रोमी 1:26 - परमेश्‍वरए ताँ तमु क्युइर

²⁶ छतसि परमेश्‍वरजी चमैंलाइ चमैंए सैंर मैंब् धोंलेन् फापिन् तबै के लबर पिवामा चमैंए च्हमि रिमैंइ ह्रोंसए प्युँने मत्‍त्रे लबै के खें-खेंमैंए न्होंर्न लइ।

रोमी 1:26 ပူးပေါင်းရင်းမြစ်များ

उत्पत्ति 19:5

चमैंइ लोतलाइ हुइसि बिइ, “ङेसर क्हि ङाँर खबै म्हिमैं खनिर मुँ? चमैं बैरु ङि ङाँर पुयु ङि चमैंने रोम्।”

भजनमैं 81:12

छतसि चमैं खेंमैंए सैंर मैंब् धोंले प्ररिगे बिसि चमैंए सैंर्बै इच्छार्न ङइ पिमिंइ।

रोमी 1:24

छतसि चमैंइ लदा ङ्हाँबै आछ्याँबै केमैंन् लरिगे बिसि परमेश्‍वरजी चमैंलाइ पिवाइ। धै चमैंइ खेंमैंए न्होंर्न फा पिन् तबै केमैं लइ।

रोमी 1:28

म्‍हिमैंइ परमेश्‍वरलाइ पिंल् त्हुबै मान आपिं, छतसि चमैंइ तो लदा ङ्हाँम् लरिगे बिसि पिवाइ।

१ कोरिन्थी 6:9

अधर्मिमैंइ परमेश्‍वरए ग्याल्सर्बै आशिक आयों बिब क्‍हेमैं आसेइमुँ वा? क्‍हेमैंइ धोका योंबै के आतरिगे। छेरन् तबै के लब्‍मैं, कु पूजा लब्मैं, ब्यभिचारिमैं, मुयुँमैंनेन् आछ्याँबै के लबै मुयुँमैं,

एफिसी 4:19

चमैंए सैं सारो तबइले चमैंइ तो धोंइ आङ्हाँन्‍ले तो लदा ङ्हाँमुँ चन् लप्रम्।

एफिसी 5:12

(चमैंइ आसेल्‍ले लबै केमैंए बारेर पोंबै या फा पिन् तबै ताँ ग।)

१ थेसलोनिकी 4:5

दिलेया परमेश्‍वर ङो आसेब्‍मैं धोंले मुयुँमैं ने च्हमिरिमैं न्होंरि आछ्याँबै सैं मैंसि आप्रद्।

१ तिमोथी 1:10

नेरो छमिं न्हब्मैं, फ्रें क्ल्योंब्मैं, मुँयुँमैंइ मुँयुँमैं म्हैब्मैं, रिंमैंइ रिंमैं म्हैब्मैं, म्हि क्हाइ बोब्मैं, ह्‍योमैं, स्योर्गुमैं, स्योर तेसि ग्वाइ पिंब्‍मैं नेरो ठिक ताँमैंए बिरोधर पोंब्मैंए ल्हागिर पिंइ।

यहूदाइ प्‍ह्रिबै प्ह्रिछ्या 1:10

दिलेया चु स्‍योलिबै ताँ लोमिंब्‍मैंइ ह्रोंसइ आक्‍होबै ताँ या बिल्‍लि लसि पोंम्। धै बुद्धि आरेबै खेदोमैं धोंले च्हैंब् मैंब् आलल्‍ले चमैं सैंर्बै ताँमैंए लिलि प्रसि आछ्याँबै के लम्। छाबै केमैंइन चमैंलाइ नास लवाम्।

यहूदाइ प्‍ह्रिबै प्ह्रिछ्या 1:7

धै सदोम, गमोरा नेरो चमैंए खागुबै सहरर्बै म्हिमैंलाइ मैंन्। चमैंइ ब्यभिचार लसि आतबै के लइ। छतसि खोंयोंइ आसिबै मिर दण्‍ड योंसि चमैं नमुना तइमुँ।