रोमी 10:19 - परमेश्‍वरए ताँ तमु क्युइर

¹⁹ छतसि ङ चु ताँ धबै ङ्योएम्: यहूदीमैंइ चु सैं तोंबै ताँ आक्हो वा? क्होबमि क्होइ दिलेया आक्‍वें। ओंसों परमेश्‍वरजी मोशाउँइँले यहूदीमैंने छ बिल, “ङलाइ ङो आसेबै म्हिमैंउँइँलेन् ङइ क्‍हेमैंलाइ चमैंए फिर ह्रिस लब्मैं तल् पिंब्मुँ, तोइ आह्र आसेबै म्‍हिमैंउँइँलेन् ङइ क्‍हेमैंए त्होंदो राल् पिंब्‍मुँ।”

रोमी 10:19 ပူးပေါင်းရင်းမြစ်များ

रोमी 10:18

बरु ङ चु ताँ ङ्योएम्: यहूदीमैंइ थेल् आयों रो वा? थेइमुँ, तले आथेब! तलेबिस्याँ परमेश्‍वरए छ्वेर छले प्ह्रिइमुँ: “चमैंए कै पृथ्‍बी तिगोंन् थेनेइमुँ, चमैंइ बिबै ताँ ह्‍युलए कुना-कुना समन् फेनेइमुँ।”

रोमी 11:11

छतसि ङइ ङ्योएम्, “यहूदीमैं थुरसि नास तयाइ वा दि?” अँहँ, आत! चमैं पाप लसि क्‍हुरियामा चमैंइ योंल् त्‍हुबै मुक्‍ति अरू ह्रेंर्बै म्‍हिमैंइ योंइ। झाइले छ तब् म्रोंसि यहूदीमैंइ “ङ्योज्यै छाबै मुक्‍ति योंस्‍याँ तमल,” बिसि ह्रिस लरिगे बिब परमेश्‍वरए सैं मुँल।

रोमी 11:14

चु केइ लमा ह्रोंसए ह्रेंर्बै म्‍हिमैंज्‍यै या क्‍हेमैं म्रोंसि ह्रिस लसि को-कोइ परमेश्‍वर ङाँइ सैं एल् खाँलै।

रोमी 3:26

तलेबिस्याँ खीजी चमैं ङ्योने बालु खागु लइ, धै च ताँन् पापए सजैं येशूजी नोमिंइ। परमेश्‍वरजी ठिक निसाफ लमुँ धै येशूए फिर बिश्‍वास लब्मैं ताँनलाइ खीजी ठिक ठर्दिमिंम् बिसि उँइँमिंबै ल्हागिर्न खीजी छान् लइ।

१ कोरिन्थी 1:12

क्‍हेमैं न्‍होंर कोइइ “ङ पावलए चेला ग,” कोइइ “ङ अपोल्‍लसए चेला ग,” कोइइ “ङ पत्रुसए चेला ग,” कोइइ “ङ ख्रीष्‍टए चेला ग,” बिम् रो।

१ कोरिन्थी 10:19

ङइ बिल् म्हैब तो जा बिस्‍याँ “कुर चडेबै सै तोइ आङिं!” धै “कु या तोइ आङिं!”

१ कोरिन्थी 11:22

चब् थुँब् लबै ल्हागिर क्हेमैंए धिं आरे वा? क्‍हेमैंइ परमेश्‍वरए म्हिमैंलाइ तो धोंइ आङ्हाँ वा, धै तोइ आरेब्‍मैंलाइ फा पिन् लब् वा? क्‍हेमैंए सैंर खै ङ्हाँइमुँ? छाबै केए ल्हागिर क्हेमैंइ ठिक लइ बिसि बिब् वा? अँहँ, ङइ तिफुँइ बिल् आखाँ।

१ कोरिन्थी 12:2

ओंसों ख्रीष्‍टए फिर बिश्‍वास आलमा केर आफेबै पोंलै आखाँबै कुमैंए लिलि क्‍हेमैं प्ररिल।

१ कोरिन्थी 15:50

छतसि ओ अलि-अङाँमैं, ङइ बिल् म्हैबै ताँ तो जा बिस्याँ, से कोए ज्युनेन् ङ्यो परमेश्‍वरए ग्याल्सर, अथवा स्‍वर्गर, होंल् आयों। धै नास तल् त्‍हुबै ज्युइ खोंयोंइ नास आतबै प्ल्हर ज्यु योंल् आखाँ।

१ कोरिन्थी 7:29

ओ अलि-अङाँमैं, ङइ बिल् म्हैबै ताँ चुन् ग: प्रभु युबै त्हिंइ चेंदोन् तखइमुँ। छतसि ब्ह्‍या लब्मैं ब्ह्‍या आलब्‍मैं धों तसि प्रभुए के लद्।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

१ पत्रुस 2:10

ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।