि क्रोंले टिद्।

रोमी 3:27

छतसि ङ्योइ तले प्हैंल् त्हुइ? प्‍हैंबै ताँ तोइ आरे। ङ्योइ ठिमइ बिब् ङिंसि परमेश्‍वरए उँइँर ठिक ठर्दिस्‍याँ प्‍हैंबै घ्याँ या तमल, दिलेया येशू ख्रीष्‍टए फिर बिश्‍वास लसि मत्‍त्रे ठिक ठर्दिबइले प्‍हैंबै ताँ तोइ आरे।

रोमी 4:16

परमेश्‍वरजी पिंम् बिसि फैबै बाछा अब्राहामए सन्‍तानमैंइ योंरिगे बिसि म्‍हिमैंइ बिश्‍वास लबइले परमेश्‍वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्‍तानए ल्हागिर मत्‍त्रे आङिं, अब्राहामइ धोंले बिश्‍वास लब्‍मैंए ल्हागिरै ग। तलेबिस्याँ ङ्यो ताँनए खे अब्राहाम ग।

१ कोरिन्थी 10:12

छतसि क्‍हेमैं न्‍होंरि ङ बिश्‍वासर भोंब् मुँ बिसि प्‍हैंबै म्‍हिइ ह्रोंस पापर आच्होरिगे बिसि झन् न्ह क्रों मि क्रोंले टिल् त्‍हुम्।

गलाती 3:29

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।