दर्शन 9:11 - परमेश्‍वरए ताँ तमु क्युइर

¹¹ च क्रोंर्बै दूत च तिरिमैंए म्रुँ मुँल। हिब्रू क्‍ह्‍युइरि च म्रुँए मिं “एबाड्डोन” ग, ग्रिक क्युइरि चए मिं “अपोल्‍लियोन” ग। च मिंए मतलब नास लब् ग।

दर्शन 9:11 ပူးပေါင်းရင်းမြစ်များ

भजनमैं 88:11

क्हिजी लबै खोंयोंइ आनुबै म्हाँयाए बारेर छगोंर बयन लम्मा? धै नास तबै क्ल्ह्‍योर क्हि भर लल् खाँब मुँ बिसि खाबज्यै बिल् खाँम्मा?

हितोपदेश 15:11

क्रों नेरो नर्ग खैतब मुँ बिसि याहवेहजी सेइमुँ बिस्याँ झन् म्हिमैंए खोंर्बै तोन्दोंरि ताँ खीजी था सेम्!

लूका 8:31

“ङि सजैं पिंबै ल्हागिर क्रोंर आल्हाद्,” बिसि मोंमैंइ येशूने यो छ्युँ लइ।

यूहन्‍ना 12:31

तलेबिस्याँ तारे परमेश्‍वरजी चु ह्‍युलर्बै म्हिमैंए निसाफ लब्मुँ, धै चु ह्‍युलर्बै म्रुँलाइ बैरु भ्योंवाब्मुँ।

यूहन्‍ना 14:30

तारे चु ह्‍युलर्बै म्रुँ खसिन् ‍मुँ। छतसि ङ क्‍हेमैंने ल्‍हें पोंरिब् आरे। चइ ङए फिर तोइ लल् आखाँ।

यूहन्‍ना 16:11

परमेश्‍वरए निसाफ खैबै तम् बिसि खीजी म्हिमैंने उँइँमिंब्मुँ। तलेबिस्याँ चु ह्‍युलर्बै म्रुँ दोषि ठर्दिल् खाँइमुँ।

यूहन्‍ना 5:2

यरूशलेमर्बै सहर न्होंरि क्यु मिं मुँबै थेबै म्रा मुँ। च म्राए चेंदो ठाँटि ङ्‍ह मुँबै क्यु ह्रा मुँ। हिब्रू क्‍युइर च ह्राए मिं बेथेस्दा बिमुँ।

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

एफिसी 2:2

च त्हेर क्‍हेमैं चु ह्‍युलर्बै रोसर प्रमल, धै शक्‍ति मुँबै मुर टिबै सैमैंए चिबलाइ म्‍हाँदिमल। तिंजोरो या परमेश्‍वरलाइ आम्‍हाँदिब्‍मैं च चिबए न्होंर्न टिइमुँ।

१ यूहन्‍ना 4:4

दिलेया ओ ङइ खोबै कोलोमैं, क्‍हेमैं परमेश्‍वरए म्हिमैं ग। क्‍हेमैंने मुँबै पबित्र प्ल्ह ख्रीष्‍टए फिर बिश्‍वास आलबै म्हिमैंने मुँबै प्ल्ह भन्दा थेबै शक्‍ति मुँबै प्ल्ह ग। छतसि क्‍हेमैंइ स्‍योलिबै ताँ पोंब्‍मैंलाइ ट्होवाइमुँ।

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 16:16

झाइले च स्यागि म्होंगि सोंइ च ताँन् म्रुँमैं हिब्रू क्युइरि आर-मागेड्डोन बिबै क्‍ल्‍ह्‍योर खागु लइ।