दर्शन 9:17 - परमेश्‍वरए ताँ तमु क्युइर

¹⁷ झाइले ङइ दर्शनर घोडामैं नेरो घोडा क्रेब्‍मैं म्रोंइ। घोडाए फिर क्रेब्‍मैंए तिंर्बै पैए प्लाँ मि लुँब् धोंबै ओल्‍ग्‍या, निलम् बिबै युँमा धों तबै मु रङबै नेरो उर्ग्‍या मुँल। च घोडामैंए क्र सिंहमैंल् धों ब्योंब मुँल। धै च घोडामैंए सुँउँइँले मि, मिखु नेरो आछ्याँबै थाँ नाँबै सै त्‍होंरिल।

दर्शन 9:17 ပူးပေါင်းရင်းမြစ်များ

उत्पत्ति 19:24

झाइले याहवेहजी सदोम नेरो गमोराए फिर मुउँइँले मि नेरो बारुद कुल्मिंइ।

भजनमैं 11:6

आछ्याँबै के लब्मैंए फिर खीजी मि नेरो बारुद प्रामिंब्मुँ, धै ट्हुबिन् लास्युवाबै लल खैंइ चमैं ख्रोंवाब्मुँ।

दर्शन 11:5

खाबज्यै चमैंलाइ न्होह्रों लबै सैं लइ बिस्याँ, च ग्वाइ पिंब्‍मैंए सुँउँइँले त्‍होंबै मिइ चमैं नास लवाब्‍मुँ। छले चमैंलाइ न्होह्रों लल् म्हैब्मैं नास तयाब्मुँ।

दर्शन 14:10

चमैंइ परमेश्‍वरए बेल्‍ले थेबै ह्रिसए प्हा थुँल् त्‍हुब्‍मुँ। च त्हेर तिफुँइ ल्हयो आखल्‍ले परमेश्‍वरजी सजैं पिंब्‍मुँ। च म्‍हिमैंइ पबित्र स्‍वर्गदूतमैं नेरो क्‍यु च्हजए उँइँरि मि नेरो गन्‍धकरि बेल्‍ले दुःख योंब्‍मुँ।

दर्शन 19:20

दिलेया परमेश्‍वरए फौजमैंइ च खेदो नेरो स्योर तेबै अगमबक्‍तालाइ क्‍हाइ। (च स्योर तेबै अगमबक्‍ताइ च खेदोए उँइँर ओंसों औदिबै चिनुमैं लसि खेदोए छाप किंब्‍मैं नेरो चए कुए पूजा लब्‍मैंलाइ स्योलिबै ताँ पोंसि चमैंए सैं खेंमैं ङाँइ च्यारवाल।) छतसि चमैं ङ्हिं सोगोंन् मि लुँरिबै बारुदए होंल्दोंर भ्योंवाइ।

दर्शन 20:10

झाइले च ह्रेंमैंलाइ लुबै स्योर्गुलाइ बारुदए थाँ खबै लुँरिबै मिए होंल्दोंर भ्‍योंवाइ। च खेदो नेरो स्योर तेबै अगमबक्‍तालाज्यै या ओंसोंन् चर भ्‍योंवाल। चर चमैंइ त्‍हिंयाँ म्‍हुँइँस खोंयोंन् बिलै थेबै दुःख योंल् त्‍हुब्‍मुँ।

दर्शन 21:20

आनिक्‍स, लालमणि, पितमणि, बेरुज, पुष्‍पराज, लसुने, नीलमणि नेरो कटेलाल् मुँल।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”

दर्शन 9:18

च दुःख सोंउँइँले, अथवा चमैंए सुँउँइँले त्‍होंबै मि, मिखु नेरो आछ्याँबै थाँ नाँबै सैउँइँले सोंबाँर्बै तिबाँ म्हिमैं सैवाइ।

दर्शन 9:9

झाइले चमैंइ खेंमैंए तिंर पैए प्लाँ धों तबै सै खिल। चमैंए प्‍ह्‍याउँइँले खबै कै ल्हडेंर ह्‍याबै त्हेर न्हेबै ल्हें घोडामैं नेरो रथमैंए कै धों तब् मुँल।