दर्शन 9:1 - परमेश्‍वरए ताँ तमु क्युइर

¹ च लिउँइँ धबै अर्को स्‍वर्गदूतइ थुतुरु ह्रामा ङइ मुसारा घ्रि स्‍वर्गउँइँले पृथ्‍बीर खारयुब म्रोंइ। च मुसारालाइ परमेश्‍वारजी क्रोंर्बै साँजु पिंइ,

दर्शन 9:1 ပူးပေါင်းရင်းမြစ်များ

लूका 10:18

छबिमा येशूजी चमैंने बिइ, “ओं, काम्‍लि-तिम्‍लि युब् धोंले मोंमैंए म्रुँ दुष्‍ट स्‍वर्गउँइँले क्युरु खारयुब ङइ म्रोंइ।

लूका 8:31

“ङि सजैं पिंबै ल्हागिर क्रोंर आल्हाद्,” बिसि मोंमैंइ येशूने यो छ्युँ लइ।

रोमी 10:7

छलेन ‘ख्रीष्‍टलाइ सिबउँइँले पखबर क्रोंर खाब् ह्‍याब?’ बिबै सैं या आमैंन्।”

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 1:20

ङए क्‍योलो योर क्‍हिइ म्रोंबै मुसारा ङिउलो नेरो माराए पानस ङिउलोए अर्थ चु ग: मुसारा ङिउलोए अर्थ नाँस ङिउलोर्बै बिश्‍वासीमैंए फिर्बै चिब्मैं ग, झाइले चु पानस ङिउलोए अर्थ नाँस ङिउलोर्बै बिश्‍वासीमैं ग।

दर्शन 11:7

छले चमैंइ परमेश्‍वरए ताँ बिप्रबै के लल् खाँबै लिउँइँ च क्रोंउँइँले त्होंखबै खेदोइ च ग्वाइ पिंब्‍मैं ङ्हिंने ल्हडें लसि चमैंलाइ ट्होसि सैवाब्‍मुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 20:1

च लिउँइँ ङइ स्‍वर्गउँइँले स्‍वर्गदूत घ्रि युरिब् म्रोंइ। चइ क्रोंर्बै साँजु नेरो बेल्‍ले ल्‍हिबै सँउँलि छेल।

दर्शन 20:10

झाइले च ह्रेंमैंलाइ लुबै स्योर्गुलाइ बारुदए थाँ खबै लुँरिबै मिए होंल्दोंर भ्‍योंवाइ। च खेदो नेरो स्योर तेबै अगमबक्‍तालाज्यै या ओंसोंन् चर भ्‍योंवाल। चर चमैंइ त्‍हिंयाँ म्‍हुँइँस खोंयोंन् बिलै थेबै दुःख योंल् त्‍हुब्‍मुँ।

दर्शन 6:13

थेबै खैं खमा तुँबु धुँउँइँले आमिंबै तुँबुए रोमैं खारब् धोंले मुर्बै मुसारामैं पृथ्‍बीर खारयाइ।

दर्शन 8:10

झाइले अर्को स्‍वर्गदूतइ थुतुरु ह्रामा मिए राब धोंले लुँरिबै थेबै मुसारा घ्रि मुउँइँले तेयुसि स्‍योंमैं सोंबाँर तिबाँ नेरो क्युए मूलमैंए फिर तेयुइ।

दर्शन 8:12

झाइले अर्को स्‍वर्गदूतइ थुतुरु ह्रामा त्‍हिंयाँ, लयाँ नेरो मुसारामैं सोंबाँर तिबाँलाइ ल्हिनेइ धै चमैंए ह्‍वे सोंबाँर तिबाँ म्हयाइ। छतसि त्‍हिंयाँ नेरो म्‍हुँइँसल सोंबाँर्बै तिबाँ मिछु तयाइ।

दर्शन 8:2

च लिउँइँ परमेश्‍वरए उँइँर रारिबै स्‍वर्गदूत ङि ङइ म्रोंइ। च स्‍वर्गदूतमैंए योरि खीजी थुतुरु ङि पिंइ।

दर्शन 9:2

धै चइ क्रों थोंवाँइ। झाइले थेबै कोदाउँइँले मिखु खब् धोंले च क्रोंउँइँले थेबै मिखु खइ। धै च मिखुइ त्‍हिंयाँ नेरो मु हुवाइ धै मिछु खैयाइ।