दर्शन 9:4 - परमेश्‍वरए ताँ तमु क्युइर

⁴ झाइले परमेश्‍वरजी तिरिमैंलाइ छ बिइ, “पृथ्‍बीर्बै छि प्याँ पिमैं नेरो सिं धुँमैं, नास आलद्, दिलेया खाब् म्‍हिए ङ्‌होर ङए छाप आरे, चमैंलाइ च्हिद्।

दर्शन 9:4 ပူးပေါင်းရင်းမြစ်များ

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

प्रस्थान 12:23

याहवेह मिश्रीमैं ल्हिबर चमैंए ह्‍युलजरे ह्‍यामा म्रा फिर नेरो त्हो ङ्हिंर खीजी को म्रोंब्मुँ झाइले च म्रा वाथेंसि नास लबै सै क्हेमैं सैबर धिं न्होंर होंल् आपिं।

मत्ती 24:24

तलेबिस्याँ ‘ङ परमेश्‍वरजी कुल्मिंबै म्रुँ ख्रीष्‍ट ग’ बिसि स्‍योर तेब्मैं खब्मुँ। चमैंइ थे-थेबै चिनुमैं नेरो प्लेटोयान् तबै केमैं लसि उँइँब्मुँ, धै परमेश्‍वरजी त्हाँबै म्‍हिमैं खेंमैं ङाँइ बोल् म्‍हैब्‍मुँ।

एफिसी 4:30

परमेश्‍वरए पबित्र प्ल्हलाइ सैं नल् आलद्। परमेश्‍वरजी आखिरि त्हिंइर स्‍वर्गर बोबै ल्हागिर खीजी क्हेमैंए फिर ह्रोंसए पबित्र प्ल्हजी छाप ल्हैदिइमुँ।

दर्शन 14:1

ङइ धबै ङ्ह्‍योमा क्‍यु च्हज सियोन बिबै कोंर रारिब् म्रोंइ। खीने बालु लाख घ्रि से प्लिच्यु से हजार प्लि (१,४४,०००) म्‍हि मुँल। चमैंए ङ्‌होर क्‍यु च्हजए मिं नेरो खीए आबाए मिं प्‍ह्रिथेंल।

दर्शन 6:6

झाइले सो प्ह्‍याबै सैमैंए म्‍हाँजोउँइँले कै घ्रि धों तब ङइ थेइ। चइ बिइ, “तिगेंर्बै नों सै गहुँ किंस्याँ ङ्हिंम्‍ना, जौ किंस्याँ ट्हुम्‍ना पिंन्, दिलेया जैतुनए छ्युगु नेरो अँगुरए प्हा बिस्याँ जोगेसि थेंन्।”

दर्शन 7:1

च लिउँइँ ङइ पृथ्‍बीए कुना प्‍लिर स्‍वर्गदूत प्लि रारिब् म्रोंइ। पृथ्‍बी, मा ङ्युँइ नेरो सिं धुँमैंर खैं आखरिगे बिसि चमैंइ खैं थोमल।

दर्शन 8:7

ओंसोंबै स्‍वर्गदूतइ थुतुरु ह्रामा को कोंबै तिस्‍यु नेरो मि पृथ्‍बीर युइ। पृथ्‍बीए भाग सोंबाँर्बै तिबाँ, सिं धुँए भाग सोंबाँर्बै तिबाँ, झाइले पृथ्‍बीर मुँबै ताँन् सिं धुँमैं नेरो प्याँ पिंमैं ताँन् ख्रोंवाइ।