रोमी 11:17 - परमेश्‍वरए ताँ तमु क्युइर

¹⁷ छलेन रोमैं रोबै सिं धुँए को-कोइ हाँगमैं चोवाब् धोंले कोइ यहूदीमैं या परमेश्‍वरउँइँले फ्रेयाइमुँ। धै क्‍हेमैं अरू ह्रेंर्बै म्‍हिमैं तबइले क्ह्‍योंर्बै सिं धुँए हाँग धोंन् तसि अरू छ्याँबै हाँगमैंए माँजोरि से घ्रिले गैंदिइमुँ। छतसि यहूदीमैंए जराउँइँले खुगु योंब् धोंले क्‍हेमैंइ तोगो भों नेरो आशिक योंइमुँ।

रोमी 11:17 ပူးပေါင်းရင်းမြစ်များ

भजनमैं 52:8

दिलेया ङ बिस्याँ परमेश्‍वरए धिंर मुँबै पिंक्यो भ्योंबै जैतुनए धुँ धोंन् तइमुँ, तलेबिस्याँ परमेश्‍वरए खोंयोंइ आनुबै म्हाँयार ङइ भर थेंइमुँ।

योना 1:16

छतमा च म्हिमैं याहवेहने बेल्‍ले ङ्हिंइ। धै याहवेहए मिंर ख्रो पिंसि “तारे ङि क्हिलाइन फ्योम्” बिइर बाछा फैइ।

मत्ती 21:43

छतसि ङ क्‍हेमैंने बिमुँ, परमेश्‍वरए ग्याल्सर टिबै हग तारे परमेश्‍वरजी क्‍हेमैंउँइँले प्‍हेंसि रोमैं रोल् खाँबै अरू ह्रेंलाइ पिंब्‍मुँ।”

यूहन्‍ना 15:1

“क्ह्रोंसेंन्बै अँगुरए धुँ ङन् ग, ङए आबा बिस्याँ धुँमैं छेनाले ङ्‍ह्‍योबै क्ल्हे ग।

यूहन्‍ना 15:2

ङने मुँबै हाँगमैं न्होंरि रोमैं आरोबै हाँग खीजी छाँडेब्मुँ। धै रोमैं रोबै हाँगमैं बिस्याँ अझै ल्हें रोमैं रोरिगे बिसि खीजी छिमल्दिब्मुँ।

यूहन्‍ना 15:6

ङने आटिब्मैं बिस्याँ रोमैं आरोबै हाँग धोंले बैरु भ्योंवाब्मुँ, धै कारयाब्मुँ। छाबै हाँगमैं म्हिमैंइ खागु लसि मिर ख्रोंवाब्मुँ।

चेला चिब्मैंए केमैं 2:39

परमेश्‍वरजी ‘पबित्र प्ल्ह पिंब्मुँ’ बिसि फैबै बाछा क्हेमैंए ल्हागिरि, क्हेमैंए सन्तानए ल्हागिरि, नेरो अरू ह्रें-ह्रेंगो मुँबै अरू ह्रेंर्बै म्हिमैंए ल्हागिरि ग। ङ्योए प्रभु परमेश्‍वरजी हुइब्मैं ताँनए ल्हागिर च बाछा फैइमुँ।”

रोमी 11:24

क्‍हेमैं अरू ह्रेंर्बै म्‍हिमैं क्ह्‍योंर्बै सिं धुँउँइँले हाँग थोवासि बगैंचार्बै सिं धुँने से आक्ह्रिलेया गैंदिइमुँ। यहूदीमैं बगैंचार्बै सिं धुँए हाँगमैं धों तब् ग। क्ह्‍योंर्बै हाँगमैं भन्दा च ओंसों थोवाबै हाँगमैं धबै एपसि गैंदिब परमेश्‍वरए ल्हागिर झन् स्वाब तम्।

गलाती 2:15

ङइ पत्रुसने अझै बिइ, “ङ्योम् फिब् ओंनोंबै यहूदी ग, अरू ह्रेंमैं धोंबै पापिमैं ङ्यो आङिं।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।

कलस्सी 2:13

ओंसों क्‍हेमैं ह्रोंसए पाप नेरो ज्युर चिनु आलबइले सिरिल, दिलेया परमेश्‍वरजी ङ्योए ताँन् पाप क्षमा लमिंसि ख्रीष्‍टने बालुन् सोगों लमिंइ।

दर्शन 11:4

चु ग्वाइ पिंब्‍मैं प्रभुए उँइँर मुँबै जैतुनए धुँ ङ्हिं नेरो पानस ङ्हिं ग।