दर्शन 8:5 - परमेश्‍वरए ताँ तमु क्युइर

⁵ झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।

दर्शन 8:5 ပူးပေါင်းရင်းမြစ်များ

भजनमैं 18:13

याहवेहजी स्वर्गउँइँले थेबै कै तेमा, ताँन् भन्दा थेबै परमेश्‍वरए कै खन्तोंदोंन् कोयाइ। छतमा तिस्यु नेरो मिए राब तेयुइ।

प्रस्थान 19:16

नोगिम्धों न्हाँग तमा कोंर गड्‌याङगुडुङ तइ, धै काम्‍लि तिम्‍लि रासि कोंर रुँदो न्हाँमस्यो राइ, धै बेल्‍ले ङ्‍हेबै थुतुरिए कै थेइ। छतमा ब्यारेकर मुँबै ताँन् म्हिमैं ङ्हिंसि थरथर त्हारइ।

मत्ती 24:7

तलेबिस्याँ ह्रेंए बिरोधर ह्रें राब्मुँ ग्याल्सए बिरोधर ग्याल्स राब्मुँ, धै क्ल्ह्‍यो-क्ल्ह्‍योरि अँङ्गल तब्मुँ, सयो खब्मुँ।

लूका 12:49

“ङ आछ्याँबै सैमैं ख्रोंवाबै ल्हागिर पृथ्‍बीर मि भोर कुमिंबर युब् ग। च मि ओंसों ओंनोंन् त्हयास्‍याँ छ्याँब तमल।

चेला चिब्मैंए केमैं 16:26

च त्हेर्न एक्‍कासि थेबै सयो खसि झेलर्बै जगमैं लायाइ। च तोंदोंन् ताँन् म्रामैं थोंयाइ धै झेलर टिबै ताँन् म्हिमैंए फैसोमैं प्ल्हयाइ।

चेला चिब्मैंए केमैं 4:31

चमैंइ प्राथना लल् खाँबै लिउँइँ चमैं खागु तबै क्ल्ह्‍यो लायाइ, धै चमैं ताँन् पबित्र प्ल्हजी प्लिंयाँइ, छतमा चमैंइ आङ्हिंन्ले परमेश्‍वरए ताँ पोंइ।

दर्शन 11:13

धै च तोंदोंन् थेबै सयो ह्‍याइ, सहरर्बै च्‍युबाँरि तिबाँ नास तयाइ, धै हजार ङि म्हिमैं सैवाइ। अरू चैबै म्‍हिमैं बेल्‍ले ङ्हिंसि “स्‍वर्गर्बै परमेश्‍वर बेल्‍ले थेब मुँन!” बिसि खीए मिं क्वेइ।

दर्शन 11:19

च लिउँइँ स्वर्गर परमेश्‍वरए मन्‍दिरर्बै म्रा थोंयाइ, धै खीजी फैबै बाछाए ठिम झोंथेंबै म्हदुस मन्‍दिर न्होंर म्रोंइ। च्हमा काम्‍लि तिम्‍लि चारइ, मु ङ्‌हेइ, सयो खइ धै थे-थेबै तिस्‍यु युइ।

दर्शन 4:5

च राजगद्दिउँइँले काम्‍लि तिम्‍लि धोंबै चारबै बत्तिमैं म्रोंमल धै मु ङ्‌हेबै कैमैं थेमल। च राजगद्दिए उँइँरि मि लुँब् धोंबै बत्ति ङि मुँल। च बत्तिमैं परमेश्‍वरए प्ल्ह ङि मुँल।

दर्शन 6:12

झाइले च क्‍यु च्हजजी धबै अर्को छाप फोर्दिब् ङइ म्रोंइ। च लिउँइँ थेबै सयो खइ। त्‍हिंयाँ म्‍लोंग्‍या रुँदो क्‍वें धोंन् तयाइ। लयाँ को धोंले ओल्‍ग्‍या तयाइ।

दर्शन 8:3

झाइले माराए धुपारा छेबै अर्को स्‍वर्गदूत घ्रि परमेश्‍वरए मिंर ख्रो पिंबै क्ल्ह्‍योर खसि राइ। चइ परमेश्‍वरए राजगद्दिए उँइँर्बै माराइ बेनबै ख्रो पिंबै क्ल्ह्‍योए फिर परमेश्‍वरए ताँन् म्‍हिमैंए प्राथनाने बालु चडेबै ल्हागिर चलाइ ल्हें धुप पिंल।