रोमी 10:3 - परमेश्‍वरए ताँ तमु क्युइर

³ परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।

रोमी 10:3 ပူးပေါင်းရင်းမြစ်များ

भजनमैं 71:19

ओ परमेश्‍वर, क्हिजी लबै ठिक निसाफ मु समा फेनेम्, क्हिजी थेबै केमैं लइमुँ। ओ परमेश्‍वर, क्हि धों तब खाब् मुँ?

लूका 10:29

दिलेया च म्‍हिइ ह्रोंस ठिक के लबै म्हि ग बिसि प्हैंबर “छ बिस्‍याँ ङए ङ्‍हेब्-ट्हुब् खाब् जा?” बिसि ङ्योएमा

लूका 16:15

धबै येशूजी चमैंने बिइ, “क्‍हेमैं म्‍हिमैंए उँइँरि ‘ङ छ्याँब धर्मि म्‍हि ग’ बिसि थेब प्‍हैंम्। दिलेया क्हेमैंए सैं न्होंर तो मुँ बिसि परमेश्‍वरजी सेम्। म्‍हिमैंए सैंर थेब ङ्हाँबै सै परमेश्‍वरए उँइँर तोइ आङिंबै सै ग।

रोमी 1:17

तलेबिस्याँ चु सैं तोंबै ताँउँइँलेन् परमेश्‍वरजी म्‍हिमैंलाइ ह्रोंसए उँइँरि खैले ठिक ठर्दिम् बिसि उँइँम्। झाइले ओंसोंउँइँले लिउँइँ समा बिश्‍वासइ मत्‍त्रे म्‍हिमैं परमेश्‍वरए उँइँर ठिक ठर्दिल् खाँम्। छलेन “बिश्‍वास लसिन् परमेश्‍वरए उँइँर ठिक ठर्दिबै म्हिइ खोंयोंइ आखाँबै छ्ह योंम्।” बिसि परमेश्‍वरए छ्वेर प्ह्रिइमुँ।

रोमी 10:2

चमैंइ परमेश्‍वरलाइ बेल्‍ले छेनाले म्हाँदिदा ङ्हाँमुँ बिसि ङ साक्षि पिंल् खाँम्; दिलेया खैले म्हाँदिल् त्हुम् बिसि चमैंइ आसेइमुँ।

रोमी 10:20

छलेन यशैयाइ अझै भों खल्‍ले अरू ह्रेंमैंए बारेर छले बिइमुँ, “ङलाइ आम्‍हैब्‍मैंइ ङलाइ योंइ, ङलाइ आम्हैब्मैंए म्हाँजोर ङ ह्रोंसन् म्रोंयुइमुँ।”

रोमी 11:7

छ बिस्‍याँ चु ताँए अर्थ तो तइ दि? खेंमैंइ म्‍हैबै मुक्‍ति ताँन् यहूदीमैंइ आयों। दिलेया परमेश्‍वरजी त्‍हाँबै यहूदीमैंइ मत्‍त्रे मुक्‍ति योंइ। अरू चैबै यहूदीमैंए सैं सारो तइ।

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

रोमी 3:26

तलेबिस्याँ खीजी चमैं ङ्योने बालु खागु लइ, धै च ताँन् पापए सजैं येशूजी नोमिंइ। परमेश्‍वरजी ठिक निसाफ लमुँ धै येशूए फिर बिश्‍वास लब्मैं ताँनलाइ खीजी ठिक ठर्दिमिंम् बिसि उँइँमिंबै ल्हागिर्न खीजी छान् लइ।

रोमी 5:19

खैले म्हि घ्रिइ परमेश्‍वरए ताँ आङिंसि ताँन् म्‍हिमैं पापि तइ, छलेन येशू ख्रीष्‍टजी परमेश्‍वरजी बिब् ङिंबइले ल्हें म्‍हिमैं परमेश्‍वरए उँइँरि ठिक ठर्दिल् योंब्‍मुँ।

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

फिलिप्पी 3:9

छतसि तारे ङ खीने बालुन् तदा ङ्हाँइमुँ। ह्रोंसइ लबै धर्मउँइँले, नेरो मोशाइ प्ह्रिबै ठिममैं म्हाँदिबइले ङ धर्मि तब आङि, बरु येशू ख्रीष्‍टए फिर बिश्‍वास लबइले ङ परमेश्‍वरए उँइँर ठिक ठर्दिइमुँ। छले ङ परमेश्‍वरउँइँले ठिक ठर्दिब् ग।

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।