रोमी 1:23 - परमेश्‍वरए ताँ तमु क्युइर

²³ चमैंइ खोंयोंइ तरिबै परमेश्‍वरलाइ मान आलल्‍ले झन् नास तयाबै म्‍हि, खेदो, नमेमैं नेरो सर क्‍ल्याँबै प्हलाँ प्हुलुँमैंए कु बनेसि फ्योइ।

रोमी 1:23 ပူးပေါင်းရင်းမြစ်များ

भजनमैं 106:20

छले चमैंइ बेल्‍ले थेबै परमेश्‍वर पिसि छि चबै क्ल्याए कुलाइ मान लइ।

चेला चिब्मैंए केमैं 10:12

च च्यादरर पृथ्बीर्बै ताँन् खालर्बै प्हले प्लि प्ह्‍याबै खेदोमैं, फोइ क्ल्‍‍याँइ प्रबै प्हँलाँ प्हुँलुमैं नेरो मुर्बै नेमामैं मुँल।

चेला चिब्मैंए केमैं 17:29

छले ङ्यो परमेश्‍वरए सन्तान तबइले खी मारा-चाँदि नेरो युँमा धों तबन् ग बिसि ङ्योइ मैंल् आत। तलेबिस्याँ चु सैमैं म्हिमैंइ सैंर मैंसि चमैंए योर्बै सिपउँइँले बनेबै सैमैं मत्‍त्रेन् ग।

रोमी 1:25

चमैंइ परमेश्‍वरए क्‍ह्रोंसेंन्‍बै ताँ क्‍वेंब् पिसि स्‍योलिबै ताँ क्‍वेंसि तोन्दोंरि सै बनेबै परमेश्‍वरलाइ आम्हाँदिल्‍ले परमेश्‍वरजी बनेबै सैमैंए पूजा लसि चमैंन् म्हाँदिइ।

१ कोरिन्थी 12:2

ओंसों ख्रीष्‍टए फिर बिश्‍वास आलमा केर आफेबै पोंलै आखाँबै कुमैंए लिलि क्‍हेमैं प्ररिल।

१ पत्रुस 4:3

ह्‍याबै त्हिंइजरे परमेश्‍वर आम्हाँदिब्मैंइ धोंले क्हेमैंइ ब्यभिचार लब, आछ्याँबै सैं मैंब, प्हा को तब, सैल् लब, छेरन् ब्योंबै कु पूजा लसि ल्हें त्हे खेरो वाइ।

दर्शन 9:20

छाबै दुःखउँइँले सोसेया चैबै म्‍हिमैंइ खेंमैंइ लबै पापउँइँले सैं आए। झन चमैंइ मोंए पूजा लब, धै मारा, चाँदि, पित्तल, युँमा, सिं, छाबै सैउँइँले बनेबै म्रोंल् आखाँब, थेल् आखाँब, प्रल् आखाँबै कुमैं पूजा लब आपि।