रोमी 10:8 - परमेश्‍वरए ताँ तमु क्युइर

⁸ बरु ठिमए ताँ चु ग, “परमेश्‍वरए ताँ क्‍हेमैंए ङाँर्न मुँ। क्‍हेमैंए सुँ नेरो सैं न्‍होंर्न मुँ।” ङिइ म्हिमैंने बिमिंबै ताँ: येशूए फिर बिश्‍वास लद् बिबै सैं तोंबै ताँ ग।

रोमी 10:8 ပူးပေါင်းရင်းမြစ်များ

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

चेला चिब्मैंए केमैं 16:31

झाइले चमैंइ बिइ, “प्रभु येशूए फिर बिश्‍वास लद्। छलस्याँ क्हि नेरो क्हिए परवाज्यै मुक्‍ति योंब्मुँ।”

रोमी 10:17

सैं तोंबै ताँ थेसिन् बिश्‍वास खम्, धै ख्रीष्‍टए बारेर बिप्रबै ताँमैंन् सैं तोंबै ताँ ग।

गलाती 3:2

ङ क्हेमैंने ताँ घ्रि ङ्योएम्: परमेश्‍वरए पबित्र प्ल्ह क्‍हेमैंइ खैले योंइ? ठिमइ बिब् धोंले लसि योंइ उ, सैं तोंबै ताँ थेसि क्वेंबइले योंइ?

गलाती 3:5

परमेश्‍वरजी क्‍हेमैंलाइ पबित्र प्ल्ह पिंसि क्हेमैंए म्हाँजोर खीजी औदिबै केमैं लम्। छाबै केमैं खीजी क्‍हेमैंइ ठिमइ बिब् धोंबै के लसि लब् उ, येशू ख्रीष्‍टउँइँले खबै सैं तोंबै ताँ थेसि क्हेमैंइ बिश्‍वास लबइले लब् जा?

एफिसी 5:26

बिश्‍वासीमैंलाइ पबित्र लबर ख्रीष्‍टजी ह्रोंसए बचनउँइँले नेरो क्युइ ख्रुसि चोखो लमिंइ।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।

१ पत्रुस 1:23

तलेबिस्याँ क्‍हेमैंइ परमेश्‍वरए खोंयोंइ तरिबै सोगों बचनउँइँले खोंयोंइ आखाँबै छ्ह योंइमुँ। चु छ्ह क्‍हेमैंए आबा-आमाउँइँले योंब आङिं, खोंयोंन् बिलै तरिबै सोगों बचनउँइँले छारा तसि क्‍हेमैं फिइमुँ।

१ पत्रुस 1:25

दिलेया परमेश्‍वरए बचन खोंयोंन् बिलै तरिम्।” क्‍हेमैंने बिमिंबै सैं तोंबै ताँ चुन् ग।