रोमी 1:17 - परमेश्‍वरए ताँ तमु क्युइर

¹⁷ तलेबिस्याँ चु सैं तोंबै ताँउँइँलेन् परमेश्‍वरजी म्‍हिमैंलाइ ह्रोंसए उँइँरि खैले ठिक ठर्दिम् बिसि उँइँम्। झाइले ओंसोंउँइँले लिउँइँ समा बिश्‍वासइ मत्‍त्रे म्‍हिमैं परमेश्‍वरए उँइँर ठिक ठर्दिल् खाँम्। छलेन “बिश्‍वास लसिन् परमेश्‍वरए उँइँर ठिक ठर्दिबै म्हिइ खोंयोंइ आखाँबै छ्ह योंम्।” बिसि परमेश्‍वरए छ्वेर प्ह्रिइमुँ।

रोमी 1:17 ပူးပေါင်းရင်းမြစ်များ

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

रोमी 10:3

परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।

रोमी 3:21

दिलेया तिंजोरोम् ठिम आम्हाँदिलैया खीए उँइँर म्हिमैं ठिक ठर्दिबै घ्‍याँ परमेश्‍वरजी उँइँमिंइमुँ। ठिम नेरो अगमबक्‍तामैंइ चु ताँए ग्वाइ पिंइमुँ।

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

रोमी 3:3

यहूदीमैं न्होंर्बै को-कोइइ खीए पबित्र बचन आक्वेंरि तो तइ दि? चमैंइ आक्वेंलै या परमेश्‍वर भर लल् खाँबन् मुँ।

रोमी 9:30

छतसि ङ्योइ तो बिल् त्‍हुम्? ठिमइ बिब् धोंले आप्रलैया अरू ह्रेंर्बै म्‍हिमैंइ बिश्‍वास लबइले परमेश्‍वरजी चमैंलाइ खीए उँइँरि ठिक ठर्दिइ।

२ कोरिन्थी 3:9

म्हिमैंलाइ दोषि ठर्दिबै ठिमै या छले चारल बिस्याँ, झन् म्हिमैंलाइ ठिक ठर्दिमिंबै के बेल्‍ले चारब्मुँ।

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

गलाती 3:11

छतसि ठिमइ बिब् धोंले लसि खाबै या परमेश्‍वरए उँइँर ठिक ठर्दिल् आखाँ बिसि परमेश्‍वरए छ्वेर छेनाले प्‍ह्रिथेंइमुँ: “खाब् म्‍हिइ परमेश्‍वरए फिर बिश्‍वास लमुँ, च म्‍हिन् खीए उँइँर ठिक ठर्दिब्मुँ, धै चइ खोंयोंइ आखाँबै छ्ह योंब्‍मुँ।”

फिलिप्पी 3:9

छतसि तारे ङ खीने बालुन् तदा ङ्हाँइमुँ। ह्रोंसइ लबै धर्मउँइँले, नेरो मोशाइ प्ह्रिबै ठिममैं म्हाँदिबइले ङ धर्मि तब आङि, बरु येशू ख्रीष्‍टए फिर बिश्‍वास लबइले ङ परमेश्‍वरए उँइँर ठिक ठर्दिइमुँ। छले ङ परमेश्‍वरउँइँले ठिक ठर्दिब् ग।

हिब्रू 10:38

ङए उँइँर ठिक के लबै म्हि बिस्याँ बिश्‍वासउँइँलेन् सोरिब्मुँ, दिलेया च ङ ङाँइले स्योयास्याँ ङ चने तोंरिब् आरे।”