रोमी 1:30 - परमेश्‍वरए ताँ तमु क्युइर

³⁰ आगुलाइ स्यारब, परमेश्‍वरलाइ आम्हाँदिब, खाबलाज्यै या म्‍हि आलब, थेब् प्‍हैंब, पाप केमैं लदै प्रब, आबा-आमाइ बिबै ताँ आङिंब,

रोमी 1:30 ပူးပေါင်းရင်းမြစ်များ

भजनमैं 10:3

तलेबिस्याँ दुष्‍टमैं ह्रोंसए सैंर मैंबै आछ्याँबै ताँर्न प्हैंरिम्, चमैंइ खोंबै म्हिलाइ आशिक पिंम्, धै याहवेहलाइ स्यारम्।

भजनमैं 106:39

छले चमैं ह्रोंसए केइन पापर च्होयाइ, धै ह्रोंसइ लबै आछ्याँबै केइ लमा चमैं ब्यभिचार लब् धोंन् तइ।

भजनमैं 49:6

प्लबै म्हिमैंइ खेंमैंए सै न्होरए फिर थेब् प्हैंसि ङलाइ म्हि आच्हिन् ललेया ङ ङ्हिंरिब् आरे।

भजनमैं 5:5

थेब् प्हैंब्मैं क्हिए ओंसों रालन् आखाँ; आछयाँबै के लब्मैं ताँन् क्हिजी हेल लम्।

भजनमैं 52:1

ओ भोंबै म्हि, आछ्याँबै केमैं लसि क्हि तले थेब् प्हैंल? क्हि तले त्हिंतिमिन् प्हैंरिम्? छाबै म्हि परमेश्‍वरजी तिफुँइ आखो!

भजनमैं 81:15

याहवेहलाइ तो धोंइ आङ्हाँब्मैं खी म्रोंसि ङ्हिंमल, दिलेया चमैंइ खोंयोंन् बिलै दण्ड योंरिल् त्हुमल।

भजनमैं 94:4

चमैं प्हैंसि ताँ लरिम्; दुष्‍ट म्हिमैं थेब् प्हैंरिमुँ।

भजनमैं 97:7

कु पूजा लब्मैं ताँन् फापिल् त्हुम्, कुलाइ थेबै सै ङ्हाँसि फ्योब्मैं ताँन् फापिल् त्हुम्; छतसि ओ ताँन् देवतामैं, खीए प्हले फ्योद्!

भजनमैं 99:8

ओ ङिए याहवेह परमेश्‍वर, क्हिजी चमैंलाइ ज्वाफ पिंइ; क्हिजी चमैंइ लबै आछ्याँबै केमैंए दण्ड पिंलेया चमैंलाइ क्षमा पिंबै परमेश्‍वर क्हि ग।

हितोपदेश 24:8

आछ्याँबै केमैं लबर चाँजोमैं लबै म्हिलाइ न्होह्रों लबै म्हि बिम्।

हितोपदेश 25:23

उतरउँइँले युबै खैंइ नाँ स्योवाब् धोंले स्योलिबै ताँ पोंबै लेइ ह्रिस खल् लम्।

हितोपदेश 30:17

ह्रोंसए आबालाइ प्ह्रब नेरो आमालाइ म्हि आच्हिबै म्हिए मि ब्याँसिर्बै कगामैंइ चोब्मुँ, धै क्व्रेमैंइ चवाब्मुँ।

हितोपदेश 8:36

दिलेया ङने त्होल् आम्हैबै म्हिइ ह्रोंसलाइन नास लम्; ङलाइ हेल लबै म्हिइ कालने म्हाँया लम्।”

मत्ती 15:4

तलेबिस्याँ परमेश्‍वरजी बिइमुँ, ‘ह्रोंसए आबा आमाए मान लद्। ह्रोंसए आबा आमाए बिरोधर आछ्याँब ताँ पोंब्मैं सैवाल् त्हुम्।’

मत्ती 16:21

च त्हे ओंनोंन् खीजी ह्रोंसए चेलामैंने ह्रोंसइ नोल् त्हुबै दुःखए बारेर बिबर होंइ। “ङ यरूशलेम ह्‍याल् त्हुम्, धै चिबनाँब्मैं, ख्रो पिंबै खेगि चिब्मैं नेरो शास्‍त्रिमैंउँइँले ल्हें दुःख योसि सिल् त्हुम्। दिलेया सोंरोंर ङ सोगों तसि खब्मुँ।”

लूका 21:16

ह्रोंसए आबा-आमा, आघें-अलिमैं, ह्रोंसए थुमैं नेरो ह्रजे-म्हजेमैंज्यै क्‍हेमैं शत्तुरमैंए योर पिंवाब्‍मुँ, झाइले क्हेमैंए न्होंरि को-कोइ चमैंइ सैवाब्‍मुँ।

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

चेला चिब्मैंए केमैं 5:36

तलेबिस्याँ चु त्हे भन्दा ओंसों थुदासइ ङम् ङन् ग बिसि थेब् प्हैंल, धै चए लिलि योदा-अयोदा प्लिब्रादे म्हिमैं प्रल। छान् तलेया च सैवाइ, धै चए लिलि प्रब्मैं या ताँन् प्हुँयाँइ। छतमा चइ लबै के फाक्‍कर्न तयाइ।

रोमी 2:17

दिलेया क्‍हेमैंए म्‍हाँजोरि खाब् मुँलेया “ङ यहूदी ग, ङइ परमेश्‍वरलाइ ङो सेम्,

रोमी 2:23

परमेश्‍वरजी पिंबै ठिम क्‍हिने बालु मुँ बिसि क्‍हि प्‍हैंमुँ, दिलेया ठिमर मुँबै ताँ क्‍हिइ आम्हाँदि, धै परमेश्‍वरलाइ तो धोंइ आङ्हाँ, आङिं वा?

रोमी 3:27

छतसि ङ्योइ तले प्हैंल् त्हुइ? प्‍हैंबै ताँ तोइ आरे। ङ्योइ ठिमइ बिब् ङिंसि परमेश्‍वरए उँइँर ठिक ठर्दिस्‍याँ प्‍हैंबै घ्याँ या तमल, दिलेया येशू ख्रीष्‍टए फिर बिश्‍वास लसि मत्‍त्रे ठिक ठर्दिबइले प्‍हैंबै ताँ तोइ आरे।

२ कोरिन्थी 10:15

ङिलाइ परमेश्‍वरजी पिंबै जिम्मा बाहेक् अरू चेलामैंइ लबै केर ङिइ यो झोंसि थेब् आप्‍हैं। बरु क्‍हेमैंए बिश्‍वास भोंब् तरिगे धै परमेश्‍वरजी ङिलाइ जिम्‍मा पिंब् धोंले ङिइ क्‍हेमैंने बालु झन् ल्हें के लल् खाँरिगे बिब ङिए आशा मुँ।

२ कोरिन्थी 12:20

क्‍हेमैंए बानि छ्याँब तरिगे बिब ङए सैं मुँ। दिलेया क्‍हेमैं ङाँर ङ खमा ङए सैंर मैंब् धों तब क्‍हेमैं आत उ, छलेन क्‍हेमैंए सैंर मैंब् धों तब ङै या आत उ बिसि ङ ङ्हिंइमुँ। तलेबिस्याँ क्‍हेमैं न्होंरि प्होंगि कैगि लब, ख्रे लब, ह्रिस लब, ह्रोंसए फायदा मत्‍त्रे म्‍हैब, अरूलाइ प्ह्रब, फ्रम् ताँ क्‍योंम् ताँ लब, थेब् प्हैंब, बिब् आङिंब तलै खाँम्।

२ थेसलोनिकी 2:4

म्हिमैंइ म्हाँदिरिबै ताँन् सैमैं भन्दा खी थेब् ग बिसि म्हिमैंइ म्हाँदिरिबै सैमैंए बिरोध चइ लम्। धै ङन् परमेश्‍वर ग बिसि च परमेश्‍वरए मन्‍दिरर क्हुँम्।

२ तिमोथी 3:2

च त्हेर म्हिमैंइ ह्रोंसलाइ मत्‍त्रे म्हाँया लब, मुइए लोब लब, ह्रोंसन् थेब् प्‍हैंब, सैं सार तब, अरूलाइ म्हि आलल्‍ले पोंब, आबा-आमाइ बिब आङिंब, खाबइ तो सै पिंलेया धन्यबाद आपिंब धै परमेश्‍वर आम्हाँदिब गुन् आरेब अपबित्र तब्‍मुँ।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

याकूब 3:5

छलेन ङ्योए ले च्युथिरि मुँलेया ङ्योइ तार आझोंस्याँ चइ थे-थेबै ताँ पोंम्। च्‍युथिरि मिइ थे-थेबै क्ह्‍यों (बन) तिस्यादेर्न ख्रोंवाम्।

याकूब 4:16

दिलेया तोगो क्‍हेमैं ह्रों-ह्रोंसन् ह्रब् प्हैंसि चाँजो लम्। छाबै प्हैंबै ताँमैं ताँन् आछ्याँब् ग।

२ पत्रुस 2:18

चमैंइ ङिम् ङिन् ग बिब् प्हैंसि थे-थेबै ताँमैं लम्, धै भर्खर आछ्याँबै घ्याँ पिसि छ्याँबै घ्याँर ल्हैदिब्मैंलाइ ज्युउँइँले खबै इच्‍छार लोब उँइँमिंसि फस्ला फस्लु लवाम्।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।