रोमी 10:6 - परमेश्‍वरए ताँ तमु क्युइर

⁶ दिलेया ख्रीष्‍टए फिर बिश्‍वास लसि मत्‍त्रे परमेश्‍वरए उँइँर ठिक ठर्दिम् बिबै बारेर ठिमइ छले बिइमुँ, “क्हेमैंए सैंर ‘ख्रीष्‍टलाइ क्युरु पुइबर स्‍वर्गर खाब् ह्‍यामुँ?’ आबिद्।

रोमी 10:6 ပူးပေါင်းရင်းမြစ်များ

हितोपदेश 30:4

स्वर्ग समा खाब् क्रेयासि युइमुँ? खाबइ ह्रोंस‍ए मुठिर खैं क्हाइमुँ? ह्रोंसए क्वेंर खाबइ मा ङ्युँइ बेर्दिइमुँ? पृथ्बीए साँद खाबइ तोक्दिइमुँ? खीए मिं तो जा, धै खीए च्हए मिं तो जा? क्हिइ सेइमुँ बिस्याँ ङने बिद्!

यूहन्‍ना 6:33

तलेबिस्याँ परमेश्‍वरजी पिंबै क्हें तो जा बिस्‍याँ, च स्‍वर्गउँइँले तयुसि ह्‍युलर्बै म्हिमैंलाइ खोंयोंइ आखाँबै छ्ह पिंबै म्हि ग।”

यूहन्‍ना 6:38

ह्रोंसए सैंर्बै ताँ पूरा लबर ङ स्वर्गउँइँले युब आङिं, ङलाइ कुल्‍मिंबै आबाए सैंर मैंबै केमैं पूरा लबर ङ युब् ग।

यूहन्‍ना 6:58

स्वर्गउँइँले युबै क्हें ङए ज्यु ग। चु क्हें क्हेमैंए खेमैंइ चबै मन्‍न धों तब आङिं, चमैंइ च मन्‍न बिबै क्हें चलेया सियाइ। दिलेया चु क्हें चब्मैं खोंयोंइ या सोरिब्मुँ।”

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

रोमी 3:25

म्‍हिमैंए पाप मेटिदिमिंबै घ्‍याँ येशू तरिगे बिसि परमेश्‍वरजी ख्रीष्‍ट येशूलाइ ङ्योए पापए ल्हागिर ख्रो तसि सिबर कुल्मिंइ। छतसि ङ्योए ल्हागिर ख्रो तसि येशूजी को बग्दिइ बिब म्‍हिमैंइ क्वेंस्याँ चमैं परमेश्‍वरए उँइँरि ठिक ठर्दिम्। येशू युब् भन्दा ओंसोंन् म्हिमैंइ पाप ललेया परमेश्‍वरजी ह्रिस थाँम्‍दिसि म्‍हिमैंलाइ पापए सजैं आपिंइमुँ,

रोमी 4:13

अब्राहाम नेरो चए सन्तान ह्‍युलर्बै हकवालामैं तम् बिसि परमेश्‍वरजी फैबै बाछा अब्राहामइ ठिमर बिब् धोंले लसि बाछा फैब् आङिं, परमेश्‍वरए फिर बिश्‍वास लसि ठिक ठर्दिबइले परमेश्‍वरजी च नेरो चए सन्‍तानने चु बाछा फैइ।

फिलिप्पी 3:9

छतसि तारे ङ खीने बालुन् तदा ङ्हाँइमुँ। ह्रोंसइ लबै धर्मउँइँले, नेरो मोशाइ प्ह्रिबै ठिममैं म्हाँदिबइले ङ धर्मि तब आङि, बरु येशू ख्रीष्‍टए फिर बिश्‍वास लबइले ङ परमेश्‍वरए उँइँर ठिक ठर्दिइमुँ। छले ङ परमेश्‍वरउँइँले ठिक ठर्दिब् ग।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।